MATTHEW 4:2 - KHYINGEI PU'TLOU Bible (BSI)

² Heirou Jesu'ne nunghang somlile masa somlini cha'kmai ngeibi leinarouri hillou A heiri msulkur.

MATTHEW 4:2 Iomraidhean Croise

1 KRUNGRAP 19:8

Heirouri ani kanthouwurbi chamaikur; heirouri ani chamaiwurnei ngamrou aiyei sharung mantrangni tlaini somlinile masa somlinibil lamtla chabi Dunpuei Lhungdou Horeb'ra wa'tlungkur.

HOYOUNA 24:18

Heirouri Moses'ne Lhungdoura kakayeinung, ramei hangra heisi wachangkur; heisitoubi Moses'ne lhungdou heirou tlaini somlile masa somlinibil leiwurkhou.

HOYOUNA 34:28

Heisi toubine Moses'ne Umpu'le kalhonni lhungdoura tlaini somlile masa somlibil yarekbi leiwurkhou; kheen heirouri ani mumtolkhi shaimak, heirou yuidingkhi mongmakni leiwurkhou. Heirouri ani mardingrilkur tloulhangrap touri Chaylam chiptam heiwari Thlungpak rapbei doura mayelhakur.

MATTHEW 21:18

Nithangei ningshunrou Ane Krungkulla hanui yenkallengeinung, lamrakra msulkur.

MATTHEW 25:35

Keine msulleinung, nane Keinungei pichakur, Keine yuihatdeinung, heirou nane Keinung yui pimongkur, Keine ram deira chabi wa'tlungnanung cheem-bi makkeinung, heirou nane Keiya cheemra lou'unglhakbine louropi.

MATTHEW 25:42

Keine msulyeinung nane Keinung pichakhoumak, Keine yui hatdeinungkhi nane Keinung pimongkhoumak;

MARK 11:12

Heithangei tlainirou yane Bethany'rei pothutbi wachangeinung Jesuri msulkur.

LUKE 4:2

heitoubi bi heirou aya lhangaimak lhawaine malhimbine tlaini somlini leikur. Heirou tlaini somlini heiwairouri Ane koukhatkhi chamaimakne leiwurkhou, heitounei ngamrou hillouri A heiri beimakne msulkur.

JOHN 4:6

Heitoubi bi heirou Jacobei yuisho klei, heirou Jesu'ne lam tlanarou lahwurnei ngamrou, yuisho pongra omkarngakur. Trum heinungri nunghangtlaikal hoiyura.

KHNUITLUNG CHAY 18:18

Keine yanungei nangnaksi thimkhui khat yaiyei teinao rapbei hangrouwei yuksuithutpirou, heitoubi Keine aiyei murra Keiyei tloulhang rapya lhakpirou; heirouri Keine anungei chay yukpikur nammaya ani yanungei louyunthutpirou.

KHNUITLUNG CHAY 9:18

Heirouri keine haallei naksini, masa-nunghang somlinibil, chak-ankhi chamaimakni, yuidingkhi mongmakni kanthrambini, UMPUei maibongra keitam makhupni kanel'lhakbi khrumchakur; ngamri UMPUei mit'thrilna maibongra naiyei touwurkhou lhangaimak borh lhourap namyerwa heini Aya malungkhayerkur.

KHNUITLUNG CHAY 9:25

“Heisitoubi keine UMPUei maibongra makhupni kanelhakbini, masa-nunghang somlinibil khrumbi leikur, ngamri UMPUne yunkur touri Ane naya mangyerrouwa.

KHNUITLUNG CHAY 9:9

Heirou keine Lhungdoura kakabi, thlungpakrap touri UMPUne nanungei mardingpikur Chaylam rapbei thlungpak rapya lounungei toubi kakayei kheenrouri, keine Lhungdoura tlaini somnibil'le masa somlibil chak-ankhi chamaimakni, heirou yuidingkhi mongmakni leiwurkhou.