1 SAMUELI 2:2 - BIBILLYA Mareiyo Meele a Iruva

² Nkwiifo akee mweele sha Nndumi Iruva-fo. Mashika nkwiifo akee sheewe-fo Nta nkwifo ando kwa yoovya sha kwa Iruva weeru-fo.

1 SAMUELI 2:2 Iomraidhean Croise

2 SAMUELI 22:3

Iruva ni mbanga yakwa, shimmbikye nsya mmbwe shinkusirye. Ngao yakwa na finya ya ukiro lwakwa, mmbwe kirishony kyakwa Mwiikira wakwa mmbo kwanshikira efo kinyaleny kyawo

2 SAMUELI 22:32

A mmbi yeto akee Iruva, kulore ni Nndumi Iruva muni? Mmbi yeto akeemmbaanga, kuuta Iruva weeru muni?

2 SAMUELI 7:22

Naasany, muni usuri ni yewe woi Nndumi Iruva, mashika nkwiifo akuvakye yewe-fo, nta Iruva ungyi nnyeefo kuuta yewe-fo, shaasa luleita na maarwi eru luveni.

1 VAMANGYI 8:23

katereva kaamba, “Nndumi Iruva wa Israeli, llutiri Iruva sha yewe efo iruveeu nta urukeny kwasi ya ngina-fo! Kulevikyana kyaasa na vandu vafo kwavaora ikunda lyafo kyeeri vatira mavavaso afo na ikunda.

SABURI 111:9

Mmbo alerikya vandu vakwe ukiro. Kyaasa kyakwe kakivika kive kya llung'anu. Nkyo irina lyakwe mmbo lyikee yeele lya yeerewa deny!

SABURI 18:2

Nndumi Iruva mmbwe isimamba lyakwa, Mmbwe turuve yakwa na mwiikira wakwa, Iruva wakwa ni isimamba lyakwa mmbwe shikeenrishya ashiringe. Ngawo; yakwa, finya ya ukiro lwakwa na turuve yakwa. Kashiringa nta kuleefo kindo kishipaana.

SABURI 18:31

Ni vi akee Iruva, Kuuta-fo Iruva weeru? Ni vi akee isimamba, Kuuta-fo Iruva weeru?

SABURI 71:19

Usumanu na finya tafo, ewe Iruva. Mmbo tisaamye tikafika iruveeu. A mmbi ungyi akuvakye yewe Iruva, Katana findo fing'ani indi.

SABURI 71:3

Kuve mmbanga yakwa yeerishya, Na turuve yakwa yeshikira, Mashika yewe mmbwe mbanga na turuve yakwa.

SABURI 73:25

A mmbi ungyi shitiri efo iruveeu kuuta yewe? Na kunu ulaniny nkwiifo kindo shikilangye kyikuilannyi yew-fo.

SABURI 86:8

Nndumi Iruva, nnang'ani a maruva nnyefo ungyi sha Yewe-fo, Nta mashora avakye afo-fo.

SABURI 89:6

A mmbi efo iruvee-u amanyaa inaniswa na Nndumi Iruva? A mmbi avakye Nndumi Iruva nnang'ani a vasu?

SABURI 89:8

Nndumi Iruva, Iruva wa matorito! Woi Yaave, mmbi akee nkaari sha Yewe? Na usaari lwafo llukuringitye.

SABURI 99:3

Vaarafumi irina lyakwe iniini lyeeresye, Mmbwe mweele!

SABURI 99:5

Nganiseny Nndumi Iruva, Iruva weeru! Fiiryeny ndi yo marendeny a kitima kyakwe mmbwe mweele!

SABURI 99:9

Nnga'niseny Nndumi Iruva, Iruva weeru Indyeny mwilolaa ifumbu lyakwe yeele, Mashika Nndumi Iruva, Iruva weeru, mmbwe mweele!

YUUKA 15:11

Woi Nndumi Iruva, efo kwa maruva moose, ni vi akuvakkye? Ni vi akee sheewe, alyimmbye akee mweele? Yeto atiri nnduma na mwitana ngyende ungyi mmbi?

ISAYA 40:18

Naasany, mmbo llushiidimaa yaananisa Nndumi Iruva navi? Ao lumwananise neekyi?

ISAYA 44:6

Nndumi Iruva, mangyi ya Israeli, Nkira wafo, Nndumi muni matorito, aamba indi, “Yeny ni ulya wa mapookyony na yeny ni wa mafurumyony. Mmwasi yakwa, nkwiifo ungyifo.

ISAYA 44:8

Nta mulaire na isaukwa; a ndesa nshilekuongoya mbony eti elyo kasha na ikoora? Na yeni ni vakureekyi vakwa. A ndesa kwiifo Iruva ailanyi yeny? Kya dede nkwiifo isimamba lyingyi-fo yeny nshiishi ungyi-fo.

ISAYA 57:15

“Mashika yeto akee uwe akee mwarafumi, mmbo akaa llung'anu; we irina lyakwe lyikee yeele; aamba: Mmbo shikaa ando kukee uwe, kukee kweele, na akee ando amwi na nrima wa ikurya na ikunyiisa, naambo mirima ya yewo wakunyiisye irutwa, na irrwa mirima ya yewo valekurya.

ISAYA 6:3

Vakavaangana wo umwi na urooye iindi, “Mweele, mweele ni Nndumi Iruva wa matorito! Ulana loose mmbo lwiishwe itumbe lyakwe.”

YEREMIA 10:6

Yewe Nndumi Iruva, nkwiifo ungyi akuvakye-fo, uniini ni lwafo irina lyafo llyilyimmbye.

Valevi 11:44

Mashika yeny ni Nndumi Iruva, Iruva waany, kwiilyiseny, veny veele, mashika neen mmbo shikee mweele, nta mulakutefuse muveni na kindo ekyo kikurufwaa si.

Valevi 11:45

Mashika yeny ni Nndumi Iruva shilemuuta kulya Misri, naambo shive Iruva waany, naasany mmbo mushevaa veele shaasa neeny shikee mweele.

Valevi 19:2

Rera na vandu woose va vana va Israeli, kuvavie indi, “Veny veele, mashika yeny Nndumi Iruva, Iruva waany, mmbo shikee mweele.

Varome 15:4

Mashika efyo fikee fireiye mmbo filereiyo naambo yese kyeendwa ni usisiryo na iviiryo muu lwawonisa efo Mareiyony yoo Meele lwiidimi ivika nsia.

Varome 4:8

Ngoma ni ya nndu yeto Nndumi nalamwekennyaa ulyamari.

NKUMBUYE WA UVAVASO 3:24

Woi Nndumi Iruva, ulaalu mmbo kukeeyoora ishinga lyafo ulyimbi lwafo, na woko lwafo shaasa lutiri finya, mashika nkwi kunu ulaniny ao efo Iruveeu kukee Iruva ashiidimaa itana mashora a finya avakye yoo afo yewe.

NKUMBUYE WA UVAVASO 32:20

Lyo aleamba, Mmbo shivasurumaa kisangu kyakwa Shilole efo vashefurummyaa nafo, Mashika elyi ni irika yeesi Ni vana valatiri yiirikyo

NKUMBUYE WA UVAVASO 32:39

Manyiny-te ulaalu, yeny mmbwe, yee, yeny Nta kulaifo Iruva kuuta yeny; Yeny shitiri finya yeewaa na yeeruta Mmbo shavika fyaasha, shooka-fo shashiisa. Nta nkwiifo edima itafura kindo wokony lwakwa-fo.

NKUMBUYE WA UVAVASO 32:4

Nndumi Iruva ni mbanga, mashora akwe ni mesha nnu, Shia takwe toose ni ta usumanu Ni Iruva nsaari nalatiri ulembi, We ni usumanu na woorotu.

NKUMBUYE WA UVAVASO 4:35

Yewe mmbo kuleorwa efi fyoose naambo kukooye imanya sheelyi Nndumi Iruva mmbwe Iruva kulaifo ungyi kuuta we muni-nsi.

NKUMBUYE WA UVAVASO 4:39

Nkyo inu kummbwa neevika nriminy deny, sheelyi Nndumi Iruva mmbwe Iruva kulya iruveeu na kunu urukeny si, nta nkwiifo ungyi-fo.

1 Petro 1:16

kimmba kyikee kyireiye indi, mmbo mushevaa veele shaasa neeny shikee mweele.