MATTHEW 5:3 - KHYINGEI PU'TLOU Bible (BSI)

³ “Lhawaira kanring thimi rapri likarsui lhangai; ngamri Thangmunyei Krungram heiri yaiyei hoirou!”

MATTHEW 5:3 Iomraidhean Croise

2 CHAANLAM 33:12

Heirou ani heisibil klah-mrim doukur heirouri, ani aiyei pawa rapbei Dunpu, Umpuei maibongra ukning hungbine trungpinanungei shunchakur.

2 CHAANLAM 33:19

Aiyei shunchawurnei lhoukhi, heirou koutoubi Umpune aya kringpikuro tounei, heirou aiyei borhrap, aiyei malungamkna makne touwurkhou lhou rapkhi, heirou ane Lhungdou chounara lukbom-thraibom phunbaangurnei bi rapkhi, heirou Asherim thrai-shutlairap, heirou thrailha rapkhi khakbi sheemthutbine, heitoubi heirapbei maibongra kanellhakbi khrumnei lhourap nammakhi kar'ankmu thimkhui rapbei mayekhounara yaowurchiya.

2 CHAANLAM 33:23

Heiyakhi duinara, Amon'ne Dunpuei maibongra aiyei pawa Manasseh'ne ukning hungkurnaksine nimsundabi aiyei ukning hungkhoumak, heiya Amon'neri lhangaimak mralya heisi katduilhakyerkhou.

2 CHAANLAM 34:27

‘Dunpuei tloulhangni ram aei doura, heirou heiyei rilla paalbi klei thimi rapbei doura karhane yunkur tloulhang rapya nangne mayeknarouri, neiyei ukning nimsundawurbi Keimaibongra nangne ukning hungurnei ngamrou, heirou nangne neiyei shambya threlwurbi, heitoubi Kei'maibongra chapne shunchawurnei ngamrou, tanghakpani Keine heiwaya ninglhakpiwurla,’ toubi Umpune paothutdurla.

2 CHAANLAM 7:14

heirou Keiyei thimi rapne Keiminya ungbine, yaitamne ukning hungbi marnimni Keinungei shunchabi, heitoubi Keiyei mairungya raphabi yaiyei lhangaimak lhourei ukning holthutlanungri, thangmunrei Keine ninglhakpirou, heirou yai borhya kukpirou, heitoubi yai ramya damyerpirou.

JOB 42:6

Heinung'tlim keine keitam rikraiyura; heitoubi rahui hangra kalletchani ukning hunglei.”

LAA LAILIK 1:1

Ukning lhangaimak thimi rapbei shunmatunara chanthungmak thimiri, heirou borh thimi rapbei chana lamra chamak thimiri, nimanung Dunpu'nungei koukhi karsukmak thimi rapbei omnara omthungmak thimi heiri likarsui lhangai.

LAA LAILIK 112:1

Umpuya mathanglaklo! Umpuya rikrai-khrumpi thimi heirou Aiyei chaylamya chi-rikraine hilthung thimi heiri nungkngai hoirou.

LAA LAILIK 128:1

Umpuei shunya kning thimirap, heirou Aiyei chaytlou rapya chi-rikraine hilthungbi chathimi rapri nungkngai.

LAA LAILIK 146:5

Jacobei Dunpuya aiyei trungpipu hoikyer thimi heiri nungwairou, heitoubi aiyei Dunpu Umpuya malungkngam thimi heiri likarsui lhangairou.

LAA LAILIK 2:12

Chi-kanchun'le kalhonne Anungei lu sikhuplhakbine, Ane malungkhawurbi neiya maangyerbongnang, Aihoya machuplak; ngamri Ari kalthi malungkhamakhui. Heirou Airouwei kallenanungei uklumkur thimirap nammane nungkngai hoilei.

LAA LAILIK 34:18

Kning tlungmak thimi rapbei pongra Umpune karnakpilei; heirou kning baikur thimirap namyerwaya Ane kalpilei.

LAA LAILIK 41:1

Kanring-kanwang thimi rapya ningmupi thimi rapri likarsui lhangai, heirou yane klahra dayei kheenrou Umpune yaya trungpirou.

LAA LAILIK 51:17

Dunpu Neinungei loulhak kya keiyei khrumna putri keiyei kanwang lhawai awitomne; Ukning khneemle kalhonne borhya shunthutdurbi wachangkur keiyari Nangne khingthutkur toupimaklo.

LAA LAILIK 84:12

Neiya uklum thimi rapnungeiri kounakkei nungkngai hoirouwo, O Toumaneyei Umpu!

PARMAL 16:19

Muchabi yerkhairil putchei rapya phabi nungwainung'tlimri, ukning khyingne kanring thimi rapkou kleinidui lhangai.

PARMAL 29:23

Thimi napung khatne tangchanei ngamrou kmaangya nimakne deiri koukhatkhi phamakrou; heitoubi ukning khnim hoiyanungri mine rikrai-khrumpirou.

PARMAL 8:32

Asinungri, douwarap keiyei kyunya louningpilak, heirou keiyei shunmatupiya hilthungbine lhou toulanungri nane nungkngai pharou.

ISAIAH 30:18

Ngam heineri Umpune nayari kringpi'kheini ngaakpilei. Heitounei ngammei Ane naya chouni malungshipikhei mutpinanungei karngeibine leilei. Kouweiyo toulanungri Umpuri tharmu chimmei Dunpume; Aya loukngaak thimirap nammari kounakei likarsui lhangai!

ISAIAH 57:15

Chounara mathumbangkur thang'allei Pu, klui naimakni ringbi klei, Aiyei minri Khying toubine ung Pu khatni asitoubi yunlei, “Keiri chouna ram, Khyingei bira leibine, heirou ukning hungbine ukning khnimni heirou lhawai klahyei klei thimi raple kalhonne, lhawai klah thimi rapya ukning thoubaangpinanungei, heirou ukning hungkur thimi rapya thoubaangpinanungei leiphobpilei.

ISAIAH 61:1

Pu Dupuei Lhawaini Keidoura leipilei, ngamri Umpune Keiya shirek teipiwurla; marhotpikur thimi rapnungei lhangai paolaa yenpinanungei, solung baikur thimi rapya malung damyerpinanungei Ane Keiya yenmalhetpiwurla. Raalmankur thimi rapnungya malhet'thutpinanungei, heirou kulrillei mehnara klei thimi rapya malhet'thutnanungei Ane Keiya yenmalhetpiwurla.

ISAIAH 66:2

Kouweiyo toulanungri Keihutni put nammaya sheemthutkur, heisitoubi put namyerwa heisi hungthukur,” toubi Umpune paothutlei. “Heiya Keiyei mit'thrilkniri, ukning khnimni, heirou lhawaira tulni leibi, Keiyei tlouya mayekbi chi-kanchunni klei thimi rapya Keine thi'kni.”

MICAH 6:8

O tlaipang thimi, lhangairi kounakko touri Umpune neinungei mutpiwurlame; heirou Umpune nairouwei kou madulei? Nairouwei Aiyei touyerkniri, ‘tharmu chimmei lhoutou, heirou kringpikheiya malungshilei, heirou naiyei Dunpuei maibongra ukning khnimni Aya rikrai khrumbine klei heiwarime.’

MATTHEW 11:25

Heirouri Jesu'ne asitoubi kyun, “Thangmun ramle Tlaipangei Pu, Pawa! Keine Neiya mathanglei, ngamri, mukhei rapnung heirou marnokur thimi rapnung mutpikhoumak heirapya asinung Nangne muheimak thimile heirou marnomak thimi rapnungei kandangne mutpiwurla.

MATTHEW 11:6

Heini Keiya koukhi khalcha'kna makne uklum thimi rapri likarsui lhangairou!”

MATTHEW 13:16

“Heirou nari kounak likarsuiyei thimirap hoilei! Naiyei mitni muphalei, heirou naiyei khnakhi mayeklei.

MATTHEW 19:14

Heisi tounarouri Jesu'ne loushun, “Douwarap heiri Keipongra wachangyerlak, yaya loumankanpimak, koungameiyo toulanungri, Thangmunyei Krungramri yarap heinungei hoirou.”

MATTHEW 24:46

Heinakei shok heiri Puni cheemra kallengeinung heinak lhangaiyei lhouya churbi louklei hungmulanungri, kounak hakrao hoirou!

MATTHEW 25:34

Heirouri Ane aiyei thya lhangra klei thimi rapnung yunrou, ‘Keiyei Pawane phor pikur thimirap, wachangalo! Tlaipang kanretirrei waiyoubine marshikbi loukhoukur Krungbom heirou nane paallaklo.

MATTHEW 3:2

“Nane naiyei borh lhou'rouwei mai holthutlaklo, kouweiyo toulanungri Thangmunyei Krungram heiri kalthi nakkura!”

MATTHEW 8:11

Keine nanungei shunthutlei touri, kulkung lhangreikhi, kulrel lhangreikhi thimi chungne wakartilbine, Abraham, Isaac heirou Jacob'le pulne Thangmunyei Krungramra ombine phalphei marngeiyeinungri,

MARK 10:14

Heitounei Jesu'ne heiwaya mubi malungkhabi Aiyei ruishik rapya shun, “Douwarul heiri Keinungei wachangasu, louthranpimak, kouweiyo toulanungri Dunpuei Krungram heiri yanaksiyei.”

LUKE 11:28

Heiya Jesu'ne loumallang, “Heinung tlimri, Dunpuei kyunya ninglhakbine heiyei hilthung thimi rapri kounakkei nungkngai hoirouwo!”

LUKE 18:14

‘Keine nanungei kyunri,’ Jesu'ne kyun, ‘Lhangai karsa napawa nimakne, khulrui thou thimi heiwari Dunpuei bomra chim thimi khat khoine mshing sherchokur, heitoubi ane cheemra shaalkur. Ngamri hukhatne aitamya tangyerkni hoiyanungri ukning marnim hoirou da, heirou hukhatne ukning marnim thimi hoiyanungri aya tangyerpirou.’ ”

LUKE 22:29

heirou Keiyei Pawane Keidoura maneyei mantrang piwurkhou heinakne, Keinekhi heinakrim nanungei manenei mantrangya pilei.

LUKE 22:30

Keiyei Krungbom-omna doura ombine Israellei phungh chiple khniyei doura pichar toubi leiheirou.”

LUKE 4:18

“Puei Lhawaini Keidoura leipila, ngamri Ane Keiya kanring thimi rapnung Lhangai Pao-laaya shunthutpina'nungei khalthutpiwurla. Mihutra kulchalkur thimi rapnungei malhetthutpinei Lhangai Pao-laaya shunthutpinanungei Keiya yenmalhetpila; heitoubi mitdeo thimi rapya mit muyerna'nungei yenyilpi; heirou mine marhotkur thimi rapya malhetthutnanungei yenpilei,

JOHN 20:29

Heirou Jesu'ne anungei shun, “Nangne Keiya neimitne muwurnei ngamrou uklumko? Heiyanungri Keiya mitne mumakne uklum thimirap heiri kounakne nungkngai hoirou!”

KHNUITLUNG CHAY 8:2

Heitoubi nani UMPU naiyei Dunpune naya heinak tlani kum somlibil Ramthingra ruichawurkhou heiwaya ningthutrou da; kouweiyo toulanungri, naya ukning nimyernanungei, heirou nai ukningra kou kleiyo toubi munanungei, heirou nani Aiyei Chaylam rapya chanthungrouwo nimanung chanthungmakrouwo toubine naya marshakbi chaangh thikur.

JAMES 1:10

heirou laldun Christen khatya Dunpune taangsundala'nungri, ane haraoniyasu. Kouweiyo toulanungri, dun thimi heiri ramhangrei heengpar-rampar naksi kimmeirou.

JAMES 1:12

Ukningya marshakbi thiyei kaalnung malungamkna khoiyei kanthrambi douthimi heiri nungkngai hoirou, ngamri ane heinaksi marshakthiya kanthrambi raalkur heiyei ngamne, Dunpune aya malungshi thimi rapnung kantompikur khringei chaan heiya klah-man khoine phaheirou.

JAMES 2:5

Ninglhakpilak, keiyei malungshi'kna teinaorap! Dunpune tlaipangpal arou kanring thimi rapya uklumnara dun thimi hoiyernanungei, heirou aya malungshipi thimi rapnung kantompikur Krungramya phayernanungei khalthutdurla.

KANRETHUTPI 19:9

Heirouri Thangring heine keinungei kyun, “Arapya yukmayelhaklak. Yaoshunyei Nulounei Kneilhun heiranung unglhakkur thimirap heiri nungkngai hoirou.” Heitoubi Thangring heine yukyunthu, “Tlourap ari Dunpuei chim tloume.”

KANRETHUTPI 22:14

Heitoubi yai shambya marthingni mathaikur thimi rapri nungkngai hoirou, heitoubi yane khring chaanyei heengtrungrei heiya chapharou, heirou khukarthillei palthungra wachangpharou.

KANRETHUTPI 3:17

Nangneri, ‘Keiri dun thimi heirou nungkngai thimime heirou Keiyei kwatsam namyerwa phawurchila,’ toubine yunlei. Heiya nangri kounak klah-mrim, tounaram mak thimiyo touri nangne mumaklei. Nangri kanring thimi, phi'up-phirulkhi yaomak heirou mitdeo thimi.