LUKE 9:3 - KHYINGEI PU'TLOU Bible (BSI)

³ “Nane lamreinung toubi koukhatkhi urmakne chawalo; shungkrokkhi shinmak, kaokhi urmak, chaanung-mainungkhi urmak, tuykhi urmak, heitoubi nai linglikkhi khintam tlungne urmarthummak.

LUKE 9:3 Iomraidhean Croise

LAA LAILIK 37:3

Umpuya uklumlaklo heitoubi lhangai lhouya toulaklo, heiyanungri Aiyei pikur thleidou arou thrungbi nane kying pharou.

MARK 6:7

Jesu'ne Ruishik chiple khniya khumkartilbi yaya napung khni-khni malhetkur. Ane lhangaimak lhawaiya manenei mantrangya yanungei pikur,

LUKE 12:22

Heirouri Jesu'ne Aiyei ruishik rapnung asitoubi shunkur, “Ane ngam hoibine Keine nanung tanghakne yunpilei touri, nane ringnanung kouya chamaibi leiserouwo, nimanung nai upnungei phirulri kourei louserouwo toubine nai lhawai kanwangni khallahmak.

LUKE 12:28

Ramhangrei angtu leikhoubi ningari meiwaira khinglhakbi hongkur kya heengna-rona rapya mansampikur heiri Dunpu. Dunpune heengtrung-rotrung rapyakhi heinak lhangaine mansamkhoulari, Ane naya heirapyakhi duine mansambang-pimakrouko? O uklum-beimak thimirap!

LUKE 22:35

Heirouri Jesu'ne aiyei ruishik rapnung kngai, “Keine naya tuykaokhi, nimanung kaotangkhi nimanung khorkhangkhi yaomakne watyilbi malhetkur, heiya kheen heirouri nai kwatsamri kou klei?” “Heinangri koukhatkhi kwatsam makme,” toubi yane loumallangkur.

LUKE 3:11

Heirou ane loumallangkur, “Hukhatne linglik khintam khoulanungri, khatri tekhi mak thiminung pirou da, heitoubi hukhatne murchak chungne leiyanungri, ane mideinungkhi khaipirou da.”

LUKE 5:29

Heirouri Levini Jesu'ya unglouheibi aicheemra yama-krungrap markhulnarou, heirou yaihangra khul'ruithou thimi rapkhi heirou thimi deikhi chungwane loukyao.

LUKE 9:4

Heirou naya lourobi unglhakna cheem heirou wa'tlungeinung, nane khukarthil heirouwei shaalbongyenri, cheem heitamrou leikhouniyalo;

2 TIMOTHY 2:4

Raallui hoibi klei thimi hu khatnekhi aya raalluiyei lhoubom lhakpikur Pu heiwaya pilyerna'nungei lhoutou nimakneri, aitamei rongchanya lhangainanung'tom khalbi hu khatnekhi lhou toumaklei.