DANIELI 11:15 - BIBILLYA Mareiyo Meele a Iruva

¹⁵ Llyo mangyi ya taari ya ndoo asheshaa na itorito lyakwe, nashingillye turuve yakwe ilya aivikye nsia vashetirwa mifungwa, na itorito lya taari ya sinde mmbatiri finya ya isiika itorito lya mangyi ya taari ya ndoo-fo, naakwa mmbalya vasauwe, mmbashiidimaa kindo-fo.

DANIELI 11:15 Iomraidhean Croise

YEREMIA 33:4

Yeny Nndumi Iruva wa Israeli mmbo shaamba sheelyi mmba ta Yerusalemu na ta kimangyi ta Yuda tishewunduywaa si kyeeri vasheshingillyoo.

YEREMIA 5:10

“Saama yefo ireminy lya misabibu kwaruuna, lyo kularumate-fo; ambuya maramba a vayo, mashika nnyakee a Nndumi Iruva-fo.

YEREMIA 52:4

Kwikee nkonu ikumi, mwiiri va ikumi, mwaaka wa kyeenda wa ushilyi lwakwe, Nebukadnesa mangyi ya Babilony kasha we kyimwi na itorito lyakwe lya fira ishekabana, katira muri wa Yerusalemu kauringyitya riti.

YEREMIA 6:6

Mashika Nndumi Iruva wa matorito aamba indi, ‘Arambweny miri yakwe songoseny mitaato iringitya Yerusalemu. Yeu ni muri ukee kuti ukapwo, nkwiifo kyindo kuuta ni ilyilyiswa-fo.

ESEKIELI 17:17

Naakwa itorito iniini lya mangyi ya Misri na mamwiingyi a vandu mmbamaa kindo fireny-fo. Kyeeri vashekooyaa itana ulale na turuve naambo wamamite vandu veengyi.

ESEKIELI 4:2

Kyoore sheelyi mmbo ukeenringitye riti. Yefo mbai ya vayo kuvike-fo isimamba lya finya kuringitye koose na muri, na meema a vasikari amwi na masinde a iwunndwa.

DANIELI 11:14

Kyeeri ekyo, mmbo vashekwiipo vandu veengyi kilasha kya mangyi ya taari ya sinde. Vandu valyang'a vashekwiipo kunu nnang'ani yafo naambo vainutye kya yoorya elyo lyo mmbavingaafo.

DANIELI 11:6

Ando a myaaka miwe mangyi ya Misri na Siria vakalya mma, naambo mfu wa kimangyi, wa taari ya sinde, nasherawa mmba ya kimangyi, vakareiyana mma ya ikulunga, na umangyi lwa taari ya ndoo. Indilyo mma yaawo nnyishevangaa-fo, nta mangyi na vammba yakwe, mmbashevandamaa nawe-fo; na mfu yeto wakwe, na valya woose aleenda nawo, woose mmbo vashewawaa.

DANIELI 8:7

Woro ilya ikasha kufii, ikakapa suva ilya kituri kwa finya, na mbembe tilya ivii ta suva tikafika. Suva ilya ikatura finya yekusiika, ikatuulwa-si ikakashywa-u, nta kulakee-fo nndu aidima yeekya.

YOSUA 1:5

Nkushekaafo nndu moose ashiidimaa ikukikisa yoo mbee yafo kyeeri kyoose, kya mu wafo-fo, na shaasa shekee na Mose shansongoya, niindo nshekaa neeweda, shilakuraa nta ikwaanguya.