MATTHEW 11:3 - KHYINGEI PU'TLOU Bible (BSI)

³ Heitoubi yane Jesu'nung wakngai, “Kanungei yunpilaklo, John'ne aihilla napung-khat hungeiroume toubi kyunri Neiya kyunko?”

MATTHEW 11:3 Iomraidhean Croise

KANTHOUNA 12:3

Heirou nangni phor pikur thimiya Keinekhi phor pirou, heitoubi neiya mancho thimiya Keinekhi manchorou; heirou neingammei tlaipangpallei cheemmai-bommai namma yaitamni phor phanarou.”

KANTHOUNA 3:15

Heitoubi Keine nangle napuiya nakhuntayei tlakra karhourilyerrouwa; heirou neiyei yu-cha raple, aiyei yu-cha rapbei tlakra karhourillouwa, heirou ani neiluya mnuichaallou, heitoubi nangni aiyei hokhungra chikrou.”

KANTHOUNA 49:10

Krungei shungkrokri(cheishu) Judah'rouwei hunikhi louheichangmakrou; heirou aiyei ho khintamei tlakrei kaiphumbi khoukur pichar Puwei cheishu heikhi, heiyei Pu Shilohni yenkallengbi, heirou aiyei lim nammani kartilbongnung airouwei hunikhi louheichangmakrou.

LAA LAILIK 118:26

Umpuei minra ungbine wachang thimirap heiri Ane phor pilaksu; Heirou Umpuei Pucheemra kane Neinungei phorrei tlouya shamlei.

ISAIAH 7:14

Ngam heineri Pu Dupu Aimsha'hakni neinungei hutlha khat yukpirou. Louthilak, khying nangaka khatni nao urbi heirou ani chanapawa khat pukrou, heitoubi ani Aiyei min ‘Immanu-el’ toubi thulpirou.

HOSEA 3:5

Heihillouri Israellei douwa rapne yenkallengbi, heitoubi yaiyei Dunpu, Umpuya heirou yaiyei Krung David'yakhi yenrapharou; heitoubi hilluirouri yani Umpuya heirou Aiyei thang lhangaiya chi-kanchunni yenraphaheirou.”

OBADIAH 1:21

Lhukthutpi pu rapne touri raal mane thimi rapne Zion Lhungdoura kakabi, Esau'wei touri Edomei doura raal maniwurbi paalrouwa; heitoubi Krungbom heiwari Umpuei hoirouwa.

MICAH 5:2

Heiya, O Ephrathah'yei Bethlehem, nangriyo, Judah'yei yultlai'rap lishing kounakei hangra nangri mandicha khat hoiyanungkhi, neirouwei Keinung'tlim Pu khat pukkeirou; heitoubi Ane Israellei Krung hoirou, Aiyei yenwaiyouna shullamri bongei youbine klui naimakna chaanlamrei yenkyou.

HAGGAI 2:7

Heitoubi limrap namyakhi Keine khngakrouwa; heiyanungri lim namyerrei madu lalthumrap heiri bi arou hungchangchirou, heitoubi Cheem heiwaya Keine thang'alni thimyerouwa,” toubi Thangwan-Shimleiyei Pu Umpune shunlei.

ZECHARIAH 9:9

Kalthi nungwailakalo, O Zion'yei chanapuiyarap! Hakraoni ungraochalaklo, O Jerusalemei chanaorap! Thilak, naiyei Krung heiwari nanung hungleime; A heiri tharmu chim heirou Ralthutpi Pu; ukning khneem heirou gadha doura tungbine, hunekhi tungnamak gadha, touri gadha shunchaei doura tungbine hungleime.

MALACHI 3:1

“Thilak, Keine Keiyei paocha thimi yenmalhetrou, heirou ani Keiyei maibongra lamtlun loumarshikrou; heitoubi naiyei rapha Pu Dunpu heiwane Aiyei Pucheemra loumuthungmakni yongchangeirou; heirou naiyei ukningra malungamne ningchabi klei lhangaiyei tlou mardingpi Pu, Paocha thimi heiwakhi yongeiroume,” toubine Thangwan-Shimleiyei Pu Umpune shunlei.

MALACHI 4:2

Heiya Keiyei minya chi-rikraine cha thimirap nanungeiri tharmu chimmei kinni, kna buldamna louh'le kalhonni kathukheirou; heirouri halshangrei malhetthutkur halshun rapni hakraone chunchakur heinaksine nakhi langthouni haraorouwa.

MSHING KANSHER 24:17

Keine Aya murilkur, heiya asinunghakri nima; keine Aya heithrilthikur, heiya karnakrilmak. Jacobei yu-cha raprei sorwa khat hungthukheirou, heitoubi Israel raprouwei cheishu khat kathukheirouhui. Heitoubi Heiwani Moabei machal karsibaiheirou, heirou Sheth'yei chanao rapya namma konmaangeirou.

MATTHEW 11:10

Kouwo toulanungri, Khyingei Tlouni yunthutkhou heiwari John heiriso. touri ‘Dunpune yunkhoulei, thilak, Keine naiyei maibongra, nanung shumtrum loulatpinanung thimi napung khat loumalhetpirou.’

MATTHEW 11:4

Heirou Jesu'ne yanung loumallangpi, “Nane kallengbi nai mayekloukur heirapya, heirou naiyei mukur namyerwa heiya anungei hungshunpilak.

MATTHEW 21:5

“Zionyei Krungkulnung shunpilak, Thilaklo, naiyei Krung heiri nanungei hunglei! Ari ukning khnim, heirou gadha doura yentungheilei heitoubi gadhari shun'khui, mandichahui.”

MATTHEW 21:9

Heirouri thimi rapne Jesuei maibongrakhi louchabi, heirou Aiyei hillakhi chanthungbi, yane asitoubi paokur, “David'yei Chanapawaya Hosanna! Dunpuei minra hungbi klei A heiri likarsui lhangai hoiniyasu! Yerrouwei Choudui Dunpuei minra Hosanna!”

MARK 11:9

Heirouri maibongra loulamkri heirou hillei heichanthung thimirap nammane ungraobi paokur, “Hosanna! Dunpuya choune mathanglei, Umpuei minra hungbi klei A heiri likarsui lhangai hoiniyasu!

LUKE 19:38

“Puei minra wachangbi klei Krung heiri likarsui hoiyasu! Heitoubi Thangmunra kying hoiyasu heirou Dunpuei thang'al chouni allaksu!”

JOHN 11:27

“Moi, Upawa, nangri tlaipangra yongpikur Dunpuei Chanapawa Messiahme touri Keine uklumlei,” toubi ane loumallangkur.

JOHN 12:13

Heingammei yane kangwoina deekloubi, yane Aya murilnanungei wathukbi, “Hosanna! Upawaei minra wachangbi klei Israel rapbei Krung heiri likarsui lhangai hoiyasu!” toubi yane loupaokur.

JOHN 16:14

Ane Keiya thang alyerrou, ngamri Ane Keiyei kyunya loulhakpirou heitoubi nanung yunpirou.

JOHN 4:21

Heirou Jesu'ne anung shun, “Napuinu nangne Keiya uklumlak, thimi rapne lhungdou arou nimanung Jerushalem'rakhi Dunpuya khrummaknei trum hungeirou.

JOHN 6:14

Heirou Jesuei touthutkur kngakei lhou heiya munarouri, bi heirou klei thimi rapne kyun, “Tanghakpane tlaipangpal arou yongrou kyou Thimkhuiri ariyalei!”

JOHN 7:31

Heiya thimi rapne Aya malungamnei yane kyun, “Messiahni hungeinungri napawa awaei touthutkur kngakei lhou rapya duine toumaneheirouko?”

HEBREWA 10:37

Kouweiyo toulanungri, Khyingei Lailikni yunlei, “Ngamri kheen lepcha leibi, heirou yongrou kyou Heiwane yongeirou; heitoubi kheen tlane leikhoumakrou.