AMOSI 3:2 - BIBILLYA Mareiyo Meele a Iruva

² Nnang'ani ya vandu va masanga moose ni yeni tupu shilemusauwa shimukapannyi. Neekyi nkyo kyeenngye ngyulyamari tany tikang'ana nnu, neeny nkuti shimukapeeny:

AMOSI 3:2 Iomraidhean Croise

Mapookyony 10:32

Eto nto ngyufyari ta vana va Noe, shaasa vawonikye, efo gyufyariny tawo; na vandu yewo vakakwaava-ava ngyurukeny numa ya mura ulya.

Mapookyony 18:19

Mashika shillolye we mmbwe yeto ashesalallyaa vana vakwe, na va mmba yakwe vasore shia ya Ndumi, vasore dede na usumanu, naambo Nndumi Iruva nawe nainutye Abrahamu fyaasa fyakwe.”

SABURI 147:19

Kaongoya Yakobo irero lyakwe Na Israeli kanniinga mavavaso akwe,

YUUKA 32:34

Kyasia ulaalu endaany kundetetera vandu yeva nevafita ando alya shilekuvia mbony ta vayo, nalyo lola, nsu wakwa ashekusongoyaa, ando amwi neekyo, kusheshaa nkonu shivataiye kya ulyamari lwawo.”

ISAYA 63:19

Lwammba sha vandu kulavashillye deny; sha vandu valekevaangwa na irina lyafo.

YEREMIA 1:15

Mashika mmbo nkevaanga ngyumangyi toose tishe. Vamangyi vawo mmbo vashereiyaa fitima fyawo yoo mwangony wa Yerusalemu vaveuringitya riti, sanda na miri ingyi myoose ya Yuda ishingillywa.

YEREMIA 10:25

Vapusuye nyashi yafo masanga yoo alakwiishi, na uwe ya vandu yeva valashiinndya irina lyafo; mashika mmbo vallya Yakobo, yee, mmbo vammulya neemmamita deny nayaallwa ukyiva kundo kwakwe kwekaa.

YEREMIA 11:22

Kweekyo Nndumi Iruva wa matorito aamba ule: “Lola, nshishevakapaa; vasero vawo mmbashevawaa na usu; vana va vomi na va kyika mmbashefwaa shaa;

YEREMIA 13:21

Mmbo kushaamba-kyi kyeeri mbuya vashekushillya yewe kumuni, yewo kwevelosha kumuni iva vambuya vafo A ndesa, nkushevavywa-se, sha nka akeelyiwa ni usu lwa mwana?

YEREMIA 14:10

Nndumi Iruva mmbo arera indi kya vandu yeva, “Mmbo valangye iraraa na shia, nta mbafiisa ngayo-fo; kweekyo Nndumi Iruva nnyavakunndye-fo, ulaalu nnyakummbwa uravi lwawo navakape kya ulyamari valetana.”

YEREMIA 9:25

“Lola, mikonu ikeesha, Nndumi Iruva aamba, elyi nshekapaa yewo varine nyameny nsi

ESEKIELI 5:9

Kyeendwa ni utefusu lwaany, mmbo shimukapa na ngapo ing'ani mulandelollye nta shilakaa shiiwuuye lyingyi.

ESEKIELI 9:6

Weeny vamiku yoo kweni, vakoo vakyuumi na vakyika vana vadu na vaka; indi valya woose vatiri kiring'isyo, mulavapaani-fo.” Mmbo mupooka alya kwakwa. “Naasa vakapooka na vamiku valya vekee mbee ya mmba ya Nndumi Iruva.”

DANIELI 9:12

Mmbo kuleinutya kilya kulerera kya ilutannya yese, na vasongoru veru yewo valelushillya, kweende ngapo ing'ani ilandelollywa ngapo ing'ani indo ulaniny koose sha ngapo ya Yerusalemu.

HOSEA 2:13

Na kya fyeeri efyo aleshira nshenkaba. Na kya llya alefumbirya Baali uvumba, na yoo alekwaambika na pete maaruny akwe na findo fya wuuru. Yoo ni marero a Nndumi Iruva.”

HOSEA 5:3

Eni Israeli shimwiishi mmutiri ando mukusurumaa-fo. Mmbo valeshira na vandu vakwe mmbava ishiindya-fo.

HOSEA 8:13

Mmbo vashuutya firaso fyeeshisha, vakalya nyama eto. Lyo yeny Nndumi Iruva nshisenywa nnyefyo-fo. Mmbo nshengeraa ilola ngyulyamari tawo shivakabe. Mmbo nshevaviraa Misri!

HOSEA 9:9

Vakaora uravi deny kya efyo fyoose vakeetana vakava sha llya vekee kulya Gibea. Iruva mmbo ashekumbwaa ngyulyamari tawo navataiye.

AMOSI 2:4

Nndumi Iruva mmbo aamba, “Kya Yuda iwuiya ulyamari keengyi nkuti shivakabe Mmbo valemina ufundo lwakwa nta valaringe mavavaso akwa. Vakaevetwa maruva a wongo alya meni vakuu vawo valeendya. Lwakwa nta valaringe mavavaso akwa. Vakaevetwa mmaruva a wongo alya meni vakuu vawo valeendya.

AMOSI 3:3

A vandu vavii vakeyeenda kyaaro kyimwi varee valavika mbele mirwe ando amwi?

AMOSI 6:1

Oshiny lwa yewo vakeekushangala efo Sioni, na yewe vakwiimuiye sau efo fidoorony fya Samaria, yeni vandu vasaari va Israeli, vandu vakamusheya iruuya ngarami kwany.

MIKA 2:3

Nkyo Nndumi Iruva kaamba, “Neeny shandeesya imweengye urumato, na mmushekuuta-fo. Mmbo mushewoywaa ni ukiva na ukushobi lwany lusye.”

NAHUMU 3:4

Kyimaruma kya usonga lwa isonga, Mmbo kwallemba vandu yewe nka nsavi, Nkulekumba masanga akava mashinga kya usonga lwafo Na vandu va masanga na usavi lwafo.

Mashora 17:26

Nawe mmbo alevika-fo vandu va wo isanga vauka kwa yeto umwi nsi, vakee yaa ulaniny koose, kyeeri alemaa ivavikya fyeeri filya alefivavasya uka elyo kasha, na minyanu ya efo vakai,

Varome 2:9

Ukiva na ngatara nkwa wo nndu mwitana meesi, kava Myuda ao Mgriki.

1 Vakorinto 8:3

Lyo kwakooya nndu akunda Iruva, nawe mmbo ammanyaa.

NKUMBUYE WA UVAVASO 10:15

Na lyingyi Nndumi Iruva mmbo alesennywa ni vande vafo, kavakunda, kutani asauwa vana vawo yee, mmbo yeni mukeetorya ngota vandu va masanga engyi moose fika inu.

NKUMBUYE WA UVAVASO 26:18

inu Nndumi Iruva mmbo amutira sha vandu wakwe vasauwe muve vakwe, shaasa alemuvikya kyaasa, neewe nkuti kuringe mavavaso akwe;

NKUMBUYE WA UVAVASO 32:9

Mashika vandu mmbo waavi lwa Nndumi Iruva Yakobo mmbo alesauwa va ufyari lwakwe.

NKUMBUYE WA UVAVASO 4:32

Ulaalu nkyeruuya na ivesa, uka elyo Iruva aleumba vandu na ulana yelu loose, Kwakooya kilembutika-fo kindo king'ani sha ekyi.

NKUMBUYE WA UVAVASO 7:6

Yeni mmbo mukee vandu veele va Nndumi Iruva, Iruva alemusauwa muve vakwe deny, muve torya kwakwe ngeta vandu va masanga engyi moose.

1 Petro 4:17

Mashika fyeeri fyammaa iinana yuutywa uvingo kyipooka na efo mmba ya Iruva; na elyi kishepookaa neese, a kyefurumya kya yewo valatirye Nrumi yeyo ya Iruva vyo mmbo kishevaa inda?