DANIELI 11:31 - BIBILLYA Mareiyo Meele a Iruva

³¹ Matorito akwe mmbo ashetefusa mmba ya Iruva ya vayo, nnyasheimaa yuutya Iruva firaso fya wo nkonu fyemamitwa na muro na asherongaa mmba ya Iruva.

DANIELI 11:31 Iomraidhean Croise

YEREMIA 19:4

Mashika wa mmbaleshikapa mungo vakatefusa yaandi kya ikorya ubani kwa maruva engyi kulaore vaeeshi wo nta vamiku vawo nta vamangyi va Yuda; kya elyi valeishura yaandi samu ya vandu vasaari,

YEREMIA 7:30

“Kya elyi vasero va Yuda valeshitana fivishwa, ni Nndumi Iruva aamba; mmbaletana utefusu lwawommbeny ivaangwa na irina lwakwa iitefusa.

FIIYO 1:10

Vakiduva vakwe vakansoka usimba lwakwe loose. Kalollya vaanga naakwa ni efo mmba ya Iruva kweni, Ando Nndumi Iruva eelemyi vandu va masanga valavarye.

FIIYO 2:7

Nndumi Iruva alelema kitara kyakwe kyeerasya, katakarakanisa ando kwakwe kweele, kairikya vakiduva vakawundwa isimamba lya-vayo, Vakaongoryau elyi valevinga, ando alya lwekeindya na nsia.

ESEKIELI 9:7

Kawavia, tefuseny mmba yeeterevya na ishureny minyinga efo ndaleny “Endeny na mbee.” Naasa vekeendaa na mbee iwaa vandu yefo muriny.

DANIELI 12:11

“Kupookya nkonu ulya firaso fyeekora na muro wo nkonu fishemandiswaa, nkyo kyeeri kilya kya uravi weesi, ni mikonu kyiku kyimwi, mayana avii na makumi kyeenda isheiraa-u.

DANIELI 8:24

Mmbo ashetiraa finya niini nnu, nndu aeresye, mmbo ashelyamaraa na itana findo fiingyi fikasha. Nndu ashiidimaa irumata, newaa naakwa ni vandu veele va Iruva veni.

DANIELI 8:26

Myoorye ilya ya nkwaany na ngama, ni ya dede, ndesa kulevio, niindo kishevaa. Lyo ulaalu kive mbele kirika kyafo kumuni, kimmba kushiiraa-u fyeeri kwiite nkonu wafika.”

DANIELI 9:27

Mwiishillya yeto mmbo ashevikyana kyaasa na vandu veengyi ando a myaaka mfungare, na yoo nnang'ani a kyeeri ekyo, iniingya firaso mmbo fishemandaa. Urumato lulavaa yaamba mmbo lushekaa-rembo yoo mmba ya Iruva, lukeeu kutani asha yeto akee ndeesye ashelollyaa umando elo Iruva an-deesye.”

HOSEA 3:4

Na indo-da na vandu va Israeli nkuti vavere Iruva valatiraa vamangyi ao vasongoru vengyi, nta yuuta firaso ao itana ngo ta mawe eerasya, nta valatire mafwanu, nta ilafya-fo.

Matayo 24:15

“Naasa elyi meendi mushelollyaa uravi lwiilannyi kyeeso usutu lulya lweeallwa ando kweele irama lwansha nang'u lulya lukee waambe ni nkisuku ulya Danieli (na mwiisoma-u nakummbwe!)”

Marko 13:14

Indi usutu lyulya lwa yaallwa-u irama elyi meendi mushelollyaa lwamfika alya lulasumani ifika-u na yeto mwiisoma-u nakummbwe llyo yewo vakooyaa valele kunu Yudaya vanderisha vapare mafumbu-u.

Luka 21:20

“Indi meendi mushelolyaa kunu Yerusalemu kushingilyo mmatorito a fira nalyo manyiny, mmbo kwamfika kyeeri kya vayo kyealuka irama.

Usukuyony 17:12

“Na mbembe tilya ikumi kulelollya ni vamangyi ikumi valandewarye umangyi, lyo mmbo vakewarya ushilyi sha vamangyi ando a saa imwi ando amwi na ifisi llya.