DANIELI 10:19 - BIBILLYA Mareiyo Meele a Iruva

¹⁹ Kashivia, “Kimmba Iruva akukundye indo kulaereye-fo wuiywa mmuu, nta kindo kyimwi kilakuniinge usau nta ikweerese-fo.” Ekyaamba indo, shawuiywa mfinya mmwasi, shammbia, “Woi Nndumi shiviany ekyo kushiriye kwanshiviirya muu deny.”

DANIELI 10:19 Iomraidhean Croise

SABURI 138:3

Kyeeri shilekuvaanga mmbo kuleshiirikya; Kwashiviirya muu neeshivika finya.

ISAYA 35:4

Vieny yewo vaereiye nta mulairyeefo, kaaryeny. Lola Nndumi Iruva waany ashaa nataiye kiduva nashemwauwa.

ISAYA 41:10

Kulairyee mashika yeny shikee ando amwi neewe, kulasavae, mashika yeny ni Iruva wafo. Shikuniingaa finya, eeda, shikwekyaa, ee shikutiraa na woko lwakwa usha lutiri wiidimi.

ISAYA 41:14

Kulairyee Yakobo kukee sha ikuru, neeni vandu va Israeli, yeny nshamweekyaa, “Ni Nndumi Iruva aamba; na nkira vafo ni mweele wa Israeli.

DANIELI 10:18

Kasha ungyi avakye mwana wa nndu kashipaana neeny shawuiywa mfinya.

DANIELI 9:23

Kyeeri kulepooka yeererya Iruva mmbo alekurouwa kiterewo kyafo, mashika mmbo kukunndwa nnu, neeny mmbo shasha naambo shikooye ikuvia marero yoo, kusoongye, neemanya myoorya yoo.

HAGAI 2:4

Lyo mulasheefwa nrima-fo. Rundyeny mmba yei, neeny nkaa neeni.

SEKARIA 8:13

Naasa yeni vandu va Yuda, na vandu va Israeli, kyeeri kileira mmbo mwelollywa sha vandu vadenge nnang'ani ya vandu va masanga, indi ulaalu mmbo nshemukiraa neemuvikya mbora. Kaarieny! Mulaereye-fo.”

SEKARIA 8:9

Nndumi Iruva muni matorito mmbo aamba: “Kaarye-ny! Yeni vandu, elyi mwiifo mwushiita mbony tuuka kaniny ka vakisuku, kupookya nkonu ulya nsuka wa mmba ya Nndumi Iruva muni matorito weveywa, naambo ikooye itanwa wiiya.

Yohane 11:3

Naasa vamfwamaye valya vakwe vakanrummya nrumi, vakaamba; “Nndumi ulya kunkundye alwee.”

Yohane 11:36

Naasa Vayuda valya vakaamba, Llen-te ndesa enkunndye.

Yohane 11:5

Naasa, na Yesu akundani na Marta, na mfwamaye na Lasaro.

Yohane 14:27

Ni ufoo shamureeya, ni ufoo lwakwa shamusimba. Na nsimmbye wakwa nshi ukee sha nsimmbye wa ulana-fo. Nta mulasavae efo ngoony, nta mulatirwa mmbweerei.

Yohane 16:33

Marero yoo mmbo shammaarera mukooye itira ufoo mukulunngye neeny. Mukee kunu ulaniny mmbo mukee na fimusisiraa. Kaaryeny, yeny mmbo shammbinga ulana elo.

Yohane 19:26

Nalyo Yesu alollya maye na ulya wa kiloshyony aitani nawe, kavia maye, “Nka, yeu mmbwe mwana wafo.”

Yohane 21:20

Petro kainduka kalollya ulya wa kiloshyony ulya Yesu aitani nawe eefo ashaa yoo numa, (nawe mmbwe ulya alekaa rembo yoo uvariny lwakwe llya valelya kilaayo kilya kaamba, “Nndumi a ni vi akuringyaa?”)

1 Vakorinto 16:13

Laleny shoovi. Salaleny shumu efo kikusiryony. Rundeny kyuumi muve vatakusu.

2 Vakorinto 12:9

Lyo we kashivia, “Isarya lyakwa lyikufye.” Mashika wiidimi lwakwa mmbo lwalyimba yoo kukee kufwafwa. Nasaany mmbo shirumana kimaruma kya ufwafwa lwakwa shikee na ifura iniini, naambo wiidimi lwa Kristo lushikaye.

Vaefeso 6:10

Na kyingi-se, engereny iva vakaari mukee na Nndumi na wiidimi lwa finya yakwe.

2 Timoteo 2:1

Kyasiany, yewe mwana-kwa wona ikaariswa ni isarya lya Kristo Yesu.

YOSUA 1:9

A nshi yeny shilekuruma va ntakusu kutire nrima nkaari! Kulasheereyaa nta isavaa, mashika Nndumi Iruva, Iruva wafo mmbo akee neewe ando koose kusheenda.”

Usukuyony 1:17

Na yeny kyeeri shilellollya shawa si yoo marendeny akwe shava sha nndu amfwa. Kasheekerya woko lwakwe usha, kaamba, “Kulairyee-fo, mmbo shikee wa mbee na wa ifurumya.

VALETI 6:23

Nndumi Iruva kammbia, “Ufoo lukukaye, nta kulairyae-fo, mashika nkufwaa-fo.”