AMOSI 8:3 - BIBILLYA Mareiyo Meele a Iruva

³ Elyi nkonu yeto wiishaa, fiimbo fyawo mmbo fishevaa kiiyo na kyoorongye. Minying'a ishekwaalalaa koose, wo nndu namalallye sau.”

AMOSI 8:3 Iomraidhean Croise

SABURI 39:9

Shammalallya nshikyaamba kindo lyingyi-fo. Kimmba ni yewe kuletana indo.

ISAYA 37:36

Kio kilya kyeni nsu wa Nndumi Iruva kandewaa vasikari fiku iyana llyimwi makumi nyanya na varaanu va vaasikari, na kyeeri vandu valekwiipoo ngama vakakooya minying'a yaawo.

YEREMIA 22:18

Kweekyo Nndumi Iruva aamba ule kya Yehoyakimu mangyi ya Yuda; “Mmbashiffwaa kyakwe veeshaambaa, ‘Woo mwana-ma!’ Ao ‘Woo mfwa-ma-fo!’ Mmbashiffwaa kyakwe veshaamba, ‘Woo nndumi vakwa!’ Ao ‘Woo itumbe lyakwe-fo!’

FIIYO 2:10

Vamiku va muri wa Yerusalamu mmbo vakee vavike rembo yoo si vamalallye sa-u, veree makunya vefwani kiluulyi nrweny, Vana va kika vainyikye mirwe yaawo si.

YOELI 1:11

Kimaruma kya nganu, elyi fimu filakiifo

YOELI 1:13

Yeni vakohani raeny soori ta kiiyo. Ongoreny yeni veerundya ando kweele Oshony mulale shoovi, yeeni veefurukanya Iruva. Mashika elyi firaso lfya nswa na mfinyo filakiifo.

YOELI 1:5

Yeni vanangwa okyeny-te, muiye neekapa kiiyo. Kyeendwa nkyaanka kya wari wany, Mashika mmukiulollyaa lyingi-fo.

Valevi 10:3

Llyo Mose alevia Aron, “Ekyi nkyo kindo Nndumi Iruva alekirera, eshaamba, Yewo veeshisheya nkuti vashirumishe, neeny shing'aniswa efo kwa vandu woose.” Aron kamalallya sau.

AMOSI 4:10

Shamurikya ndwari shikasha sha tilya shilerika kulya Misri. Mmbo shilewaa vasoro vany fireny na frasi tany tikakamarwa Mukawona kiraa kya minying'a yeyo ilewa efo ulaleny lwany. Lyo nta muleshiwuiya-fo.

AMOSI 5:16

Naasa Nndumi Iruva muni matorito kaamba, “Mmbo kushekaafo yoongora na kiiyo na ting'wa efo miriny. Naakwa mmbaremi vavio vashekaba kiiyo ando amwi na yewo vavaangwa vatawo weesi lwa ikaba kiiyo.

AMOSI 5:23

Reny kyoorongye kya fiimbo fyany. Nshisennywa yaarannya finanda fyany-fo.

AMOSI 6:4

Oshiny lwany elyi mushekoywaa mwimuyi efo firiny fyany mwilyaa nyama ta suva.

AMOSI 6:5

Mukeemba fiimbo fisongosye, sha filya fya Davidi mukakapa na finanda.

AMOSI 6:8

Nndumi Iruva muni matorito mmbo amwiikimba, kaamba, “Mmbo shisukywa ni ikurosa lya vandu va Israeli. Shasukyo ni usimba lwa mmba tawo. Mmbo nsherambikyaa vakiduva vawo muri yeu wawo, na fyoose fiifo.”

AMOSI 8:10

Mmbo nshealashaa ifura lya sukukuu tany lyive kiiyo kyeerika, na fiimbo fyany fya nsia five kiiyo kya ting'wa. Muute mirwe neraa makunnya, muvake vafee vaiyaa mwana waawo umwi-nsi. Mmbo ushevaa nkonu wa ting'wa dede deny.

NAHUMU 3:3

Veesaama frasi mbakee ikuteesya, ngyusu na mafumu mmbo akeemika-mika; Minying'a mmiingyi nnu ilavaa yekyeena, Vandu mmbo vakee ikukapafo kyeeri vakee iira.

SEFANIA 1:7

Nkonu ukee kufii kyeeri Nndumi Iruva ashekaa rembo yuutya vandu uvingo, nkyo mmalallya sau mbee yakwe. Nndumi Iruva mmbo akee idesya yuutya vandu vakwe vave kiraso kyemamitywa mmuro, mmbo ambaanga misa ishekaba Yuda.