LUKE 4:8 - KHYINGEI PU'TLOU Bible (BSI)

⁸ Jesu'ne loumallangkur, “Khyingei Pu'tloune asitoubi yunlei: Neiyei Umpu Dunpu'yatom nangne khrumlak, heirou Aiyei watlhouya toulak!”

LUKE 4:8 Iomraidhean Croise

2 KRUNGRAP 19:15

Heitoubi Hezekiah'ne Umpunung khrumbi shunchakur: “Cherubim sha tlakra Krungbom omnara Pu khoine ombine klei, O Umpu, Israellei Dunpu; Krungbom nammaei doura Pu hoibi klei Dunpuri Nangtomngeime. Nangne Thangwan-Shimleiya sheemkhou.

LAA LAILIK 83:18

Nangtomne Umpu toubi yanungei muyerpilaklo; Tlaipangpallei Yerrouwei Choudui Puhakme toubine yaya muyer- pilaklo.

ISAIAH 2:11

tangcha thimi rapri rikrai phawurbi nimsundayerouwa. Heitoubi heiyei tlainirouri Umpuyatom mathumbangrouwa.

MATTHEW 16:23

Heirouri Jesu'ne Peter'nung kalleklhakbine shunkur, “Keipongra leimaka, wathukkura, Satan. Nangri Keiyei lhoutouna lamra markholnalei, ngamri neiyei ukning heiri Dunpurei nimak, heiya tlaipang thimirei.”

MATTHEW 4:10

Heitounei Jesu'ne loumallangkur, “Keirouwei chutdura, Satan! Khyingei Lailikne asitoubi yunlei, ‘Naiyei Pu Dunpu’ 'yatom nane khrumbi watlhou toulak!”

LUKE 4:4

Heiya Jesu'ne loumallangkur, “Khyingei Lailikne asitoubi yunlei, ‘Thimine kouniroukhi mumtoltomni ringrou nimak.’ ”

LUKE 4:7

Heitoubi nangne arou keiya khrumlanungri, namyerwa heiya keine neinungei pirou.”

KHNUITLUNG CHAY 10:20

Nane UMPU naiyei Dunpuya malungshilak, heitoubi Aya watlhou toulak; heirou nani Aya chetni rkollak, heitoubi Aiyei minra tlou kantomlak.

KHNUITLUNG CHAY 6:13

Heitoubi nani UMPU naiyei Dunpuya chi-rikraile kalhonni Aya watlhou toulak, heitoubi nani Aiyei minra tlou kantomlak.

JAMES 4:7

Heiyanungri, nane Dunpunung pilhaklak. Heirou lhangaimak Satanya yapimak, heiyanungri ane nairouwei trukurou.

1 PETER 5:9

Naiyei uklum heiya chetne khoubi heirou satanya maneyermakna'nungei toulak, ngamri tlaipangpal karyouwei klei nai Christen paluirap nammanekhi heinaksi klah-knangya doubi kleime touri nanekhi kmu.

KANRETHUTPI 19:10

Heirouri keine aya khrumnanungei aiyei hopongra kanellhakna'rouri ani keinungei loushun, “Heisi tourimakhuilo! Ngamri keiri neiyei shik hoimalkna palui khatme, heirou neiyei teinao rapbei, touri Jesuni yanungei mutpikur chim tlou rapya shinbi klei thimi rapbei palui khatme. Dunpuya khrumlaklo!” Ngamri Jesuei mutpikur chim tlourap heiri thimkhui rapnungkhi shunmatupikur heirapri.

KANRETHUTPI 22:9

Heiya ane keinungei loushunkur, “Heihakya tourimakhui! Keikhi naiyei shok-palui khatme, heirou nai teinao thimkhui rapbei, heirou lailik aei rillei kyao tlou rapya hilthung thimirap namyerwaei paluime. Dunpuya khrumlaklo!”

1 SAMUEL 7:3

Heirouri Samuel'ne Israelrap namyerya atoubi kyun, “Kounakpi nani Umpunungei naiyei ukning-lhawai namma kyaoni hollhaklanungri, heirou naihangrei klei miramrei thrairap, heirou Ashtaroth thrailha rapyakhi louthutdurbini, naiyei ukningya Umpunungei kalleklhakbini Ayatom nani khrumlanungri, Ane nayari Philistia rapbei hutrouwei lhukthutpirou.”