DANIELI 11:36 - BIBILLYA Mareiyo Meele a Iruva

³⁶ “Mangyi mmbo ashetanaa shaasa akunndye, Mmbo ashekurosaa naambe mmbo ailanyi wo iruva, kailanya na Iruva yeto wa uwe. Nawe mmbo ashevaa mwiikurosa indo kutani Iruva muni ashenkabaa, mashika kilya kikee kideerye ni kuti kitanyike.

DANIELI 11:36 Iomraidhean Croise

SABURI 136:2

Aniny Iruva wa maruva moose. Kimmba ilyillya lyakwe lyikee lya llung'anu.

SABURI 33:10

Nndumi Iruva mmbwe afuluta mirumbuye ya masanga, Na makusaro awo kaasasammbwa.

FYAASO 19:21

Nrweny wa nndu nkwiifo mbony shiingyi, Indi kilya Nndumi Iruva anrummbwa nkyo kisheutikaa.

ISAYA 10:23

Yee! Nndumi Munifinya, Iruva wa matorito, mmbo ashiinuttya kya dede ekyo anrummbwa itana mmbo shiinuutya nnang'ani ya uruka loose.

ISAYA 10:25

Mashika ni kivero kyaangu kyiseiu nyashi yakwa ikeemanda, nayo ishewawoyaa kya urumato.”

ISAYA 10:5

Woshiny lwakwe Ashuru, nsengye wa nyashi yakwa, yewe mmbwe mbiiri ya nyashi yakwa!

ISAYA 14:13

Yewe mmbo kulekwaambaya yefo nriminy wafo, Mmbo shisaama shifike iruveeu shindevika-fo kitima kyakwa uwe ya nyinyri ta Iruva, Shindekaa uwe ya ifumbuu kundo vakwaanannya maruva a wongo, efo taari ya ndoo.

ISAYA 14:14

Shisaame shiire uwe ya mafishi, shikwallwe shive kyimwi sha Iruva muni finya.

ISAYA 26:20

Angeny na mmba kwany vandu vakwa, mukakuraiya yefo mmba. Mukusurumi kwa kyeeri kyifii kutani nyashi ya Nndumi Iruva yasia.

ISAYA 30:33

Ando kweekorywa mangyi ya Ashuru mmbo kulemma ideesywa mikonu miingyi. Ando yoo mmbo kutiri irina lying'ani taari shoose. Muro wiiyo na ngwi tifye. Nndumi Iruva mmbwe muni ashaata muro yeto.

ISAYA 46:10

Mmbo shivambisye mbony uka mapookyony fika mafurumyony na ukya elyo kasha mbony kulaore tilentanyika shisheambaa. Usumanu lwakwa llo lushesalalaa. Nshishetanaa kilya kishisennyi yeny.

ISAYA 57:9

Mmbo mukeindya mangyi moleki mukamweegye mafura afwaamaa nnu, kwaruma ironda lyafo lyeende kwaasha, ikuruuyya maruva kutani kwafika kwa warumu.

ESEKIELI 28:2

“Yewe mwana wa nndu, rera na mangyi ya Tiro kummbie; Nndumi Iruva aamba indi: Kimmba nrima wafo wammba mbafu, ‘kwaamba yewe mmbwe iruva! Neewe mmbwe kukaaye kiri kya maruva yefo si nnang'ani ya yeeve.’ Ate nta nkukee iruva-fo ni nndu tupu, naakwa nnyelyi kwakusara yefo nriminy wafo sheelyi mmbo kukee nrango sha iruva.

ESEKIELI 35:13

Neeni mukakurosa uwe yakwa kwa kana kyany muveni, na yeengera marero meengyi uwe yakwa neeny shimuni sheeta.

DANIELI 11:16

Kyeeri vamisa yewo vashevasheyaa, mmbo vashevatannyaa ndesa vakunda, kulakaa-u nndu akarya irera nawe; ashekaa efo urukeny lutiri itumbe, vaishillye kuleefo kindo kivaimaa.

DANIELI 11:3

“Numa kushesha mangyi ungyi atiri finya nasheshillya uruka uniini, neekyo kyoose akunda itana navekitana.

DANIELI 11:37

Mangyi yeu mmbo asheminaa iruva llya vandeye vakwe, na iruva llya lyekunndywa ni vaka. Namini maruva engyi moose, mashika a ikurosa sheelyi mmbwe ang'annyi maruva engyi moose.

DANIELI 12:7

Nndu ulya esalelyi uwe ya mura, eree soori shimamiri kepoo maako moose avii na uwe iruveeu, kalya mboo kwa yeto wa llung'anu, kaamba ni, “Fyeeri firaru na kyenga fishiraa, kyeeri makiva a vandu veele ashesyaa, na mbony eti shoose, mmbo tikooywa tamminukya.”

DANIELI 2:47

Mangyi kammbya, “Ni kya dede Iruva wafo mmbwe wa dede kailanya maruva engyi moose. Nndumi Iruva ailanyi vamangyi, kaveva ni mwiidimi isukuya vandu findo fisurumi fya ngyende, fyeeresye. Ekyi mmbo shasukukyo mashika elyi kwaidima itambashwa kyama ekyi kyakwa.”

DANIELI 4:35

Yewo vakee kunu si kwakwe nsheelyi nshi kindo-fo, Vasu iruveeu na vandu kunu si ni maakony akwe vakai. Nkwiifo aidima ilema ekyo ankunda, ao ekyo atana-fo.’

DANIELI 5:19

Na kyeendwa ni itumbe llya alenniinga, vandu va masanga woose na fwana na fishomu vakeereya na irerema mbee yakwe. Nakunde iwaa nndu mmbo emmbwaa. Nakunde ikira nndu, naasa mmbo enraa. Mmbo aleng'anisa eto alenkunda ao yiipala yeto alekunda intannya indo.

DANIELI 5:20

Kimmba alekurosa we muni, makusaro akwe akallemba na nrima wakwe ukava muumu, kaposha urundi lwakwe, llyo alesokwa kyiri kya umangyi na itumbe lya-vayo.

DANIELI 7:8

Kyeeri shekeelola mbembe tilya shalollya wombe lungyi udu lwiimyaa nnang'ani ya tilya tingyi ikumi. Elu udu lukafuna-u mbembe isaru. Wombe elu udu mmbo lweetiri miso a nndu na kana kyekeerera marero a ikushopa na ikurosa.

DANIELI 8:19

Kashivia, Arannya shikuvie, kumanyi, nyashi eyo ya Nndumi Iruva ishekaa ishe, na ngata ishevaa. Moorya ya ashoora fyeeri fya mafurumyony.

DANIELI 8:4

Shalollya suva yeyo iikapanaa ilella na taari ya nkwaany, na ya ndoo na taari ya sinde, kuleefo ifisi lyimwi lyileidima isalala nta ikweesa finya nayo; mmbo yekeetana ngata yakukunndya na ilyang'aa deny.

SEKARIA 11:16

Mashika mmbo shikeyeende kunu urukeny, mwiisi alasarye mbony ta maanri akeerumaka, nta isangirya valya vakeenyanyaka, nta ivavara valya vafikye marende, nta iniinga shoonga valya vatiri muu, indi mmbo ashesauwa, nalye valya vatiri finya, nalye asande na mbungashu ta-vayo

Yohane 5:30

“Yeny nshishiidimaa itana kindo kikee kya shila yakwa shimuni-fo. Mmbo sharummbwa kikwaani na ekyo shamiita, na ekyo sharummbwa kyikava kya usumanu. Mashika kindo mmballyaa nakyo nshi yekyo kikundywa ni yeny-fo, ni ekyo kikundywa ni yeto aleshiruma.

Yohane 6:38

Mashika kyashiniinga shooloka na kunu si, nshi ishetana kindo shikunndye shimuni-fo, ni kindo kikundywa ni yeto aleshiruma.

Mashora 4:28

naambo vatani fyoose efyo woko lwafo na wiidimi lwafo lwendeesya uka elyo mbee fitanyike.

NKUMBUYE WA UVAVASO 10:17

Mashika Nndumi Iruva, Iruva waany mmbwe Iruva wa maruva moose, na Nndumi Iruva wa vandumi woose, ni Iruva wa dede aeresye, nalalolaa fisangu fya vandu, nta nalawaryaa kindo kya nnga.

2 Vatesalonike 2:3

Kulave nta nndu umwi amulemba-fo, mashika nkonu yeto mmbusheshaa kulaore mbele umini llwa lwansha-fo, na nndu yeto kilemi noorwa paa yeto akee mwana wa ureti;

2 Vatesalonike 2:4

yeto akee kilemi, yeto mwiikurosa muni mbee ya Iruva yeto mwiindyo, nawe muni kakutemira yoo mmba ya Iruva kakwaa lwa mmbwe Iruva.

2 Vatesalonike 2:8

Lyo yeto akee kilemi asheorwaa paa, nawe Nndumi Yesu ashemwiviaa mumuyo wakwe ummbwaa, na inrumata deny elyi aiyo.

YOSUA 22:22

“Iruva Mwaafinya! Nndumi Iruva! Nndumi Iruva! Iruva Mwafinya! Nndumi Iruva! We eeshi, na Israeli vamanyi, kwakooya nkya usha ao kya ukasha, kwakooya mmbo lwalyamarya Nndumi Iruva, (nawe inu nalalure-fo);

Usukuyony 10:7

kuuta kyeeri kya mikonu ya unyanga llwa lwa nnsu ulya wa mfungare elyi ashekudeesya ikapa iranda, llyo ekyo Iruva akundye kisheinutywoo, shaasa aleongoya vasero yewo vakwe wo vakisuku.

Usukuyony 12:14

Nka ulya kaniingyo maaru avii a uviri llwa uniini naambo narumbuke neende ando akwe efo kasa, yoo akeelelwa ando a myaaka iraru na kyenga, nakee kwaasha na shoka yeyo.

Usukuyony 13:1

Naasa numa ya vayo shalollya ifisi lyikeyuuka efo yeeveny lyitiri mbembe ikumi na mirwe mfungare, na uwe ya mbembe eto ni ngyureto ikumi na efo mirweny yeyo ni marina a vearara.

Usukuyony 17:17

Mashika Iruva ambika miriminy yaawo ikusaro lyakwe, na ivika ikusaro lyimwi, na yeninga ifisi llya umangyi lwawo kutani marero a Iruva ainutyo.

Usukuyony 17:3

Kashiipoo na Mumuyo kashifita kasa koomu, shalollyafo nka, ekee uwe ya ifisi lyidodorye deny, lyireiye marina a fyaararo, lyitiri mirwe mfungare na mbembe ikumi.