MATTHEW 2:2 - KHYINGEI PU'TLOU Bible (BSI)

² “Jehudia rapbei Krung hoinanungei naoshen khat pukkurri bi koutam'rouwo? Kane aiyei ngamrou sorwa khat kulkung lhangra mulhakurnei ngamrou, kani aya khrumnungei yenraphakheime.”

MATTHEW 2:2 Iomraidhean Croise

LAA LAILIK 2:6

“O Zion, Keiyei Khyingei Lhungdoura Keiyei Krungya Keine thrungyerwurla.”

LAA LAILIK 45:11

Neiyei marhuikna mairungya mubi Krungne neiya duine malungshirou, Ari neiyei Pume heineri aiyei kyunya nangne chi-rikraine chanthunglaklo.

ISAIAH 60:3

Heirouri lim rapne neiyei kwaarra wachangrouwa; heitoubi krung rapne neiyei kwaar kat-alnara wakar'umrouwa.

JEREMIAH 23:5

“Thilak, tlaini rapri hunglei,” toubi Umpune paothutlei; “Keine David'yei tharmuchim Ban khat kathukyerei kheenrou Ane Krung khoini thrungbine shingkheini lhou touthutrou; heirou ram heiyei doura tharmu chimni pichar toupibi lhou touheirou.

JEREMIAH 30:9

“Heiya yane yaiyei Dunpu Umpule, Keine yanungei tlim mathumbangpirou kyou Krung David'ya watlhou tourouwa.

ZECHARIAH 9:9

Kalthi nungwailakalo, O Zion'yei chanapuiyarap! Hakraoni ungraochalaklo, O Jerusalemei chanaorap! Thilak, naiyei Krung heiwari nanung hungleime; A heiri tharmu chim heirou Ralthutpi Pu; ukning khneem heirou gadha doura tungbine, hunekhi tungnamak gadha, touri gadha shunchaei doura tungbine hungleime.

MSHING KANSHER 24:17

Keine Aya murilkur, heiya asinunghakri nima; keine Aya heithrilthikur, heiya karnakrilmak. Jacobei yu-cha raprei sorwa khat hungthukheirou, heitoubi Israel raprouwei cheishu khat kathukheirouhui. Heitoubi Heiwani Moabei machal karsibaiheirou, heirou Sheth'yei chanao rapya namma konmaangeirou.

MATTHEW 2:3

Heirou Krung Herod'ne tlou heiwaya myeklhakurnei ngamrou, kalthi uksakur, heirou aiyei ukningra plangurbi kou bisokhi naimakne leikur, heinakne Jerusalem'ra klei thimi namyerwakhi ukningra plangkur.

MATTHEW 21:5

“Zionyei Krungkulnung shunpilak, Thilaklo, naiyei Krung heiri nanungei hunglei! Ari ukning khnim, heirou gadha doura yentungheilei heitoubi gadhari shun'khui, mandichahui.”

MATTHEW 27:11

Jesu'ne Rome Krungei maibongra mayungeinung, “Nangri Jehudi rapbei Krungko?” toubi Anungei kngai. “Neiyei yunthutkur heiwariya,” toubi Jesu'ne loumallangkur.

LUKE 19:38

“Puei minra wachangbi klei Krung heiri likarsui hoiyasu! Heitoubi Thangmunra kying hoiyasu heirou Dunpuei thang'al chouni allaksu!”

LUKE 2:11

Ngamri angtuhak David'yei Krungkulla Pu Christa, naiyei Kalpipu khat pukkurla!

LUKE 23:3

Heirou Pilate'ne anung loukngai, “Nangri Jehudia rapbei Krunghako?” Jesu'ne loumallangkur, “Neiyei kyun heiwariya.”

LUKE 23:38

Heitoubi Aiyei luthakra asitoubi mayebi: “Awari Jehudi rapbei Krungme,” toubi myebine yempopbi khoukur.

JOHN 1:49

“Rabbi, Nangri Dunpuei Chanapawame! Heirou Israellei Krungleime!” toubi Nathanael'ne loumallangkur.

JOHN 12:13

Heingammei yane kangwoina deekloubi, yane Aya murilnanungei wathukbi, “Hosanna! Upawaei minra wachangbi klei Israel rapbei Krung heiri likarsui lhangai hoiyasu!” toubi yane loupaokur.

JOHN 18:37

Heitounei Pilate'ne anungei loukngai, “Heiyanung nangri Krungko?” Heirou Jesu'ne loumallang, “Keiri Krungme touri neiyei yunthutkur heiwariya. Keiyari tlaipangra chimya yunpinanungei toubine pukpiwurla. Heini chim thimi rapne Keiyei kyunya ninglhakpirou.”

JOHN 19:19

Pilate'ne “Nazarethrei Jesu, Jehudi rapbei Krung” toubi mu'kna khat mayebi heengkarbakra hempopkur.

JOHN 20:28

Heitounei Thomasni loumallang, “Keiyei Upawa, Keiyei Dunpu.”

JOHN 5:23

Heini yane Pawaya rikrai khrumnakrim Chanapawa heiyakhi rikrai khrumpirou. Hukhatne Chanapawaya rikrai khrumpimanungri, a heine Chanapawaya yenmalhetpikur Pawayakhi rikrai khrumpimaklei.

JOHN 9:38

“Puwo, Keine uklumlei!” toubi napawa heine yunbi heirou ane Jesuei maibongra khuklu kanthrunchabi khrumkur.

HEBREWA 1:6

Heiya Dunpune Aiyei Cha-samran heiwaya tlaipangpalla yenyillou waiyouweinung, asitoubi yunkhou, “Dunpuei Thangringrap namyerwane Aya khrummeirou.”

KANRETHUTPI 22:16

“Jesu, Keihakni Church'ra tlourap heiwaya nanungei shunthutpinanung Keiyei Thangringya yenmalhetpiwurla. Keiri David'yei bommairei yenrankur, ningshunyei Kafla.”