लेवीय 19:5 - पवित्र शास्त्र RV (Re-edited) Bible (BSI)

⁵ तुम्ही परमेश्वराप्रीत्यर्थ शांत्यर्पणाचा यज्ञ कराल तेव्हा तुम्ही मला मान्य व्हाल असा तो करा.

इंडियन रीवाइज्ड वर्जन (IRV) - मराठी

⁵ तुम्ही परमेश्वरासाठी शांत्यर्पणाचा यज्ञ कराल तेव्हा तो असा करा की त्यामुळे तुम्ही मला मान्य व्हाल.

पवित्रशास्त्र मराठी समकालीन आवृत्ती

⁵ “ ‘जेव्हा तुम्ही याहवेहला शांत्यर्पणे करता, तेव्हा ती अशा प्रकारे अर्पण करा की तुमच्यावतीने मान्य करण्यात येतील.

लेवीय 19:5 Iomraidhean Croise

२ इतिहास 31:2

परमेश्वराच्या छावणीच्या द्वारात होमबली व शांत्यर्पणे करणे, सेवाचाकरी करणे, उपकारस्तुती व स्तवन करणे ह्या सर्वांसाठी हिज्कीयाने याजकांचे व लेव्यांचे त्यांच्या-त्यांच्या सेवेप्रमाणे क्रमवार वर्ग नेमले.

निर्गम 24:5

त्याने इस्राएल लोकांपैकी काही तरुणांना पाठवले, आणि त्यांनी परमेश्वराला होमबली आणि बैलांची शांत्यर्पणे अर्पण केली.

यहेज्केल 46:12

अधिपती परमेश्वराला स्वसंतोषाचे अर्पण म्हणून होमबली किंवा शांत्यर्पणे करील तेव्हा त्याच्यासाठी पूर्वाभिमुख असलेले द्वार उघडावे, आणि शब्बाथ दिवसाच्याप्रमाणे त्याने होमार्पणे व शांत्यर्पणे करावीत; तो बाहेर निघून गेल्यावर द्वार कोणीतरी बंद करावे.

यहेज्केल 46:2

अधिपतीने बाहेरून दरवाजाच्या देवडीकडे जाणार्‍या मार्गाने यावे; त्याने दरवाजाच्या बाह्यांनजीक उभे राहावे; याजकांनी त्याच्याकडील होमार्पण व शांत्यर्पणे करावीत; मग त्याने दरवाजाच्या उंबरठ्यावरून परमेश्वराला दंडवत घालून बाहेर जावे; हा दरवाजा संध्याकाळपर्यंत बंद करू नये.

लेवीय 1:3

गुराढोरांतले होमार्पण अर्पायचे असल्यास त्याने दोषहीन नर अर्पावा; तो त्याने दर्शनमंडपाच्या दारापुढे अर्पावा, म्हणजे परमेश्वरासमोर तो मनुष्य मान्य होईल.

लेवीय 19:4

तुम्ही मूर्तींकडे वळू नये आणि आपल्यासाठी ओतीव देव करू नयेत; मी परमेश्वर तुमचा देव आहे.

लेवीय 19:6

त्या अर्पणाचे मांस यज्ञाच्या दिवशी व त्याच्या दुसर्‍या दिवशी खावे, पण तिसर्‍या दिवशी त्यातले काही उरले तर ते अग्नीत जाळून टाकावे.

लेवीय 22:19

तर तुमचा स्वीकार करण्यात यावा म्हणून गुरे, मेंढरे अथवा बकर्‍या ह्यांतील दोषहीन नर अर्पण करावा.

लेवीय 22:21

आपला नवस पुरा करण्यासाठी अथवा खुशीच्या अर्पणासाठी कोणी परमेश्वराप्रीत्यर्थ गुराढोरांतून किंवा शेरडामेंढरातून शांत्यर्पण करील तर ते मान्य होण्यासाठी दोषहीन असावे; त्यात काही दोष नसावा.

लेवीय 22:23

बैल किंवा मेंढरू ह्याचा एखादा अवयव कमीजास्त असला तर तो स्वखुशीच्या अर्पणाला चालेल, पण नवस फेडण्याच्या कामी त्याचा स्वीकार होणार नाही.

लेवीय 22:29

तुम्ही परमेश्वराप्रीत्यर्थ उपकारस्तुतीच्या बलीचा यज्ञ कराल, तेव्हा तुमचा स्वीकार होईल अशा प्रकारे तो करा.

लेवीय 7:16

पण यज्ञबलीचे अर्पण नवसाचे अथवा स्वखुशीचे असेल तर ज्या दिवशी ते तो अर्पण करील त्या दिवशी ते खावे; आणि जे काही त्यातले उरेल ते दुसर्‍या दिवशीही खावे;

लेवीय 7:18

त्याच्या शांत्यर्पणांच्या यज्ञबलीच्या मांसापैकी काहीही तिसर्‍या दिवशी खाण्यात आले तर ते मान्य होणार नाही; उलट, ते अमंगळ ठरेल; आणि जो कोणी ते खाईल त्याला त्याच्या अपराधाची शिक्षा भोगावी लागेल.1