लेवीय 10:4 - पवित्र शास्त्र RV (Re-edited) Bible (BSI)

⁴ मग अहरोनाचा चुलता उज्जीयेल ह्याचे मुलगे मीशाएल व एलसाफान ह्यांना मोशेने बोलावून सांगितले की, “तुम्ही इकडे येऊन तुमच्या बांधवांना पवित्रस्थानासमोरून उचलून छावणीबाहेर घेऊन जा.”

इंडियन रीवाइज्ड वर्जन (IRV) - मराठी

⁴ अहरोनाचा चुलता उज्जियेल ह्याला मिशाएल व एलसाफान असे दोन पुत्र होते. मोशे त्या मुलांना म्हणाला, “या पवित्रस्थानाच्या भागाकडे जा व तुमच्या बांधवांची प्रेते पवित्र स्थानासमोरून उचलून छावणीबाहेर घेऊन जा.”

पवित्रशास्त्र मराठी समकालीन आवृत्ती

⁴ मग मोशेने अहरोनाचा चुलता उज्जीएलाचे पुत्र मिशाएल व एलसाफान यांना बोलावून सांगितले, “तुम्ही इकडे या आणि पवित्र स्थानासमोरील तुमच्या भावांची शरीरे उचलून छावणीबाहेर न्या.”

लेवीय 10:4 Iomraidhean Croise

१ इतिहास 6:2

कहाथाचे पुत्र : अम्राम, इसहार, हेब्रोन व उज्जीएल.

निर्गम 33:7

मोशे छावणीबाहेर बर्‍याच अंतरावर तंबू नेऊन उभा करी व त्याला तो दर्शनमंडप1 म्हणे. कोणाला परमेश्वराकडे काही विचारायचे असले म्हणजे तो छावणीबाहेरील त्या दर्शनमंडपाकडे जात असे.

निर्गम 6:18

कहाथाचे मुलगे : अम्राम, इसहार, हेब्रोन व उज्जीएल; कहाथाचे आयुष्य एकशे तेहेतीस वर्षांचे होते.

निर्गम 6:22

उज्जीएलाचे मुलगे : मीशाएल, एलसाफान व सिथ्री.

गणना 3:19

कहाथाचे मुलगे त्यांच्या कुळांप्रमाणे हे : अम्राम, इसहार, हेब्रोन व उज्जीएल.

गणना 3:30

कहाथी कुळांच्या वाडवडिलांच्या घराण्याचा सरदार उज्जीएलाचा मुलगा अलीसापान हा असावा.

लूककृत शुभवर्तमान 7:12

तो गावाच्या वेशीजवळ येऊन पोहचला तेव्हा पाहा, कोणाएका मृत माणसाला बाहेर नेत होते; तो आपल्या आईचा एकुलता एक मुलगा असून ती विधवा होती; आणि त्या गावचे पुष्कळ लोक तिच्याबरोबर होते.

प्रेषित 5:6

नंतर तरुणांनी उठून त्याला गुंडाळले व बाहेर नेऊन पुरले.

प्रेषित 8:2

भक्तिमान माणसांनी स्तेफनाला नेऊन पुरले आणि त्याच्यासाठी फार शोक केला.