यिर्मया 25:21 - पवित्र शास्त्र RV (Re-edited) Bible (BSI)

²¹ अदोम, मवाब व अम्मोनी लोक ह्यांना,

इंडियन रीवाइज्ड वर्जन (IRV) - मराठी

²¹ आणि अदोम, मवाब व अम्मोन यामधील राजांनाही द्राक्षरस प्यायला लावले.

पवित्रशास्त्र मराठी समकालीन आवृत्ती

²¹ एदोम, मोआब व अम्मोन;

यिर्मया 25:21 Iomraidhean Croise

स्तोत्रसंहिता 137:7

हे परमेश्वरा, अदोमी लोकांविरुद्ध यरुशलेमेच्या त्या दिवसाची आठवण ठेव; ते म्हणाले, “ती पाडून टाका, पायापर्यंत जमीनदोस्त करा.”

यशायाह 25:10

परमेश्वराचा हात ह्या डोंगरावर राहील, व जसे शेणाच्या खाईतील रेंद्यात गवत तुडवतात तसे मवाबास जागच्या जागी तुडवतील.

यिर्मया 27:2

परमेश्वर मला म्हणाला, “तू आपणासाठी बंधने व जू तयार करून आपल्या मानेवर ठेव.

यिर्मया 27:3

आणि ती यहूदाचा राजा सिद्कीया ह्याच्याकडे यरुशलेमास जे जासूद आले आहेत त्यांच्या हस्ते अदोमाचा राजा, मवाबाचा राजा, अम्मोन्यांचा राजा, सोराचा राजा आणि सीदोनाचा राजा ह्यांच्याकडे पाठव;

यिर्मया 40:14

ते त्याला म्हणाले, “अम्मोनी लोकांचा राजा बालीस ह्याने आपला जीव घेण्यासाठी नथन्याचा पुत्र इश्माएल ह्याला पाठवले आहे हे आपणांला ठाऊक आहे काय?” पण गदल्या बिन अहीकाम ह्याला त्यांचे खरे वाटेना.

यिर्मया 48:1

मवाबाविषयी : सेनाधीश परमेश्वर, इस्राएलाचा देव म्हणतो, “अरेरे! बिचारे नबो; ते ओसाड झाले आहे; किर्याथाईमाची फजिती झाली आहे, ते हस्तगत झाले आहे; मिस्गाबाची फजिती होऊन ते भंगले आहे;

यिर्मया 49:1

अम्मोनी लोकांविषयी : परमेश्वर म्हणतो, “काय? इस्राएलास कोणी पुत्र, कोणी वारस नाही काय? तर मिलकोम दैवताने1 गाद का घेतले? त्याचे लोक गादाच्या नगरांतून का वस्ती करून आहेत?

यिर्मया 49:7

अदोमाविषयी : सेनाधीश परमेश्वर म्हणतो, “तेमानात आता शहाणपण उरले नाही ना? समंजसांचे शहाणपण लयास गेले ना? त्यांचे सर्व शहाणपण संपले ना?

यिर्मया 9:26

मिसर, यहूदा, अदोम, अम्मोनी, मवाबी व आपल्या केसांची चोंच काढणारे रानातले रहिवासी ह्या सर्वांना मी शासन करीन; कारण सर्व राष्ट्रे बेसुनत आहेत व इस्राएलाचे सर्व घराणे हृदयाने बेसुनत आहे.”

यहेज्केल 25:1

परमेश्वराचे वचन मला प्राप्त झाले की,

यहेज्केल 32:29

तेथे अदोम, त्याचे राजे व त्याचे सरदार हेही आहेत; ते सर्व शूर असूनही त्यांना तलवारीने ठार केलेल्यांबरोबर ठेवले आहे. त्यांना बेसुंती लोकांबरोबर व गर्तेत उतरणार्‍यांबरोबर ठेवले आहे.

आमोस 1:11

परमेश्वर म्हणतो, “अदोमाचे तीन काय पण चार अपराध झाले, म्हणून मी शासन करण्यापासून माघार घेणार नाही; त्याने तलवार घेऊन आपल्या बंधूचा पाठलाग केला, त्याने आपला कळवळा दाबून टाकला, तो आपल्या क्रोधाने एकसारखा भडकत राहिला; त्याने आपला संताप सतत बाळगला.

आमोस 1:13

परमेश्वर म्हणतो, “अम्मोनवंशजांचे तीन काय पण चार अपराध झाले, म्हणून मी शासन करण्यापासून माघार घेणार नाही; कारण त्यांनी आपली सीमा वाढवण्यासाठी गिलादाच्या गरोदर स्त्रियांना चिरले.

आमोस 2:1

परमेश्वर म्हणतो, “मवाबाचे तीन काय पण चार अपराध झाले, म्हणून मी शासन करण्यापासून माघार घेणार नाही; कारण त्याने अदोमाच्या राजाची हाडे भाजून त्यांचा चुना केला.

ओबद्या 1:18

याकोबाचे घराणे अग्नी होईल, योसेफाचे घराणे ज्वाला होईल व एसावाचे घराणे धसकट होईल; ते त्यांच्यात पेट घेऊन त्यांना खाऊन टाकतील, एसावाच्या घराण्यापैकी एकही उरणार नाही; कारण परमेश्वर असे बोलला आहे.