LUKE 7:7 - KHYINGEI PU'TLOU Bible (BSI)

⁷ Kouweiyo toulanungri, keihaknekhi wabine Neiya chrungknane murilyakhi kallonamaknei ngamrou keine keiyei upa rapya Neiyei leinara heihilkurme. Nangri wamakhi leiyasu, heinung tlimri Nangne chay tlouyatom sherthungpilak, heisi toulanungri keiyei shokpaei kna heiri rairoume.

LUKE 7:7 Iomraidhean Croise

LAA LAILIK 107:20

Umpuei chaytomne Ane yaya klah raiyerpikur; heirou khiya ram'rouwei Ane yaya kalthutpikur.

LAA LAILIK 33:9

Ngamri Ane tlou shamthutbi tlaipangpalya sheemthutkur; Aiyei chaytomne put namyerwa thukyerkur.

HOYOUNA 15:26

Heitoubi Ane kyun, “Nane ukning changni naiyei Dunpu, Umpuei kyunya ninglhakbi, heirou Aiyei mithrilnara tharmu chimmei lhouya toulanungri, heirou Aiyei chaylam rapya ninglhakbini, heirou Aiyei Pu'tlouwei lammit rapya namma baimakni ngaakbi chalwanungri, Keine Egyptbei thimi rapbei doura dayerkhou thrai kna heiri Keine naidoura khatchatomkhi dayerpimakrou; kouweiyo toulanungri, Keiri naya damyerpi Pu Umpume.”

MARK 1:27

Thimi nammane beimak ngakurbi yaitamne yunkril, “Awari kouwo? Ari rannei shunpi tlou nimako? A thimine lhangaimak lhawai rapbei doura mantrangei chaypi manilei, heitoubi yane Aiyei shunya chanthunglei.”

LUKE 4:36

Heirouri thimi rapne ngakurbi yaitam khatle-khat yunrilkur, “Aiyei yunthutkur tlourap heiri kounaksi tlouweiyo? Heirou Ane toumanele, heirou mantrangle kalhonne hyingmak lhawai rapya chaytloune shunnarouri, yane trukthutdurlei!”

LUKE 5:13

Heirouri Jesu'ne Aihut malamthutbi, aya thirpibi, Ane kyun, “Moi, Keine yapiwurla, heineri neiyei raichi paatkur heiri damlakasu!” Heisi tounarouri tallengne napawa heiyei raichi paat heiri damkur.

LUKE 7:6

Heisi tounarouri Jesu'ne yale kalhonbi pulne wakur. Heirou Jesu'ne aiyei cheemra wakarnakur heirouri, ane loushun, “Upawa, Neitam toulahmaklo, Nangne keiyei cheemra polhakri kallonamakme.

LUKE 7:8

Keikhi Raallui upa kounakei daakrei klei thimi khat, heirou keiyei daakrakhi raallui kounak chungne leilei. Keine ya napung khatnung ‘Heira chawalo’ toubi chay pilanungri, ane louchakur. Heitoubi keine ya napung khatnung ‘Ara hungalo’ toubi chay pilanungri ane hunglei! Heitoubi keine keiyei shok khatya ‘Lhou heiwaya yukpanglak’ toulanungri ane loupangkur.”

KHNUITLUNG CHAY 32:39

Asinungri, thilak, Kei touri Kei! Kei nimakni dei thrai hukhatkhi mak! Keine hi'kyer heirou Keine ringyer; Keine yemkyer, heirou Keine damkyer; heitoubi Keihutrei louthutkur maniri dei hukhatkhi mak!

1 SAMUEL 2:6

Umpune hiyerkurkhi manelei, heirou ringyerkurkhi manelei; heirou Ane khiya ramra yensundakhi manilei, heitoubi ringbaangyerkurkhi manelei.