गणना 21:3 - पवित्र शास्त्र RV (Re-edited) Bible (BSI)

³ इस्राएलाचे हे म्हणणे ऐकून परमेश्वराने कनानी लोकांना त्याच्या हाती दिले आणि त्याने त्यांचा व त्यांच्या नगरांचा समूळ नाश केला; म्हणून त्या ठिकाणाचे नाव हर्मा (म्हणजे विनाश) असे पडले.

इंडियन रीवाइज्ड वर्जन (IRV) - मराठी

³ परमेश्वराने इस्राएल लोकांचे म्हणणे ऐकले आणि त्याने इस्राएल लोकांस कनानी लोकांचा पराभव करायला मदत केली. इस्राएल लोकांनी कनानी लोकांचा व त्यांच्या शहरांचा संपूर्ण नाश केला. म्हणून त्या प्रदेशाला हर्मा असे नाव पडले.

पवित्रशास्त्र मराठी समकालीन आवृत्ती

³ याहवेहने इस्राएली लोकांची विनंती ऐकली आणि कनानी लोकांना त्यांच्या हाती दिले. त्यांनी त्यांचा व त्यांच्या नगरांचा पूर्णपणे नाश केला; म्हणून त्या ठिकाणाचे नाव होरमाह असे पडले.

गणना 21:3 Iomraidhean Croise

स्तोत्रसंहिता 10:17

हे परमेश्वरा, तू दीनांचा मनोरथ पूर्ण केला आहेस; त्यांचे मन तू स्थिर करतोस;

स्तोत्रसंहिता 102:17

त्याने निराश्रितांच्या प्रार्थनेकडे लक्ष दिले आहे; त्यांची प्रार्थना त्याने तुच्छ मानली नाही.

स्तोत्रसंहिता 116:1

मी परमेश्वरावर प्रेम करतो कारण तो माझी विनवणी ऐकतो.

स्तोत्रसंहिता 91:15

तो माझा धावा करील तेव्हा मी त्याला उत्तर देईन; संकटसमयी मी त्याच्याजवळ राहीन; मी त्याला मुक्त करीन, मी त्याला गौरव देईन;

गणना 14:45

तेव्हा त्या पर्वतावर राहणारे अमालेकी व कनानी ह्यांनी खाली उतरून त्यांना मार देत हर्मापर्यंत पिटाळून लावले.

अनुवाद 1:44

तेव्हा त्या डोंगराळ प्रदेशात राहणार्‍या अमोर्‍यांनी बाहेर पडून तुमच्याशी सामना करून मधमाश्यांप्रमाणे तुमचा पाठलाग केला, आणि सेईर देशातील हर्मापर्यंत तुम्हांला पिटाळून लावले.

अनुवाद 20:16

पण तुझा देव परमेश्वर ह्या राष्ट्रांची जी नगरे तुला वतन म्हणून देत आहे त्यांतला कोणताही प्राणी जिवंत ठेवू नकोस.

यहोशवा 12:14

हर्माचा राजा, अरादाचा राजा,

यहोशवा 15:30

एल्तोलाद, कसील व हर्मा;

शास्ते 1:17

मग यहूदाने आपला भाऊ शिमोन ह्याच्याबरोबर जाऊन सफाथ येथे राहणार्‍या कनान्यांना पराभूत करून त्यांचा समूळ नाश केला; म्हणून त्या नगराचे नाव हर्मा (समूळ नाश) असे पडले.

१ शमुवेल 30:30

हर्मा, कोराशान, अथाख,