AMOSI 1:2 - BIBILLYA Mareiyo Meele a Iruva

² Amosi kaamba, “Nndumi Iruva mmbo adina sha miiso ooka Sioni Kaonisa unyanga ooka Yerusalemu. Ura lwa findo fya weesi lukeeyuuma na mare yoo ifumbuny lya Karmeli akeeyuuma.”

AMOSI 1:2 Iomraidhean Croise

SABURI 29:4

Unyanga lwa Nndumi Iruva, Lutiri finya nlo lukatira usuri.

SABURI 46:6

Masanga ammeereya, Ushilyi lukasavaa, Iruva kaonisa unyanga uruka lukaleleka.

FYAASO 20:2

Unyafi unyaasi lwa manngyi n sha miiso idinaa; Mwinrosya unyafi mmbo akee yaatarisa muu wakwe.

ISAYA 33:9

Uruka mmbo lukeefiira na yuuma, misito ya Lebanoni yammuuma imungo llya isha lya Sharoni lyammba kasa koomu; yefo Bashani na ifumbuu lya Karmeli miri yammaangara mamburu avayo.

ISAYA 35:2

Ishemya fivaro fyiingyi, fiifuraa na iimba na usha, Iruva mmbo ashooraa utore lwa fidooro fya Lebanoni, usha lwa Karmeli na Sharon. Vandu vashelollya usuri lwa Nndumi Iruva weeru.

ISAYA 42:13

Nndumi Iruva asheshaa na ukaari, ashetirwaa nkififi sha nndu wa fira, asheiyaa, ee da asheongoraa, Asheoraa vakiduva vakwe wiidimi lwakwe.

YEREMIA 12:4

A mfika indii uruka lushaatarikaa, na mare a marema inaa? Kyimaruma kya uravi lwa veekaa muriny yeto mafisi a ngoroshony na ndeye nfikeemamitwa, vandu mmbakeyaamba, “Nnyalollyaa ufishyony lweru-fo.”

YEREMIA 14:2

“Yuda nnyakeiffwa na ngyiri takwe ntikeideeka; vandu vakwe mbakeeikwalala yefo si, na kyiyyo kya Yerusalemu kyanrwa na uwe.

YEREMIA 25:30

Kweekyo yewe nkushaawuya fisuku kyilasha kyawo marero yaa moose kuvavie; ‘Nndumi Iruva nnyarung'unaa ooka uwe, na kuuka muriny wakwe mweele unyanga lwakwe llushiitiwaa; nnyarung'unaa na finya niini kyilasha kya masanga akwe, nakape weele sha yewo vafindikaa misabibu kyilasha kya woose va ulana.

YEREMIA 28:8

vakisuku valya verera kasha veshisongoye yeny neewe, mmbo valeauuya sheelyi fira, shaa na ndwari mmbo fisheyaa masanga meengyi sanda na ngyumangyi titiri finya.

YEREMIA 50:19

Mmbo shisheviryaa Israeli uruka lwawo, mmbo vashelyaa fimu fisheremwaa fyuuka Karmeli na Bashani, na shoonga tawo mmbo tishooka efo mafumbuny a Efraim na Giliadi.

HOSEA 11:10

“Vandu vakwa vasheshilatyaa elyi nshedinaa sha miiso kwa vakiduva vawo. Mmbo vasheangusyaa ishisora wooka na taari ya nkwaany.

HOSEA 13:8

Mmbo shishenyaasyaa sha ngare yareta vana va-vayo, shikuratwe-ratwe. Shive sha miiso shimulye.

YOELI 1:19

Woi Nndumi Iruva shakufuuya-dwa kushilyillye, mashika elyi muro ulemamita mooro moose ando amwi na miri efo mareminy.

YOELI 2:11

Nndumi Iruva mmbo avavasya ironda lyakwe, valya vamwiirikye vakava veengi neetira finya. Apaa nkonu eto wa Nndumi Iruva shaasa weeresye. Mmbi asheturunyaa?

YOELI 3:16

Nawe Nndumi Iruva mmbo asheitiwaa auka Sioni na Yerusalemu. Ngina na uruka fishereremaa. Lyo Nndumi Iruva ashevaa kirishyony kya vandu vakwe na kya vana va Israeli

AMOSI 9:3

Naakwa vaovya kulya urorony lwa ifumbu lya Karmeli, nkuti shivatakwe-u. Na vakashoovya efo kirembony kya yeeve, mmbo nshevavasya ifisi lya mureny lyivalye.

NAHUMU 1:4

Mmbo akyeemya yeeve nayo ika-umya, We mmbo aumisyaa mira myoose. Mbata ta Bashani na ifummbu lya Karmeli fikaumya, Fivaro fya Lebanoni fikanaa.

1 SAMUELI 25:2

Nalyo Davidi kandesoka na kulya kasa ka Maoni. Nafo kweefo nndu eetiri masaa kulya Karmeli. Nndu yeu kava nsuri deny, nawe mmbo eetiri moonri fiku firara na mburu kiku. Nawe mmbo eesemaa moonri mafwaa yoo Karmeli.