AMOSI 4:1 - BIBILLYA Mareiyo Meele a Iruva

¹ Aranyiny irero elyi yeni muvakye ng'umbe ta Bashani, mukee Samaria, mukavanda kimaruma kyeesoka vakiva, mukalammya mwishambaa, endeny endeny luni.

AMOSI 4:1 Iomraidhean Croise

1 VAMANGYI 16:24

Naasa kaniingya Shemeri talanta ivii ta fesa ta yuura kidooro kya Samaria, na alya uwe ya kidooro kilya katanau muri nato kauvaanga Samaria kyaiindya Shemeri eto mwikumba kidooro ekyo.

YOBU 20:19

kimaruma alemamita ngwera na ivara, Karaakkwa mmba kulaore alentana.

YOBU 24:4

Mmbo vakunnyaa ngwera mbai ya shia; Ngwera va ulana mmbo vaovyaa mbee yaawo.

SABURI 12:5

Nndumi kaamba shammita kiiyo kyany Kya yewo vafwafwa vakevaviswa na iwonnywa, Mmbo shisalala shivakapannye.

SABURI 140:12

Shiishi shamanya Nndumi Iruva mmbo ashekapannyaa yewo vafwafwa; Naveniinga vafwafwa usumanu lwawo.

SABURI 22:12

Vakiduva veengyi, Vashisengetya sha nguleta Vakashisisira sha nguleta titiri finya ta Bashani!

FYAASO 22:7

Nndu isimba mmbo ashilyaa ngwera, mwiakkwa ni ishinga lya mwiakuya.

MWIILOSHA 4:1

Naasa shalollya ngata vandu vakeelamywa, neelyiswa ukyiva kuleefo nndu akeesara kyawo nta ivafweerisa. Vandu vakaiya misoru lyo kuleefo nndu akevaniinga ngarami mashika yewo vakeevalamya ni vandu vatiri finya.

MWIILOSHA 5:8

Kulasheyaawukwa kwakooya kwalollya umangyi lwiiwonnya vaturi neelamya yewo vakee vafwafwa yewo valatiri kindo, mmbo vakesokwa ni yewo vakee uwe yaawo, nawo mmbo vakesalallywa ni yewo vakee uwe yaawo na va uwe mmwasi.

ISAYA 28:1

Woshiny llwa umangyi lwa Israeli lwammbwa! Itumbe lya vayo mmbo likeemamika sha kivaro kyikeyuuma. Itumbe lyemmiwala-wala yefo muungony lyitiri uteri usha, na mirrweny yaawo ni vandu vanangwa vakailannya.

ISAYA 5:8

Woshi lwa yeni mushuura mmba uwe ya mmba, mukatira fyaamba na fyaamba, kutani wo ando kwaishurwa mmba, nta kulawonike ando kwedoshya nni, kwatira yewe kuleefo mwaanya wa nndu ungyi.

ISAYA 56:12

Mmbo vakeyaamba: Osho, nshendee mfinyu; luni lunangwa-deny, na ndesi kiwe sha inu, uwe nkonu wa ifura mmwasi-deny.

ISAYA 58:6

Ndesa ikotooya shilelyisauwa lya ngata yei; irrwa fifungo fya ulyamari, yelelesa fyoove fya ulyamari, irrwa vafungwa valesisywa, na yuuta-fo ushinga lwa wo ngata.

YEREMIA 50:11

“Eni vasoki va masaa akwa; naakwa mwafura na ikushela mukakillya-kyillya sha ngashe ikeelya mare neeipoiyo sha frasi ya kyuumi.

YEREMIA 50:27

Mamita masiingo yoo akwe moose ra, woose wooloke efo kundo kweeshisshwa. Woshiny ni lwawo, mashika nkonu wamfika, kyeeri kya ngapo yaawo.”

YEREMIA 51:34

Nebukadnessa mangyi ya Babilony anshimira kashisa, kashaallwa sha nungu ilatiri kindo, kashimira sha shoka ing'ani, kaishura ndeu yakwe na umasi lwakwa; kawuya kashifishya-si sha uraako.

YEREMIA 6:6

Mashika Nndumi Iruva wa matorito aamba indi, ‘Arambweny miri yakwe songoseny mitaato iringitya Yerusalemu. Yeu ni muri ukee kuti ukapwo, nkwiifo kyindo kuuta ni ilyilyiswa-fo.

YEREMIA 7:6

kwakooya mulalyilyisaa veny, vana va ngwera, vaka va ding'u ao ipusswa samu ya nndu nsumanu yaa na mulalatya maruva engyi efo mmbeny tany.”

ESEKIELI 18:12

na ilammya vafwafwa na vaturi, na isoka vandu masaa awo kwa finya, nta nalataa sye, keepoyya mafwanu miso, na itana fya kinyala,

ESEKIELI 22:12

Nnang'ani yaany mukawarya findo kyisurukumu naambo mukooye ipuswa samu ta vandu; mukakapya mbusha waamrasa na iwarya findo fya ntambo, neeni mwanshirekywa yeny, Nndumi Iruva aamba,

ESEKIELI 22:27

Vasongoru nnang'ani akwe vakavaka mafite a ngoroshony aratwa fyelya; vapusswa samu imamita muu, naambo vakooye-fo mbusha ilakwaani nawo.

ESEKIELI 22:29

Vandu va uruka, vatannye makasha, vasokaa findo kwa finya; vakalammya vaturi na vatinnywa na iwonnya veny kuleefo usumanu.

ESEKIELI 22:7

Nnang'ani yafo, nde na ma vakeepalwa, veira-shia vakatannywa kindo kyilavaa yaamba vekee kwafo. Nnang'ani yafo vana va ngwera na vaka va ding'u vakasiswa.

ESEKIELI 34:16

Neeny shisheruuya yewo varekkye, shisheviira valya vakeeranga-ranga yefo, shishevavara yewo vakee vafishefishe, shishevaniinga finya yewo valwee, neewo vavanndye na yewo vatiri finya, shishewootya uvingo.

ESEKIELI 39:18

Mmbo mushelyaa nyama ta masiingo a vandu, na ina samu ta vashilyi va uruka na ya suva na ya ngurana, na ya mburu, na ya ngoleta, neeto shoose tivanndye ta Bashani.

YOELI 3:3

Vakavekapya vandu vakwa kura. Vakakumba vana va Kyuumi na va kyika vawoni wari.

AMOSI 3:1

Yeni vandu va Israeli, arannyiny nrumi yei yooka kwa Nndumi Iruva, yeni moose muleuka Misri.

AMOSI 3:3

A vandu vavii vakeyeenda kyaaro kyimwi varee valavika mbele mirwe ando amwi?

AMOSI 5:11

Mukafota vakiva neevasoka shoonga yaawo. Mukatana mmba shisha ta mawe, lyo muushekaa-fo-fo, nta ina mfinyo mulesongosya-fo.

AMOSI 6:1

Oshiny lwa yewo vakeekushangala efo Sioni, na yewe vakwiimuiye sau efo fidoorony fya Samaria, yeni vandu vasaari va Israeli, vandu vakamusheya iruuya ngarami kwany.

AMOSI 6:6

Mukana mfinyo na bakuri, mukakwaamba mafura a wuuru uniini, lyo mulating'waa kya urumato lwa Israeli.

MALAKI 3:5

Nshevaa mwiuta uvingo, shuutye vasavi na vatuusi uvingo, neewo valya mboo ta wongo. Neewo veema varundi usumanu lwawo lwa weesi. Vakafota vaka va ding'u na vana va ngwera. Vakeema na nndu muny usumanu lwakwe. Nta mmbashereyaa yeny Nndumi Iruva wa matorito-fo.

MEEKYENA 21:33

Numa vakasora shia ya Bashan nawe Ogu mangyi ya Bashani kakunda ikabana na Vaisraeli kulya Edrei, we na vandu vakwe woose.

NKUMBUYE WA UVAVASO 24:14

Kulalembe nndu wa weesi akee mwaanguye na nkiva, kwakooya ni wa kwany ao muny, akee kwany ao efo mmba kwafo;

NKUMBUYE WA UVAVASO 28:33

Ando amwi na ivina lyafo ndunda ta uruka lwafo mmbo tishelyiwaa mmbeny, mmbo vashekusisyaa neekufota.