AMOSI 4:4 - BIBILLYA Mareiyo Meele a Iruva

⁴ Nndumi Iruva amuvia yeni vandu va Israeli, “Endeny kulya Beteli mundelyamara! Endeny na Gilgal mundelyamara deny. Engereny yeende findo fyany firaso fyeemamita na muro, ngama na nkwaany, muveende na firaso lfya kyenga kya ikumi wo nkonu wa kararu.

AMOSI 4:4 Iomraidhean Croise

MWIILOSHA 11:9

Fura yewe mwana nkoo fura kya ukoo lwafo. Kyesa nrima wafo kyeeri ekyi kya ukoo lwafo. Niinga ekyo nrima na miso afo akunndye, lyo kummbwa sheelyi Iruva mmbo ashekuutya uvingo kyuuka na mitannyi yafo.

ESEKIELI 20:39

Kya mbony tany Nndumi Iruva mmbo aamba: “Yeni, va mmba ya Israeli; endeny mukanderunndya mafwanu any, wo umwi waany, ulaalu na fyeeri fishaa numa, kwakooya mulakunndye ishaarannya; lyo irina lyakwa yeele mmukaa mulyitefuse lyingyi-fo na firaso na mafwanu any-fo.

HOSEA 12:11

Lyo fika ulaalu maruva a wongo mmbo akeeinndywa kulya Gileadi. Neewo veindya indo nkuti vafwe. Shau kulya Gilgali mmbo tikeshishwa. Lyo fitara efyo fyeerasya mmbo fishevaa mboto ta mawe a mbateny.

HOSEA 4:15

Lyo ra elyi yeni vandu va Israeli mulakutiri neeny, lyo vandu va Yuda valawe ulyamariny sha elo lwany-fo. Muleende Gilgali indeendya-fo-fo na Beth-aveni mularwe nafo-fo. Nta mulavikye-fo Nndumi Iruva fyaasa-fo

HOSEA 9:15

Nndumi Iruva mmbo aamba. Uravi lwawo nnyalya Gilgali lummyi. Ng'u shepookya ivaswa. Na kimaruma kya uravi lwawo mmbo nshavaumbutaa vauke urukeny lwakwa, nta nshivakundaa-se-fo, kimmba na vasongoru vawo valeshikapa mungo.

AMOSI 3:14

‘Nkonu yeto nshekabaa Israeli kimaruka kya ngyulyamari tawo, mmbo nshemamitaa na fitara fyerasya fya Beteli. Taari toose ta fitara tishewunduwaa nakyo kirengukye si.

AMOSI 5:5

Muleende Beer-sheba indeinndya-fo. Mulashiruuye kulya Beteli mashika nkyimwi na ruu. Nta muleende Gilgali-fo. Mashika kulya valemmaa idengwa vakakamarwa ushingeny.”

Matayo 23:32

Naasa neeni keveishuryeny-fo ekyo kilerewa kyenga ni vakuu valya vany!

Matayo 26:45

Nalyo kasha na yoo vakiloshyony vakwe vakai, kavavia, “A niindo mwalunga ilala na iimuya! Llen-te kyeeri kyamfika, na Mwana yeto wa nndu eefo anderambikywaa maakony a vandu valyamari.

Marko 14:41

Nalyo kasha nau lya kararu, kavavia, “A ni indo mwalunga ilala tupu na iimuya na kyeeri ekyi kyoose! Kikufiiyeny! Kyeeri kyamfika. Mwana yeto wa Nndu akakau eefo arambikywaa maakony a vandu valyamari.

Marko 5:5

Nawe kyeeri kilya kyoose mmbo eekaa efo mbangeny ta vafu na efo mafumbuny. Kava moongora-fo kio na nsanyiny na ikumanya-manya na mawe.

NKUMBUYE WA UVAVASO 26:12

Elyi kumaa yuuta kiraso kya kyenga kya ikumi wo mwaaka wa karaaru, kurambikye Valevi, na muny na mwana wa ngwera, na nka wa ding'u, nawo valye neewuura kyuuka kwafo,