MATTHEW 2:8 - KHYINGEI PU'TLOU Bible (BSI)

⁸ Heitoubi ani yaya, “Nane wabine mukheine nao heiya lhangaine raphalak, heirou nane nao heiya rapha mulanungri keinungkhi pao mallengpilak, keinekhi wabi nao heichaya khrummeise,” toubi shunmatubi heiyilkur.

MATTHEW 2:8 Iomraidhean Croise

2 SAMUEL 17:14

Heirouri Absalom'le, Israellei thimirap nammane kyun, “Archia Hushai'yei yunmatupikur tlou heiwari Ahithophelyei shunmatupikur tlouya duine lhangailei.” (Kouweiyo toulanungri, Ahithophel'yei shunmatupikur lhangaiyei tlou rapya toumangurbi, Absalom'ya klal dayernanungei toubi Umpune wairaangkur).

1 KRUNGRAP 19:2

Heirouri Jezebel'ne thimi heimalhetbi Elijah'ya washunkyer, “Ninga tlainiyei asilumnung keine neiyari thimkhui raprouwei napung'khatya hatnakni hatmakanungri, thrai rapne keinungei heiyakhi duine thuithini tanti toulaksu.”

PARMAL 21:30

Umpuya karhayei lhoutou thimiri tlaipangei roushing, mukhei heirou khyal touri koukhi karsuknamaklei.

KANREL LAA 3:37

Umpune chay pibi touthutkur nimakni, thimi huni yunbi heinaksiya thukyer leileiyo?

MATTHEW 2:1

Heirouri Herod'ne Krung hoiyeinung Judea ramra klei Bethlehem Krungkulla Jesu'ya pukkur. Thilak, heihil tallengne kulkung lhangrei sorwaei ngamra kmu thimi rapne Jerusalem'ra wa'tlungbi heirou yane kngai,

MATTHEW 2:7

Heisi tounei ngamrou Herod'ne kulkung lhangrei mhei'khei thimi rapya munchani ungmartilbi, ‘sorwa heiri koukallei mukurro’ toubine ngaithikur.

MATTHEW 2:9

Heisi tounarou yane aiyei shunmatuya mayekloubi rapharou wayeinung hallei sorwa heihakri hanuikhi kulkung lhangrei yane muwurthu.