यशायाह 23:15 - पवित्र शास्त्र RV (Re-edited) Bible (BSI)

¹⁵ त्या दिवशी असे होईल की एकाच राजाच्या कारकिर्दीच्या इतकी म्हणजे सत्तर वर्षे सोराची विस्मृती पडेल; सत्तर वर्षे संपल्यावर वेश्येच्या ह्या गाण्यात सांगितल्याप्रमाणे सोराचे होईल :

इंडियन रीवाइज्ड वर्जन (IRV) - मराठी

¹⁵ त्या दिवसात असे घडेल की सर्व जगाला सोराची विस्मृती सतर वर्षेपर्यंत पडेल, सोर प्रदेशाची कोणालाच आठवण राहणार नाही तो पर्यंत एका राजाची कारकिर्द संपेल.

पवित्रशास्त्र मराठी समकालीन आवृत्ती

¹⁵ त्यावेळी एका राजाच्या आयुष्याचा कालावधी, म्हणजे सत्तर वर्षे, सोर विसरला जाईल. परंतु या सत्तर वर्षांच्या शेवटी, वेश्येच्या गाण्याप्रमाणे सोरचे होईल:

यशायाह 23:15 Iomraidhean Croise

यशायाह 23:16

“स्मरणातून गेलेल्या वेश्ये, हाती किनरी घे, शहरभर भटक, चांगले वाजव, पुष्कळ गा, म्हणजे तुझे स्मरण राहील.”

यशायाह 23:17

ही सत्तर वर्षे गेल्यावर असे होईल की परमेश्वर सोरेचा समाचार घेईल; ती पुन्हा आपल्या कमाईकडे फिरेल; ती भूपृष्ठावरील सर्व राष्ट्रांशी व्यभिचार करील.

यिर्मया 25:22

सोर व सीदोन ह्यांचे सर्व राजे व समुद्रापलीकडील देशांचे राजे ह्यांना,

यिर्मया 29:10

परमेश्वर असे म्हणतो की बाबेलची सत्तर वर्षे भरल्यावर मी तुमचा समाचार घेईन व तुम्हांला ह्या स्थळी परत आणण्याचे जे माझे सुवचन आहे ते तुमच्यासंबंधाने पूर्ण करीन.

यहेज्केल 16:35

ह्याकरता अगे वेश्ये, परमेश्वराचे वचन ऐक :

यहेज्केल 27:25

तार्शीशची गलबते तुझ्या मालाची ने-आण करणारे जणू काय काफलेच होते; भर समुद्रात तू फार समृद्ध व वैभवशाली झालीस.

यहेज्केल 29:11

मनुष्याचा पाय त्याला लागायचा नाही, पशूच्या पायाचा त्याला स्पर्श होणार नाही; चाळीस वर्षे त्यात कोणी वस्ती करणार नाही.

दानीएल 7:14

सर्व लोक, सर्व राष्ट्रे व सर्व भाषा बोलणारे लोक, ह्यांनी त्याची सेवा करावी म्हणून त्याला प्रभुत्व, वैभव व राज्य ही दिली; त्याचे प्रभुत्व अक्षय व अढळ आहे; त्याचे राज्य अविनाशी आहे.

दानीएल 8:21

तो दांडगा बकरा ग्रीसचा2 राजा; त्याच्या डोळ्यांच्या मधोमध असलेले मोठे शिंग हा पहिला राजा.

होशेय 2:15

तेथून मी तिचे द्राक्षीचे मळे तिला देईन; आशेचे द्वार व्हावे म्हणून मी तिला अखोर1 खिंड देईन; ती आपल्या तारुण्याच्या दिवसांतल्याप्रमाणे, ती मिसर देशातून निघून आली त्या दिवसांतल्याप्रमाणे, माझे बोलणे त्या ठिकाणी ऐकेल.

प्रकटी 17:10

आणि ती डोकी म्हणजे सात राजे आहेत,2 त्यांपैकी पाच पडले आहेत, एक आहे आणि एक अद्याप आला नाही; तो आल्यावर त्याला थोडा वेळ राहावे लागेल.