1 SAMUELI 7:3 - BIBILLYA Mareiyo Meele a Iruva

³ Naasa Samweli kavia Vaisrali woose, “Kwakooya mwawuiya Nndumi Iruva na mirima yaany myoose, na yuuta-fo maruva yoo mutiri, nng'u Maashtoreti alakani neeni, muniingye Nndumi Iruva mirima yaany nenndundya we muni, nawe mmbo ashemutaa maakony a Vafilisti.”

1 SAMUELI 7:3 Iomraidhean Croise

Mapookyony 35:2

Yakobo kavia vandu va kyeny kwakwe, neewo woose vekee kyeny kwakwe, “Uteny-fo maruva yoo meny akee kwany, mukweeremute mwaalashe soori tany.

1 VAMANGYI 11:33

Ni mashika elyi valeshira yeny vakainndya Ashitoreti, iruva nka wa vasidoni, na Kamoshi, iruva wa Vamoambi na Milkomi, iruva wa vana va Amoni nta valakunde ilatya shia takwa, itana masha misony akwa, itira mavavaso akwa na mirumbuye yakwa, sha Davidi we ndeye.

1 VAMANGYI 8:48

Kwakooya ni kya dede vakarya efo urukeny elo, vakaalashika na ikutereva veindutye fisangu fyao na efo urukeny elo kuniingye, vakuu veru, kunu muriny yeu kuleusauwa kumuni, na kunu mmba yei yafo yeeterevya shilekutannya,

2 VAMANGYI 17:39

Indi Nndumi Iruva, Iruva waany, mmbwe mumwiindyaa nawe ashemukiraa uka maakony a vakiduva vany woose.”

2 VAMANGYI 23:15

Na kilanya ya fyoose, kitara klya kyeerasya kyekee kulya Betheli, na ando kwa uwe alya kwesongosywa ni Yoroboam, mwana wa Nebati, ulya eteere vana va Israeli kawunndwa kitara kilya kyeerasya na andu alya kukee uwe kawunndwa na ifishafisha ikawa sha kilulyi, na Ashera ilya kaimamita.

1 MBONY TA FYEERI 22:19

Ulaalu rundeny Nndumi Iruva, Iruva waany kwa ngoo na nrima moose. Pookeny itana Mmba, naambo luidimi ivika-fo isanduku lya kyaasa lya Nndumi Iruva, na findo fyeeke yefyo fyeyutya Nndumi Nndumwa mweele.”

1 MBONY TA FYEERI 28:9

“Na yewe mwanakwa Solomoni, kumanye nisha Iruva wa nde-wafo, kundunndye na nrima wafo wa toki, we Nndumi Iruva, mmbo eeshi isuma na imanya mirima na makusaro a vandu. Kwamumanya-we, kullollya, indi kwammukapa mungo, mmbo ashekweera kwaasha llung'anu.

2 MBONY TA FYEERI 19:3

Indi lyo kwiifo usha lumwi nnang'ani yafo. Kulemaa ikurwafo mafwanu moose alya Ashera, na iruva wa kyika, na ivinnya iruuya Iruva na nrima wafo moose.”

2 MBONY TA FYEERI 20:33

Indi nnyelyamara kidoorony alya ando kweyuutya mirumwa yaawo fo. Nta vandu mmbelakana na maruva a wongo na yiindya Iruva yeto wa ndeye vawo fo.

2 MBONY TA FYEERI 30:19

“Woi Nndumi Iruva, Iruva wa vasaawoye veru kwa isarya lyafo iniini, sarya vandu yeva vafo vakekwiindya kwa mirima yaawo myoose naakwa ni yelyi vakee vandu valyamari.”

FYAASO 16:1

Lushiidimaa deny ivika uramba, Indi mwiinutya ni Nndumi Iruva muni.

ISAYA 55:7

Nndu nkasha nare shia yakwe, Na nndu nalakee wa usumanu nare makusaro akwe; nawuyye Nndumi Iruva, nawe allyillye, nashe kwa Iruva weeru, nawe ansaryaa-deny.

YEREMIA 24:7

Yeny shivaniinge nrima wa imanya sheelyi yeny ni Nndumi Iruva; nawo vave vandu vakwa neeny shive Iruva waao, mashika mmbashiwuyyaa na nrima wao moose.

YEREMIA 36:3

Kulakooye kyeeri vandu va Israeli vashiita kya filya fyoose shikundye ivatannya kyevakapa, vashera shia tawo shiravi. Llyony shishearanya uravi lwawo na ulyamari lwawo.”

YEREMIA 4:1

Nndumi Iruva aamba indi, “Yeni Israeli, kwakooya mukunndye iwuya, shiindukyeny. Kwakooya mushuutaa mbee yakwa uravi yelo shilusuuye, na kulare musingasingaa lyingyi

ESEKIELI 14:6

“Naasany, via yewo va-mmba ya Israeli sheelyi Nndumi Iruva aamba: Kurieny mwaalashike, mulakane na maruva yoo any a wongo mulakane yefo mitannyiny yaany mikasha myoose.

ESEKIELI 18:31

Ereny kwaasha ngyulyamari tany toose yeto mulellyamara, muree ngoo shiiyya na mirima miiyya: nkyikyi mukunndye ifwa, yeni va mmba ya Israeli?

HOSEA 14:1

Yeni vandu va Israeli, wuyeny kwa Nndumi Iruva waany. Ulyamari lwany llo lulemweengye nsindara mukawa.

Matayo 15:8

‘Vandu yeva ni firomu fyawo vashiinndya nafyo, indi ngoo tawo tikakaa kwaasha neeny.

Matayo 4:10

Nalyo Yesu Kammbia, “Shuuka satana! Mmbo kikee kireiye kyeamba, ‘Ni Nndumi Iruva wafo mmbwe kushemoolokya nawe mmbwe muni kushemwiindyaa.’”

Matayo 6:24

“Nkwiiyo nndu ashiidimaa irundya vanndumi vavii-fo. Mashika ndesa ashesua yeto umwi na ikunda yeto wa kavii. Ao ndesa ashetiraa yeto umwi namini yeto ungyi. Nta mmushiidimaa irundya Iruva musande na irundya masaa a ulana elu-fo.”

Luka 4:8

Na Yesu kaalwa kammbia, “Mmbo kyikee kireiye kyeamba, ‘Ni Nndumi wafo Iruva mmbwe kushemolokyaa si, nawe mmbwe muni kushemwindyaa.’”

Yohane 4:24

Iruva mmbo akee wa ngata ya Mumuyo na yewo vamwiindyaa nkuti vamwiindye kikee kya Mumuyo kiveva kya dede.”

NKUMBUYE WA UVAVASO 10:20

Indya Nndumi Iruva wafo, kundunndye, kukusirye nawe neesenda irina lyakwe.

NKUMBUYE WA UVAVASO 13:4

Vallyeny na Nndumi Iruva waany, mwiinndyeny muveringa mavavaso akwe, na yaarannya unyanga lwakwe, mundundye neekutira nawe.

NKUMBUYE WA UVAVASO 4:29

Lyo yefo kwakooya mwarannya Nndumi Iruva, Iruva waany, mmbo mushellolyaa kunduuye na nrima wafo moose na ngoo yafo shoose.

NKUMBUYE WA UVAVASO 6:13

Inndya Nndumi Iruva we Iruva wafo, nawe mmbwe kundundya neesenda irina lyakwe.

YOSUA 13:31

Na kyenga kya ufyari lwa Gileadi na Ashitoreti na Edrei na miri ya mangyi Ogu wa Bashoni ikava ya vana va Makiri we mwana wa Manase, kiinani na yeekyena lwawo.

YOSUA 24:14

Kyasia ulaalu runndyeny Nndumi Iruva-te, na nrima umwi na ngoo imwi, mure maruva a wongo deny yoo vande valearunndya kwakulya ya mura na kulya Misri, ulaalu murunndye Nndumi Iruva.

YOSUA 24:23

Yosua kavavia, ‘Kyasia ulaalu maeny-fo maruva yoo a wongo akee kwany, mirima yaany yiindukye kwa Nndumi Iruva, Iruva waany mmbwe muni lushendundyaa na yaaranya unyanga lwakwe’

VALETI 10:16

Naasa vakoota-fo maruva alya a wongo eekee kwawo, vakabooka yiinndya Nndumi Iruva, nawe Nndumi Iruva kalollya ukyiva lwa Israeli.

VALETI 10:6

Naasa vana va Israeli vakafuluta lyingyi Nndumi Iruva unyafi na maravi awo, vakarunndya mabaali na mashtoreti na maruva a Siria na a Sidon, na a Moabu, na maruva a vana va Amon na a Vafilisti vakara Nndumi Iruva, valakindunndye.

VALETI 2:11

Naasa llyo vana va Israeli valetana meesi mbee ya Nndumi Iruva vakeenndya maruva a wongo mmbo Mabaali.

VALETI 2:13

Mmbo valera Nndumi Iruva vakawuya yiindya Baali na Mashitoreti (mmbo maruva a kyuumi na a kyika).

1 SAMUELI 31:10

Fisha efyo vakafivika mmba kwa maruva awo. Na mwiili wakwe ulatiri nrwe vakauvanika isimambeny wa muri wa Bet-shani.