MATTHEW 4:4 - KHYINGEI PU'TLOU Bible (BSI)

⁴ Heirou Jesu'ne loumallangkur, “Khyingei Lailikra asitoubi mayekhoulei, ‘Tlaipang thimiri mumtol'tomni ringmak, heiya Dunpuei shunthutkur tlou heiwane ringrou!’ ”

MATTHEW 4:4 Iomraidhean Croise

HOYOUNA 16:15

Heirouri Israel rapni heiwaya muyei kheenrou yani khatle khat ngairilbi, “Awaya kouwo?” toubine yunrilkur. Ngamri yani heirapri kouweiyo touri hunikhi mukhoumak. Heirouri Moses'ne yanungei shun, “Awari nai chamainungei Umpuei yukpisundakur mumtol.

HOYOUNA 16:35

Heisitoubi Israellei chanao rapni, yaiyei paalnanungei ram hungdabongyen, kum somlibil Manna chamaikhou; heirou Canaanyei ram ri karchunna hungda phani yani Manna chamaikhou.

HOYOUNA 16:8

Heirouri Moses'ne shun, “Asitoubine hungthukheirou, touri Umpune rawainung nai mainungei phaimlung waa yenmalhetpirou, heirou ningshunnangri nani ukthoni chamainungei mannakhi yongdayerpirou; kouweiyo toulanungri, nani Umpuya kansopikur heiwari Ane loumayekurla; heirou kawo touri kounaksi thimiyo? Heirou nani kaya kansopikur heiwari kaya nimakme, heiya Umpuya kansopikurme.”

HOYOUNA 23:15

Nane ‘Phri sikmak mumtol shainei Kneitang’ khat markhullak; Keiyei chay pikur hilthungni, kartinkur tangla ‘Abib’ heiyei rilla nani phri sikmak mumtol shaibini tlaini eninibil Knei markhullak; kouweiyo toulanungri, nani heiyei tanglarou Egypt ramrei shalthutkur. Heitoubi thimi hukhatnikhi Keiyei maibongra hangwalni wachangnungei yamakrou.

MATTHEW 15:11

‘Thimi napung khatya aiyei takarei yongchangkur heiwane aya borhkyer nimak; heinung'tlimri aiyei ukningrei kathuk tlourap heiwane aya borhkyer.’ ”

MATTHEW 4:10

Heitounei Jesu'ne loumallangkur, “Keirouwei chutdura, Satan! Khyingei Lailikne asitoubi yunlei, ‘Naiyei Pu Dunpu’ 'yatom nane khrumbi watlhou toulak!”

MATTHEW 4:7

Heirou Jesu'ne loumallangkur, “Khyingei Lailikra asitoubi hanuikhi yunlei, ‘Dunpuya ukchangh thibine malhimmak.’ ”

MARK 7:20

Heirou Ane hanuikhi shunthulei, “Thimi khatdei ukningrei kathuk heiwane aya mardunkyer.

LUKE 4:12

Heiya Jesu'ne loumallangkur, “Khyingei Pu'tloune yunlei: Naiyei Umpu Dunpuya chaangh thimak.”

LUKE 4:4

Heiya Jesu'ne loumallangkur, “Khyingei Lailikne asitoubi yunlei, ‘Thimine kouniroukhi mumtoltomni ringrou nimak.’ ”

LUKE 4:8

Jesu'ne loumallangkur, “Khyingei Pu'tloune asitoubi yunlei: Neiyei Umpu Dunpu'yatom nangne khrumlak, heirou Aiyei watlhouya toulak!”

JOHN 15:26

“Trungpipu Lhawai Khying heine hungbi, heirou ane Dunpuei ngamroukhi heirou airouwei hungbi klei heiwayei ngamrou chimya mutpirou. Keine aya Pawaei bom'rouwei yenmalhetpirou, heitoubi Ahakpane Keiyei ngamrou shunthutpirou.

JOHN 6:63

Heirou khringei chaanya yenpiri Dunpuei Lhawai heiya tlaipangei mane-mantrang heine koukhatkhi karsukmakarou. Keine nanungei yunpikur tloulhangrap heiri Dunpuei khringchaanya yenpikur Lhawai heirime.

ROMIA 15:4

Ngamri bongei loumayekhou namyerwa heiri kaya shunmtunanungthil, heine Khyingei Lailikra mayelhakur heiwane kaya kanthramyerbi, heirou ukningra thoulhakyerbi malungamne leiyerrou.

EPHESIA 6:17

Heirou Ralthutpina tlou heiwaya naiyei lukhupnakni khupchalak, heitoubi Dunpuei Lhawaine nanung pikur Tloulhang rapya naiyei shonkhyangnak shinlak.

KHNUITLUNG CHAY 8:3

Heisitoubine Ane naya ukning marnimyerbi, naya chak msulyerkur, heitoubi nanikhi, heirou naiyei patar rapnikhi shak mukhoumak Manna'ya nanungei pichakhou; heitoubi nanungei shunmatupikhou heiri: ‘Tlaipang thimini mumtoltomni khring nimak, heiya tlaipang thimini UMPUei mur'rei wathuk tloulhang rapni ringrou.’