DANIELI 1:4 - BIBILLYA Mareiyo Meele a Iruva

⁴ vandu vakoo valatiri mfere, vatiri fwana shisha, vatakusu ikulosha na imanya findo, vandu vashiidimaa ikaa kufii na ifurukannya mangyi efo mmba ya umangyi, vatakusu ikulosha isoma na ireiya kishomu kya Vakaldayo.

DANIELI 1:4 Iomraidhean Croise

Mapookyony 41:46

Yosefu mmbo etiri myaaka makumi araru kyeeri alesha mbee ya Farao, we mangyi ya Misri. Yosefu kooka mbee ya Farao, kasaiya uruka loose lwa Misri.

2 SAMUELI 14:25

Kulya Israeli koose nkweifo nndu esennyi sha Absalomo-fo. Pookya uvayo fika nrweny nnyetiri teve-fo.

FYAASO 22:29

Ndesa eefo nndu atiri umanyo mashoreny akwe? Yeto asherundyaa vamangyi; Nnasherundyaa vandu valavaa-fo.

MWIILOSHA 7:19

Urango luniinga nndu nsongovisi finya mmwasi kailannya vamangyi ikumi vakee muriny.

ISAYA 36:11

Naasa Eliakimu mwana wa Halkia na Shebna na Yoa vakivia nsongoru ulya ekee rera, “Woi-dwa rera na vandu ewo vafo kwa kishomu kya Kiashuru mashika yese lwiishi kishomu ekyo; nta kularere neese kishomu kya Kiyuda-fo naambo yewo vakee numa ya isimamba valashe iitya.”

YEREMIA 5:15

“Lola, Yeny nshikeemweengye isanga lyuuka kwaasha lyimuwoye, yeni mmba ya Israeli, ni Nndumi Iruva aamba. Ni isanga itakusu, isanga lya kasha nnu, isanga kuleeshi kyishomu kyawo nta kulamanyaa yekyo vakeerera.

DANIELI 2:10

Vakaldayo valya vakarouwa mangyi, vakammbya, “Nkundekee-fo nndu kunu ulaniny ashiidimaa itana findo mangyi akunndye-fo, mashika nkwiifo mangyi moose atiri finya na wiidimi, kashevesa vaanga, veelafya na vasavi mbony sha yei-fo.

DANIELI 2:2

Naasa mangyi kavaanga vaanga, velafya vasavi na Vakaldayo vakwe naambo vashemmbya, na intammbashuya yoorya lyakwe. Nawo vakasha vakashesalala mbee ya mangyi.

DANIELI 3:8

Llya yeni vakasha Vakalidayo maata, irera kyikasha kya Vayuda.

DANIELI 4:7

Naasa vaawuya, na vasavi, na vaanga na varango vakasha, shavavya yoorya llya, lyo valaidimi ishirambuya.

DANIELI 5:11

Kunu umangyiny lwafo kwiifo nndu atiri mumuyo wa maruva meele. Kyeeri ndoo etiri umangyi, nndu yeu mmbo aleora urango na imanya lyakwe kava sha maruva. Nawe ndoo, mangyi Nebukadresa, kammbika nsongoru wa varango woose, vasavi, na velafya; na Vakaldayo, vengyi woose.

DANIELI 5:7

Naasa kaffwa na unyanga waasha kavavasya vaanga vandevaangwa vasavi, na veelafya na veawuya fisuku vashentambashuya mbony yei. Nawo vekyisha mangyi kavavia, “Nndu yeto ashidimaa isoma fireiyo efyo na ishivia na kindo fyaamba, mmbo ashevikwaa soori ta kimangyi na nse wa saabu, na mmwasi asheva wa kararu kunu umangyiny lwa Babilony.”

DANIELI 9:1

Kwikee mwaaka wa mbee, kyeeri Dario mwana wa Ahasuero mwamedi alepooka ishillya uruka lwa Vakaldayo.

SEKARIA 2:4

Ulya umwi kavia ulya ungyi, “Angusya, kundevia nndu ulya arye nkova wa yeesa mmba, sheelyi Yerusalemu mmburingitywa na isimamba-fo, kyimaruma kya mamwiingyi wa vandu vashekaa-fo amwi na findo fyawo.

Mashora 7:20

Kyeeri ekyo llyo na Mose awonika ekee kimwana kisha nnu, kalelwa ando a miiri iraru nsi ekee mmba kwa ndeye.

Mashora 7:22

Mose kaishivirwa urango loose lwa ki-Misri, kamanya kishomu na ngaa yaawo.

Vaefeso 5:27

Naambo nakuwonisye siri itiri itumbe ilatiri ivara nta mbese nta uravi sha elo; naambo ive sheele ilatiri ivara.

VALETI 8:18

Naasa kavesa Seba na Salmuna “A nkwi womi valya mulewaa kulya Taboni vakai?” Vakarouwa vakaamba, “Shaasa kukai, ni indo veekai wo umwi waawo; mmbo weevakkye vana va mangyi.”