1 SAMUELI 4:3 - BIBILLYA Mareiyo Meele a Iruva

³ Naasa kyeeri vandu valya valefika kulya ulaleny vakaamba, “A nkiki-dwa alyi Nndumi Iruva alukapa Vafilisti veelollye? Nndeny lundeende isanduku llya lya mavavaso lyuuka Shilo lulyeende kunu, llyo lyishelwaauwa maakony a vakiduva yeva veru.”

1 SAMUELI 4:3 Iomraidhean Croise

2 SAMUELI 15:25

Mangyi kavia Sadoki, “Viira isanduku elyo lya mavavaso kulya muriny. Kwakooya Nndumi Iruva akunda shiwuyaa nafo nshelollya-se isanduku elyi yoo lyikaa.”

1 MBONY TA FYEERI 17:1

Kukasha nkonu umwi mangyi Davidi ekee yefo mmba yakwe ya kimangyi, kavaanga nkisuku Natani, kammbia, “A nkye lola yeny mmbo shikee kunu mmba yei ikee shitani nisha nnu, indilyo isanduku lya kyaasa lya Nndumi Iruva ni kunu yeemeny lyikai,”

SABURI 74:1

Woi Iruva, kyikyi elyi kwalweera kwaasha deny? Nkyikyi elyi kwarooywa nnyashi kya vandu vafo kumuni.

SABURI 74:11

Nkyiki elyi kwasuruma woko lwafo? Nkyi-kyeema kulaorwe woko lwafo.

ISAYA 50:1

Nndumi Iruva aamba indi, “Kwakooya mmbo shilakannye na mau Yerusalemu-le; nkwi akai mareiyo yoo alelulakanisa? Ao ndesa mmbo shilevakumba sha nndu mwiikumba vana vakwe ushingeny? Yeni mmbo mwekumbwa kimaruma kya makasha any, na maaye waany karewa kimaruma kya uravi lwany.

ISAYA 58:3

Vakaamba, Nkyikyi elyi lukotooya indi mulalollye? Nkyiki lwalyisa mirima yeeru ukiva, indi kulakunde ilola? Manyiny, nkonu wa ikotooya lyany mmbo mukeiruuya ifura lyany muveni na irovya yewo woose wakerunda mashora efo kwany.

ISAYA 59:1

Lola woko lwa Iruva llulekwaanguya-fo, luledimi ikira; nta kuri kyakwe nshi karoo-fo, kilaidimi iita,

ISAYA 59:2

indi maravi any ammurauwa na Iruva waany, ngyulyamari tany tansuruma kisangu kyakwe mulakillolye, nta nnyakundye iita-fo.

YEREMIA 3:16

Nalyo kyeeri mushefumbukaa na yeengyereka urukeny, mikonu yeyo, Nndumi Iruva aamba, mmbakyirera lyingyi sheelyi, ‘Isanduku lya kyaasa kya Nndumi Iruva.’ Nkyikishaa mirweny, ao ikumbuwa, ao iturika-fo; nkyitanyikaa lyingyi-fo.

YEREMIA 7:4

Mulavike nsia marero yaa a ukunang'ari-fo; Yei ni mmba ya Nndumi, ni mmba ya Nndumi ni mmba ya Nndumi.

MEEKYENA 10:33

Naasa vakepoo kyaaro uka alya ifumbuny lya Nndumi Iruva kyikee kyaaro kya mikonu iraru, na isanduku lya Nndumi Iruva llya lya mavavaso lyikavasongoya mikonu yeyo iraru naambo vakooye ando a yiimuya.

MEEKYENA 10:35

Kyeeri isanduku lyilya lyileira mbee, llyo Mose kaamba kwiipoo, woi Nndumi Iruva naambo vakiduva vafo vanyanyake ewo vakusuuye vakurishe.

MEEKYENA 31:6

Naasa Mose kavaruma veende fireny wo ufyari kiku kimwi, wo na Finehasi akee mwana wa nkohani Elieseri, nawo veende fireny na fiiya fya ando eele, na maranda yoo a yiivya, timattwaa vandu.

NKUMBUYE WA UVAVASO 29:24

Na vandu va masanga woose mmbo vashaambaa, “A nkikyi elyi Nndumi Iruva, atannya uruka elu indi?” A unyafi yelu na muro llweekyi ndesa?

NKUMBUYE WA UVAVASO 31:26

Waryeny kyitabu ekyi kya mavavaso, mukyivike yoo isandukuny lya kyaasa kya Nndumi Iruva, Iruva waany, kiveny ukereekyi.

2 Timoteo 3:5

Vakava sheelyi ni vandu vesha ate lyo mmbo valemmyi ekyo deny. Yewo woose kukwiise nawo.

Vaebrania 9:4

lyitiri kirembo kya saabu, na isanduku lya kyaasa lyikee isengetye nsaabu riti, mfo kweiyo na ikopo lya saabu lyetiri mana, na nsengye ulya wa Aron ileshau, na mapoo alya a kyaasa.

YOSUA 4:7

Llyo neeni mushevarouwaa indi, “Mmashika llya mura wa Yordan ulesalala mbee ya isanduku lya Nndumi Iruva lya mavavaso, kyeeri lwekeekillya Yordan, mura ukasalala, na mawe yaa mmbo avaa kindo kyeekumbura vandu va Israeli llung'anu.”

YOSUA 6:6

Naasa Yosua kavaanga vakohani kavavia, “kurikeny isandu lya mavavaso na makohani veepoo maranda awo mfungare a mbembe ta suva, neere mbee ya isanduku elyo.”

YOSUA 7:7

Yosua kavia Nndumi Iruva, “Woi Nndumi Iruva a nkyiki-dwa mmbee elyi kuleruuta vandu yeva vakakillya Yordan, naambo kusheluvika maakony a Vaamori neelumamita? Kyeevaa kyeni kukooye lweekukaya kwakulya ya Yordan!

YOSUA 7:8

Woi Nndumi Iruva, A shaambe-ki Veesraeli vanrishiswa m-vakiduva vawo?

1 Petro 3:21

Ubatiso mmbo luvakye findo efyo, mashika ubatiso mmbo lukeemukira yeni mikonuny yei, (nshi kya ira uravi lwa mwiili-da-fo, kyaindi kya nrima ulatiri usakiro mbee ya Iruva), kyeendwa ni iruka lya Yesu Kristo.

Yuda 1:5

Lyingyi mmbo shikunndye imukumbura, lla elyi mwammaa imanya efi fyoose, sheelyi llya Nndumi alemaa iwouwa vandu vauke kulya Misri, mmbo alerumata valya elyi numa valera iirikyo lya dede.

1 SAMUELI 1:24

Eekimaa intora kamwiipoo ando amwi na shau ya myakaa iraru, vakarwa na Shilo, ando amwi na kilo ikumi ta nswa na shupa ya mfinyo, fika mmba ya Nndumi Iruva na mwana ulya ekee n-ndu.

1 SAMUELI 14:18

Nalyo Sauli kavia Ahiya, “Ende isanduku lya mavavaso na yaa.” Kyeeri eki isanduku elyo lya mavavaso a Iruva mmbo lyeetirwa ni vana va Israeli.

1 SAMUELI 4:2

Vafilisti vakapooka ikapana na Vaisraeli nawo Vaisraeli vakakapwa vakawaawa vandu vafikye fiku fiina.