MATTHEW 4:3 - KHYINGEI PU'TLOU Bible (BSI)

³ Heitounarouri Satan'ne anung wakyun, “Nangri Dunpuei Chanapawa hoiyanungri thlungrap heiya mumtol hollalo toubine shunlakma.”

MATTHEW 4:3 Iomraidhean Croise

HOYOUNA 16:3

Heirou Israellei chanao rapni yanungei shun, “Nane kulyomrap nammaya ramhangra ruithutloubini chak msulni manroubi hikurnung'tlimri, kani Egyptbei ramra ukthotul chamaibini leiyeinung Umpuei hutra hiyerkurni duini lhangairou.”

MATTHEW 14:33

Heirou Aiyei ruishik rapne mali rilla Aya loukhrumkur. Heirouri ya nammane, “Tanghakne Nangri Dunpuei Chanapawame,” toubine loukyun.

MATTHEW 16:16

“Nangri Messiah, heitoubi Khring Dunpuei Chanapawa,” toubine Simon Peter'ne loumallangkur.

MATTHEW 26:63

Heiya Jesu'ne koukhatkhi loumallangmak. Heirou hanuikhi Suipipu upani Anung shun, “Khring Dunpuei min tlangbine keine neinung tlou kantomle kalhonne ngailei. Nangri Dunpuei Chanapawa, Messiah nimakeiko?”

MATTHEW 3:17

Heirou Thangmun lhangrei hou khatne asitoubi yukpao, “Ari Keiyei kringkna Chanapawa khatme, Aiyei ngamrou Keiri beimakne malung'khrahwura.”

MARK 1:1

Dunpuei Chanapawa Jesu Christaei lhangai paolaa waiyouna.

MARK 3:11

Heirou hyingmak lhawai tung thimi rapne Jesu'ya muna bi kantangrou, Aiyei maibongra kanelhakbi ungraochane, “Nangri Dunpuei Chanapawame!” toubi loukyun.

MARK 5:7

heirou ane hou choune lou'ungraobi kyun, “Choudui Dunpuei Chanapawa Jesu; Nangle keiri kouthukrillo? Dunpuei minra buchalei, keiya lahyerpimaklo!”

LUKE 1:35

Heirou Thangring heine anung loumallang, “Lhawai Khyingne neidoura yongtungbi, heirou Dunpuei mantrang heiri neinungei leipirou. Heine ngam hoibine Khyingei Chanapawa heiya Dunpuei Chanapawa toubi ungrou.

LUKE 22:70

Heirou ya nammane kyun, “Heiyanungri nangri Dunpuei Chanapawako?” Ane yanung loumallang, “Keime toubi nai yunkur heiwariya.”

LUKE 4:3

Heirouri lhangaimak lhawaine Anungei kyun, “Nangne Dunpuei Chanapawa hoiyanungri thlung heiya mumtol holnanungei chay pilakma.”

LUKE 4:41

Heitounei ngamrou hyingmak lhawai rapkhi thimirap'rouwei yane “Nangri Dunpuei Chanapawa” toubi ungraochabi trukthutkur. Jesu'ne hyingmak lhawai rapya koutloukhi yunyermaknungei chaytloune shunkur, ngamri Ari Messiah'me touri yanekhi kmu.

LUKE 4:9

Heirouri lhangaimak lhawaine Aya Jerusalem'ra ruilouheibi heirou Aya Pukhrumna Cheembung doura ruibaangloukur, heitoubi Anung kyun, “Nangne Dunpuei Chanapawa toulanungri, Nangne arouwei yukchunsundawa.

JOHN 1:34

Keine heiwaya muwurla, heitoubi keimitdei mukur heiya keine nanungei yunpilei touri Dunpuei Chanapawa heiri Ahakme,” toubi John'ne kyun.

JOHN 1:49

“Rabbi, Nangri Dunpuei Chanapawame! Heirou Israellei Krungleime!” toubi Nathanael'ne loumallangkur.

JOHN 20:31

Heiya arou mayelhakur nane mubi, Jesuri Messiah heirou Dunpuei Chanapawame toubi uklumheirou, heitoubi naiyei uklum heiyei ngamne nane khringei chaanya pharou.

JOHN 9:35

Jesu'ne thukkur lhou heiya mayekkurnarouri, Ane napawa heiya raphamubi anungei kngai, “Nangri Thimiyei Chanapawaya uklumleiko?”

PAOCHA 9:20

Heirou ane Pukhrumna Cheemra wachangbi, heitoubi Jesuri Dunpuei Chanapawame toubi shunthutpi youkur.

2 CORINTHIA 1:19

Kouweiyo toulanungri Silas'le Timothy'khi heirou keinekhi nanungei shunthutpikur Dunpuei Chanapawa Jesu Christa heiri “Moi” toubine hanuikhi “yamak” toubi yunnanungei bomri nimakrou. Khat lhangrani, A heiri Dunpuei “Moi” toubi yunna bomkhi khoi.

GALATIA 2:20

Keiya Christa'kou kalhonne heeng'karbak doura hiyerwurla, heine asiyei ringbi klei ari kei nimak, heiya Christa'ne keinungei ringbi klei. Asiyei keiyei ringbi klei chaan ari keiya malungshipi Pu heirou keinungei makatpikur Dunpuei Chanapawaya uklumnei ngamrou khringme.

1 THESSALONIA 3:5

Ngam heinung'tlim nane douheimakne, kounaksi Satan'ne naya malhimnara dayerwurleiko toubi, heirou kane nanungei'tlim lhou toupikur heiwari leemni dongmaangurleiko toubine khal'uksawurbi, naiyei uklumya martamthina'nungei toubi keine Timothya heimalhetkur.

HEBREWA 12:16

Thimi hukhatnekhi chorit naimak heirou tharmu yaomakne heirou chanapawa samranyei phabom thukya chakluk khatnungei yorchakur Esau naksi hoimakneyasu.

HEBREWA 4:14

Heiyanungri, kane kaiyei uklumnei chaan heiya chetne rkolphopbi leiyase. Ngamri Dunpuei Chanapawa Jesu'ne kaiyei Suipipu Upa khoine Dunpuei maibongra louchawura.

HEBREWA 7:3

Melchizedek'yei pui-payei yenyouna shullamkhi mak, heirou aiyei nutar-patarri puirie-pariekhi mak; heirou aya puknei nimanung aiyei hinei ngammei mayekhou warikhi koukhatkhi mak. A heiri Dunpuei Chanapawa nakrim khoi; heirou ari kmit naimakei Suipipu khoine klei.

1 JOHN 3:8

Paapbei lhouya heisi toubi klei thimi heiri Satanyei hoileihui, ngamri Satanri kyou'rouweine paap toubi klei. Ngam heinung'tlim Satanyei touwurkhou lhouya maangyernanungei Dunpuei Chanapawane yongpikur.

KANRETHUTPI 2:10

Nai klah-knang dourou kyou heiyei ngamrou koukhi chimakniya. Louningpilo! Ngamri Satan'ne na thaya kulrilla khinglhakbi marshakthirou waiyoulei, heirou nangne tlaini chipnibil klah-knang phaeirou. Nangne khi ramphane malungamkna khoine leiyalo, heirou Keine neinungei raal maninei klahman khoine khring chaanya pirou.