MATTHEW 2:5 - KHYINGEI PU'TLOU Bible (BSI)

⁵ Heirou yane, “Judia ramrei klei Bethlehemei Krungkul rilra puktlengrou. Kouweiyo toulanungri, Thimkhui khatne asitoubi mayekhou leilei,” toubi loumallangkur. “Kouweiyo toulanungri asitoubi mayekhoubi leilei:

MATTHEW 2:5 Iomraidhean Croise

KANTHOUNA 35:19

Asitoubine Rachel hiwurbi, heirou aya Ephrath (touri, Bethlehem) wana lhangei lampalla phumkur.

MATTHEW 2:1

Heirouri Herod'ne Krung hoiyeinung Judea ramra klei Bethlehem Krungkulla Jesu'ya pukkur. Thilak, heihil tallengne kulkung lhangrei sorwaei ngamra kmu thimi rapne Jerusalem'ra wa'tlungbi heirou yane kngai,

MATTHEW 2:4

Heitounei ngamrou ani Suipipu raple, Chaylamei uparap namyerya ungmartilbi yanungei kngai, “Messiah heiri bi koutamrou pukrouweiyo?”

JOHN 7:42

Khyingei Lailikra atoubi yunkhoulei, “Messiah heiri Krung Davidyei shullamrei hungthukrou, heitoubi Davidni thrungkhouna Bethlehem khukarthilla pukrou.”

JOSHUA 19:15

Heitoubi ri heiyei rilla koolphopkur ram rapri: Kattath, Nahalal, Shimron, Idala, heirou Bethlehem'khi kyao. Heirapri yaiyei yultlai rapkhi kyaoni khukarthil chiple khni tlung.

PICHAR PURAP 17:7

Heiyei kheen heirouri Judah'yei Bethlehem'ra, Judah cheemkhurrei Levia kartlang douwa khat leikhou, heitoubi akhi bi'heirou wachangbi leikhou.

RUTH 1:1

Kheen heirouri asitoubine hungthukura, Picharpu rapni ruibi palyei kheenrou yairam heirouri karyouni butaam thukkura. Heitoubi heiyei kheenrou Judah'yei Bethlehem'rei napawa khatni ale, aiyei nule heirou chanapawa napung'khniya ruibine, Moabei ramra ramtaangbi paalnanungei wakur.

RUTH 1:19

Heisitoubi yakhuntane Bethlehem'ra hungtlungbongyen hungkur. Heirou yane Bethlehem'ra hungtlungkur heirouri, yai ngaimrou khukarthil heiyei thimirap nammanungri kngakni thimkur; heirouri napuiya rapni loukyun, “Heiwiri Naomi nimako?”

RUTH 2:4

Kheen heirouri thilak, Boaz'ne Bethlehem'rei wabine, cha-aat thimi rapnung washunkur, “Umpune naya kalhonpilaksu.” Heirouri yane anungei loushun, “Umpune neiya phor pilaksu.”

RUTH 4:11

Heirouri khulbung kartilna bi yuntlangmai heirou kartilkur thimirap nammale yama uparap nammane kyun, “Kane tloumayung hoiyurame. Neiyei cheemra wachangkur napuiya heiwiya, Umpune Rachel'le Leah'ya Israellei cheemkhur sheembaangyerkur heinaksine, ayakhi phor pilaksu; heitoubi Ephrathah'ra dun thimi khat khoine, heirou Bethlehem'ra mincha thimi khat hoiniyasu.

1 SAMUEL 16:1

Heirouri Umpune Samuel'ya shun, “Saulne Israel rapbei doura Krung hoinarei Keine yapimakni horthutkurya nangni murerikhi, nangni anungei'tlim kounak tlani lhawai klahni kanrilbi leihuirou touneiyo? Neiyei halchee shirek kokra Olive shirek thacha shunglhakloubini chalaka; Keine neiya Bethlehem'ra Jesse'yei leinara yunanungei watyilkurame; ngamri Keine aiyei chanapawa rapbei hangrei napung khatya Keiyei krung hoinanungei khalthutdurla.”