गणना 17:2 - पवित्र शास्त्र RV (Re-edited) Bible (BSI)

² “इस्राएल लोकांशी बोल आणि त्यांच्या पूर्वजांच्या घराण्याप्रमाणे त्यांच्या सर्व सरदारांकडून प्रत्येकी एक अशा बारा काठ्या घे आणि प्रत्येक काठीवर त्याचे-त्याचे नाव लिही;

इंडियन रीवाइज्ड वर्जन (IRV) - मराठी

² इस्राएल लोकांशी बोल. त्यांच्याकडून बारा काठ्या घे. बारा वंश प्रमुखांकडून प्रत्येकी एक काठी घे. प्रत्येक मनुष्याचे नाव त्यांच्या त्यांच्या काठीवर लिही.

पवित्रशास्त्र मराठी समकालीन आवृत्ती

² “इस्राएली लोकांशी बोल व त्यांच्याकडून त्यांच्या पूर्वजांच्या गोत्रांप्रमाणे प्रत्येक पुढार्‍याकडून एक काठी अशा बारा काठ्या घे. प्रत्येक पुरुषाचे नाव त्याच्या काठीवर लिही.

गणना 17:2 Iomraidhean Croise

उत्पत्ती 49:10

यहूदाकडचे राजवेत्र ज्याचे आहे तो येईपर्यंत1 ते त्याच्याकडून जाणार नाही, राजदंड त्याच्या पायांमधून ढळणार नाही; राष्ट्रे त्यांची आज्ञांकित होतील.

२ इतिहास 31:17

त्याप्रमाणे ज्या याजकांची त्यांच्या पितृकुळांप्रमाणे वंशावळीत नोंद झाली होती त्यांना आणि जे लेवी वीस वर्षांचे व त्यांहून अधिक वयाचे असून आपापल्या क्रमानुसार काम करीत असत त्यांनाही वाटणी देत असत.

स्तोत्रसंहिता 110:2

परमेश्वर तुझे बलवेत्र सीयोनेतून पुढे नेईल; तो म्हणतो, “तू आपल्या शत्रूंवर प्रभुत्व कर.”

स्तोत्रसंहिता 125:3

नीतिमानांचे हात दुष्कर्माला लागू नयेत, म्हणून दुर्जनांची दंडेली नीतिमानांच्या वतनांवर चालणार नाही.

निर्गम 30:26

ह्या तेलाने दर्शनमंडप व साक्षीचा कोश,

निर्गम 4:17

तू आपल्या हातात ही काठी घे; हिने तू चिन्हे करून दाखवशील.”

निर्गम 4:2

तेव्हा परमेश्वर त्याला म्हणाला, “तुझ्या हातात ते काय आहे?” तो म्हणाला, “काठी आहे.”

यहेज्केल 19:14

तिच्या शाखांतील धुमार्‍यातून अग्नी निघून त्याने तिची फळे खाऊन टाकली आहेत; आता अधिकार चालवण्याचा राजदंड होण्याजोगा तिच्यावर मजबूत धुमारा एकही राहिला नाही.’ हे विलापगीत आहे व विलापासाठी राहील.”

यहेज्केल 21:10

वध करावा म्हणून तिला पाणी दिले आहे, ती विजेप्रमाणे चमकावी म्हणून ती पाजवली आहे! माझ्या पुत्राचे राजवेत्र सर्व राजदंडांना तुच्छ लेखते, असे म्हणून आपण आनंद करावा काय?

यहेज्केल 21:13

कारण त्याला कसोटीस लावले आहे; आणि तुच्छ मानणारे राजवेत्र टिकले नाही तर कसे?” असे प्रभू परमेश्वर म्हणतो.

मीखाह 7:14

तू आकडी घेऊन आपल्या लोकांना चार; तुझ्या वतनातील मेंढरे कर्मेलाच्या झाडीत एकान्ती राहतात त्यांना चार; प्राचीन काळच्या दिवसांप्रमाणे बाशानात व गिलादात त्यांना चरू दे.

गणना 17:1

परमेश्वर मोशेला म्हणाला,

गणना 17:3

लेवीच्या काठीवर अहरोनाचे नाव लिही; कारण इस्राएलांच्या पूर्वजांच्या घराण्यातील प्रत्येक सरदाराची एकेक काठी घे,

गणना 7:1

मग मोशेने निवासमंडप उभा करण्याचे संपवले आणि तो मंडप व त्यातील सर्व सामान हे तैलाभ्यंग करून पवित्र केले, आणि वेदी व तिची सर्व उपकरणे हीसुद्धा तैलाभ्यंग करून पवित्र केली;