MATTHEW 5:4 - KHYINGEI PU'TLOU Bible (BSI)

⁴ “Klah kanrel thimi rapri likarsui lhangai; ngamri Dunpune yaiyei malung damyerpirou!”

MATTHEW 5:4 Iomraidhean Croise

ISAIAH 12:1

Heirouri heiyei tlainirouri nangni asitoubi yunheirou: “O Umpu; Keine Neiya mathangrou! Kouweiyo toulanungri Nangni keiya malungkha'khouwa'nungkhi, Neiyei malungkhakur heiri dongura; heitoubi Nangni keiya malung damyerpiwurla.

ISAIAH 25:8

Heitoubi khi heiwaya Ane klui naimaknungei madulrouwa, heirou Pu Dupune thimirap nammaei mairungrei mityui rapya rutmthaipirou. Heitoubi Ane tlaipangpal karyouni klei Aiyei thimi rapbei klah-knangya louthutdurpirou, toubi Umpune shunthutdurkhoula.

ISAIAH 30:19

Moi, O Jerusalemei Zion Lhungdoura paalbine klei thimirap, nari hanui chapmakarou! Tanghakni Ane naiyei chapnei houya loumayekbi, Ane naya kringpirou; heirou Ane naiyei houya loumayekla'nungri, naya lourulpirou.

ISAIAH 35:10

Heirou Umpune lhukthutpikur thimi rapne lamtang heirouei yenkallenglhakrou; heitoubi lamtang heirouei hakrao-nungkngaini ungraochabi Zion'ra hungchangeirou. Heirouri klui naimakei hakrao-nungkngai heiri yaidoura leirouwa. Heirou yani nungkngaiya raphamubi, lhawai klah heirou rikraiknaei lhou heiri yairouei trukrouwa.

ISAIAH 57:18

Heirou Keine yai lamya mulhakwurla, heiya Keine yaya damyerpirou; Keine yaya lam ruipirou, heitoubi lhawaini kanrel thimi rapya Keine malung damyerpirou. Heitoubi yaiyei murpalni Keiya mathangyerou.

ISAIAH 66:10

“Jerusalem'ya malungshi thimirap na nammani anung'tlim ale kalhonne houklumni haraowalo; heirou anung'tlim lhawai klahni kanrel thimirap na nammani ale kalhonne langthouni houlumlaklo.

ISAIAH 66:2

Kouweiyo toulanungri Keihutni put nammaya sheemthutkur, heisitoubi put namyerwa heisi hungthukur,” toubi Umpune paothutlei. “Heiya Keiyei mit'thrilkniri, ukning khnimni, heirou lhawaira tulni leibi, Keiyei tlouya mayekbi chi-kanchunni klei thimi rapya Keine thi'kni.”

EZEKIEL 7:16

Heirou kounakpi yaihangrei hukounakne himakne kartleithungkur yaowanungkhi, yarap heiri lhungdoura phaitlairei ram-mathru rapnaksine rehbine leirou, heirou ai'aiyei borhnung'tlim lhawai klahne kanrelbi leirouwa.

EZEKIEL 9:4

Heitoubi Ane napawa heinungei shun, “Wabine Jerusalem Khulil karyoune karwaichabi, heitoubi yaihangra touthutdurkhou machinknaei lhourap heinung'tlim rikraiwurbi ungraochane chapbi klei thimi rapbei machalla semanlha nambaangpilak.”

ZECHARIAH 12:10

“Heirou Keine David'yei cheemkhurrei dourale Jerusalem'ra yuldabi klei thimi rapbei doura kringpikheile, khrumchanei lhawaiya shungsundapirou, heiyanungri yani Keiya thunhatkur heiwaya yaimit rungrungni muthungbi, heirou yani Anung'tlim kanrelbi, thimi khatne aiyei chanapawa samranya pukbi hikur heiwaya kanrelbi ukning klahne chapkur heinaksine chapbeirou.

LUKE 16:25

Heiya Abrahamne loumallang, ‘Ningmulako, Keichawa, nangri tlaipang dourei chaanrou lalthum lhangaiyathil dunkhoula, heiyei kheenrouri Lazarusri beimakne mrim knangne leiwurkhoula; heiya asinung ari bi arou nungkngaine leiyura, heirou nangri klah-mrimni meithlan doura leilaka.

LUKE 6:21

Asiyei kheenrou msul-yuikhat thimirap heiri likarsui lhangairou; ngamri naiyei msul thoyerrou, heirou yuikhatya khrahyerrou! Asiyei kheenrou chapbi klei thimirap heiri likarsui lhangairou; ngamri nari hillou laonungei kheen phaheirou!

LUKE 6:25

Asiyei chaanrou ukthobi klei thimirap nanungri kounak klahyei shakrung hoikurawo; ngamri nari hillou msul phaheirou. Asiyei kheenrou laobi klei thimirap nari kounakei klah hoikurawo; ngamri nari hillou chapbeirou!

LUKE 7:38

Heitoubi ane Jesuei hilla wamayungbi chapni aiyei mityuine Jesuei hora myemdokpikur. Heisitoubi aiyei lurei shamni rutmathaibi, heirou ane machubpikur, heitoubi hora aiyei muiknam shirek heiya shungphangbi fnalpikur.

LUKE 7:50

Heiya Jesu'ne napuiya heinung kyun, “Neiyei uklumkur heine neiya kukpiwurla; heineri neiyei malungdamne shaallaka.”

JAMES 1:12

Ukningya marshakbi thiyei kaalnung malungamkna khoiyei kanthrambi douthimi heiri nungkngai hoirou, ngamri ane heinaksi marshakthiya kanthrambi raalkur heiyei ngamne, Dunpune aya malungshi thimi rapnung kantompikur khringei chaan heiya klah-man khoine phaheirou.

KANRETHUTPI 21:4

Heitoubi Ane yai mitrei mityui rutpirou. Bi heirouri khi toukhi naimakrou, heirou klah-knang, nimanung kna'sayei kanril toukhi naimakrou. Heirou khmanyei putchei nammakhi maangurchiya.”