DANIELI 11:40 - BIBILLYA Mareiyo Meele a Iruva

⁴⁰ “Kufii kyeeri kya mangyi ya taari ya sinde kisye, mangyi ya Misri mmbo ashekwiipoo inkaba indi mangyi ya taari ya ndoo, mmbo asheviira ngapo eyo kwa finya takwe shoose, eerye makari a fira, vesaama frasi amwi na ngalava shiingyi. Ashekaba neevinga ngyuruka shiingyi, neewali-wali sha mura wa mmbwa shiingyi.

DANIELI 11:40 Iomraidhean Croise

ISAYA 21:1

Yei nnyo nrumi yesheya Babilony: Sha kitita-si uraato lutiri finya mmbo lukeesha luuka uruka lutiri weeresi taari ya kasa koomu, mmbo lurye urumato lweeresye urukeny.

ISAYA 5:28

Mife yaawo mmbo ikee myoovi nnu, na ura lwa vayo llwammaa ilemywa mbungashu ta frasi tawo mmbo tikee shuumu sha mawe, na fireto fya vayo fikarunguka sha uraato lwa kitita-si.

ISAYA 66:15

Mashika Nndumi Iruva ashaa na muro, na mitika akwe a fira erishiswaa ni uraato uniini; naambo nawataiye na unyafi lwa muro ushakaa, na wiikimbi lwakwe na fipalapala fya muro.

YEREMIA 4:13

Lola, akakato akeesha sha mafishi, mitika yakwe mmbo ivakkye kitita-si; frasi tawo mmbo tirishaa ngota ngoru woshiny llweru, lwanreka!

ESEKIELI 38:4

mmbo shishekwiindutaa, shishekudoshya ndoana yefo yuunduny lyafo, shishekurufwa amwi na itorito lyafo lyoose, frasi na yewo vesaama frasi woose, woose mmbo varee fisha fya wo ngata, itorito iniini nnu, varee ngao na kofya ta minya, woose vatiri ngyusu.

ESEKIELI 38:9

Mmbo kukwiipo kuvivike sha uraato, kusikkye uruka sha ifishi, yewe kumuni na itorito lyafo lyoose amwi na masanga engyi yoo akee kyimwi neewe.

DANIELI 11:10

“Vana vakwe mmbo vashesanyiryaa, itorito lya fira lying'ani; lyivarishise sha mura mwiingi usheekaa, kutani vandekaba kulya turuveny yaawo.

DANIELI 11:11

Naasa mangyi ya taari ya sinde eetirwa nngoo mmbo ashekapaa fira na mangyi ya taari ya ndoo, lla neelyi atiri nsemu wa itorito lyo ashevingwaa.

DANIELI 11:13

“Mashika mangyi ya taari ya ndoo mmbo akeendedeesya itorito lying'ani; kilanya ya lilya lya mbee. Naasa ando a myaaka myaangu mmbo ashewuyaa neetorito iniini lyitiri finya na fisha fiingyi.

DANIELI 11:22

Nndu moose yeto ashevaa kilasha nawe, nakwa ava nkohani wa Iruva, mmbo ashemuuta-u.

DANIELI 11:25

“Mmbo ashedeesya itorito lyingyi lyitiri finya, naambo ashekooya ikaba mangyi ya taari ya sinde. Nawe mangyi ya taari ya sinde, kakooya etiri itorito lyitiri finya nnu, kasalala kyuumi, indi kalemwa, nnyaleidima-fo, mashika eemma yookywa mitambo yeentula.

DANIELI 11:35

Maata ya valya varango vawaawa, naambo kiwote utefusu valya vasaa-u, vasangywa, na ilyiswa, kutani kyeeri ekyo kya mafurumyony kikee kideesye kyainukya.

DANIELI 11:39

Mmbo ashekapanaa kya turuve yeto titiri finya niini eesheekywa ni maruva meny kutani atilyimba finya, valya vashemwiirikyaa sheelyi we ni mangyi, mmbo ashevalolaa nisha. Ashevavika vasongoru efo umangyiny lwakwe ashevaniinga na marema maniini luve llo weesi lwawo.

DANIELI 11:7

Fyeeri filya fyeni asheshaa umwi ooka efo ngyeeriny yaawo asheva mangyi. Nawe nashekapa matorito a mangyi ya taari ya ndoo, naange neefo turuveny yaawo navavinge.

DANIELI 12:4

Naasa kashivia, “Danieli, ulaalu ososa kyitabu deny kuvike na kiringisyo fika yoo masiiyony a ulana. Kyeeri ekyo vandu mmbo varewaa vekwaataraa ruu naambo vamanyi findo fitanyikaa.”

DANIELI 12:9

Kashivia, “Danieli, enda kyafo, mashika mbony eti ntakirika kutani kwafika yoo masiiyony.

DANIELI 8:17

Nawe kashesalala kufii neeny, shaawukwa nnu, shawa-si kifulu-fulu. Nawe kashivia, “Yewe mwana wa nndu, manyaany mbony yeti. Moorya yaa, mmbo yoora kyeeri kya mafurumyony a ulana.”

HABAKUKI 3:14

Mife yafo ikadosha kirongosi wa itorito vakwe ikasha ivakye kititasi ikalufwa-fwala sha llya valefisha kyama imira vakiva.

SEKARIA 9:14

Nawe Nndumi Iruva ashesomukyaa vandu vakwe; ashelekeiyaa mife yakwe sha kimwii, Nndumi Iruva ashekapaa iranda, mmbo asheshaa aryani na kitita-si kya taari ya sinde.

Usukuyony 16:12

Na yeto wa karindaru kapusuya kipete kyakwe kulya mureny ulya nniini uvaangwaa Frati; mura wa vayo ukoomya, naambo kukee shia ya yeende vamangyi vauke taari ya ngaminy.

Usukuyony 9:16

Na yeekyena lya maronda a vasikari va frasi efikye fiku makumi avii ka fiku ikumi; llyo yeekyena shileeta.