१ शमुवेल 9:7 - पवित्र शास्त्र RV (Re-edited) Bible (BSI)

⁷ तेव्हा शौल आपल्या गड्याला म्हणाला, “हे पाहा, त्याच्याकडे जायचे तर त्याच्यासाठी काय घेऊन जावे? आपल्या थैलीतल्या भाकरी संपल्या आहेत; त्या देवाच्या माणसासाठी न्यायला आपल्याजवळ काही भेट नाही; आपल्याजवळ काय आहे?”

इंडियन रीवाइज्ड वर्जन (IRV) - मराठी

⁷ मग शौल आपल्या चाकराला म्हणाला, “पण पाहा आपण जर जाऊ तर त्या मनुष्यास आपण काय घेऊन जावे? कारण आपल्या झोळीतल्या भाकरी संपल्या आहेत आणि परमेश्वराच्या मनुष्यास भेट देण्यासाठी काही राहिले नाही. आपल्याजवळ काय आहे?”

पवित्रशास्त्र मराठी समकालीन आवृत्ती

⁷ शौल त्याच्या सेवकाला म्हणाला, “जर आपण जात आहोत, तर आपण त्याला काय द्यावे? आपल्या पिशवीतील खाद्य तर संपले आहे. परमेश्वराच्या मनुष्याला देण्यासाठी आपल्याकडे काही बक्षीस नाही. आपल्याकडे काय आहे?”

१ शमुवेल 9:7 Iomraidhean Croise

१ राजे 13:7

राजा त्या देवाच्या माणसाला म्हणाला, “माझ्याबरोबर घरी चल आणि काही उपाहार करून ताजातवाना हो; मी तुला काही इनाम देतो.”

१ राजे 14:3

तू दहा भाकरी, पुर्‍या व मधाची कुपी बरोबर घेऊन त्याच्याकडे जा; मुलाचे काय होईल ते तो तुला सांगेल.”

२ राजे 4:42

बआल-शालीशा येथील कोणी मनुष्य आपल्या प्रथमउपजातील जवाच्या वीस भाकरी आणि धान्याची हिरवी कणसे पोत्यात घालून देवाच्या माणसाकडे घेऊन आला. अलीशा त्याला म्हणाला, “ह्या माणसांना हे वाटून दे, त्यांना हे खाऊ दे.”

२ राजे 5:15

नंतर तो बरोबरची सर्व मंडळी घेऊन देवाच्या माणसाकडे परत गेला व त्याच्यासमोर उभा राहून म्हणाला, “अखिल पृथ्वीत इस्राएलाबाहेर देव नाही हे मला आता कळून आले आहे; तर आता आपल्या सेवकाचा नजराणा स्वीकारावा.”

२ राजे 5:5

अरामाच्या राजाने म्हटले, “जा तर मग. मी इस्राएलाच्या राजाला पत्र देतो.” मग तो माणूस दहा किक्कार1 चांदी, सोन्याची सहा हजार नाणी व दहा पोशाख घेऊन निघाला.

२ राजे 8:8

तेव्हा राजाने हजाएलाला सांगितले, “हाती नजराणा घेऊन देवाच्या माणसाच्या भेटीला जा आणि त्याच्या द्वारे परमेश्वराला प्रश्‍न कर की मी ह्या रोगातून बरा होईन काय?”

२ राजे 8:9

तेव्हा हजाएल दिमिष्कातील सर्व उत्तम उत्तम वस्तू चाळीस उंटांवर लादून त्याच्या भेटीस गेला व त्याच्यासमोर उभा राहून म्हणाला, “तुझा पुत्र अरामाचा राजा बेन-हदाद ह्याने तुला असे विचारायला मला पाठवले आहे की मी ह्या रोगातून उठेन की नाही?”

यहेज्केल 13:19

लबाडीस कान देणार्‍या माझ्या लोकांना तुम्ही लबाडी सांगून, जे मरू नयेत त्यांना मारून व जे जगू नयेत त्यांना वाचवून मूठभर जवासाठी व भाकरीच्या तुकड्यासाठी तुम्ही माझ्या लोकांसमोर माझा अवमान केला आहे.

शास्ते 6:18

मी आपले अर्पण आणून तुझ्यासमोर सादर करीपर्यंत कृपया येथून तू जाऊ नकोस.” तो म्हणाला, “तू परत येईपर्यंत मी येथेच थांबेन.”