LUKE 2:9 - KHYINGEI PU'TLOU Bible (BSI)

⁹ Heirouri Thangring khatne yanungei muyerbi, heirou yaidoura Dunpuei thang'alne yuk'alpikur. Heisi tounarouri yari beimakne chikur.

LUKE 2:9 Iomraidhean Croise

1 KRUNGRAP 8:11

Heisi tounarouri, rameine hubphopburnei ngamrou, Suipipu rapne Puwatlhou tounanungei mayungchangmakur; kouweiyo toulanungri, Pucheem rillari Umpuei thang'alne bil thimmura.

HOYOUNA 16:10

Heirouri Aaron'ne Israellei kulyomnungei asitoubi shunpiyei kheenrouri asitoubine thukkura, touri yani ramhangra thrilthiyei kheenrouri thilak, Umpuei thang'alni ramei doura yuk'albine muyerpikur.

HOYOUNA 16:7

Heitoubi ningshunyei kheenrou Umpuei thang'alya mupharou, kouweiyo toulanungri, nani Anungei karhani kansopikur heiwari Ane loumayekurla; heirou kawo touri koukhi nimakme, kanungei kansopibi koutounarouwo?”

ISAIAH 35:2

Heirouri klui naimakni marthumni(karyouni) katparbine hakrao-nungkngaini ungraochabi laa sharouwa. Heirou Lebanon'yei thang'alri anungei yukpirouwa, heirou Carmel Lhungdouwei heirou Sharon Phaikarei thang-lhangai heiwari anungei hoirouwa. Heirouri Umpuei thang-lhangai heirou Dunpuei mane-mantrangei thang'al heiwari yani mupharouwa.

ISAIAH 40:5

Heirouri Umpuei thang'alya kandangni mutyerouwa; heitoubi tlaipang sharungrap nammani thang'al heiwaya pulni mupharouwa. Kouweiyo toulanungri Umpuei murhakni tloubom heiwaya shunthutdurkhoula.”

ISAIAH 60:1

Kanthouwalo heitoubi warlaklo; Umpuei thang'alri neidoura yuk-alpiwurlame.

EZEKIEL 3:23

Heisi tounarouri keine kanthouwurbi phaikara wathukkur, heirouri thilak, Umpuei thang'al heiwari bi heitamrou keine Chebar Kungruira mulhakkur thang'al naksi albi louklei; heirouri keiyei mairung thleira sikhuplhakkur.

MATTHEW 1:20

Heiya ani heisi ningchabi leiyeinang, thilak, Dunpuei Thangring khatne aiyei rmongra loumuyerbine asitoubi loushunkur, “David'yei chanapawa Joseph, Marya neiyei nunungei klouri chimaklo, ngamri, aiyei urbi klei nao heiri Lhawai Khyingei nao;

LUKE 1:28

Thangring heine yongbi anungei shun, “Napuiya rapbei hangra likarsui lhangaiwi, Neiyei malungdam hoiyalo! Dunpune neiya kalhonpilei, heitoubi neiya kringpilaksu!”

LUKE 2:8

Heirouri yulthung heiyei mnak khatra, bi khatrou yaosil thimi rapne ramhangra masanung yaiyei yao rapya chakngakbi louklei.

LUKE 24:4

Heirou yane kngakni mayungbi leiyeinung, lepcharou loumuthungmakne napawa napung-khnine kar'alkur shambni kanshambine yaipongra mayungbi heiklei.

JOHN 12:41

Isaiah'ne heisitoubi yunthutkhou ngamri, ane Jesuei thang'alya muwurkhounei ngamroukhi heitoubi Aingamroukhi yunthutkhoume.

PAOCHA 12:7

Tallengne Dunpuei Thangring khatne shumtrumra mayungbi, heirou kulrilla kwaar khatne alyerkur. Thangring heine Peterya lhabangra umbine heifyoukur, heirou atoubi shun, “Khrangni kanthouwa!” Heirouri tallengne Peterrei hutrumrei thirrui msuiphopbi klei heiwari lupsundakur.

PAOCHA 27:23

Kouweiyo toulanungri keiyei Pu hoibi klei heirou keine khrumbi klei Dunpuei Thangring khatne masanung keinungei yongbi,

PAOCHA 5:19

Heiya heineyei masanungri Dunpuei Thangringne kullei cheemkhar rapya latpiwurbi, paocha thimi rapya pura ruithutpikur, heitoubi yanungei shun,

2 CORINTHIA 3:18

Heirou ka nammakhi mairungrei lukhumreiya laatdurbi, Puwei thang'alya thibine leilei; heitounei kakhi thang'al khat'rouweini thang'al khatra hollhakurbi aiyei shakrung'nakrim hoiyura; kouweiyo toulanungri, awari Lhawai khoiyei klei Purei kaya hoiyerwurla.

2 CORINTHIA 4:6

Dunpune, “Mehna'rouwei kwaarne alleirouhui” toubi yunthutkhou Dunpu A'hakne kaya Christaei mairungrei albi klei thang'allei ngamrou ruilhakpina'nungei toubi kaiyei ukningra aiyei kwaarya yenlhakpiwurla.

1 TIMOTHY 3:16

Dunpuei kning muei klei tlou heiwaya shunthutpinarou thimi hukhatnekhi yamakri manemaklei. Upawane sharung khoine muyerwurla, Aya Lhawaini chim thimi khat khoine mutdurla, heitoubi Thangring rapne Aya muwurla. Upawaya tlaipang lim kounakei maibongra shunthutdurla, Tlaipangpal karyouni Aya uklumwurla, heitoubi Aya Thangmun'ranung loubaangpiwurla.

HEBREWA 12:21

Heitoubi bi heiri Moses'ne “Keiri chiwurbi kalthi kanchunkur!” toubi kyun naksine beimakne chi'knayei bi khatkhi khoi.

KANRETHUTPI 18:1

Heihillou Thangring khatne Thangmunrei yongchumya keine loukmu. Thangring heiri beimakne mantrang klei heirou Aiyei thang'al heine tlaipangpal namyerya alkyer.

KANRETHUTPI 20:11

Heirouri tangkur khngou Krungbom khatle heiyei doura ombi klei Pu heiyakhi keine muwurla. Heitoubi Tlaipangpal heirou Thangmunram khintamne Airouwei trukurbine yaya hanui kallengne muphamakura.