LUKE 2:7 - KHYINGEI PU'TLOU Bible (BSI)

⁷ Heirouri ane aiyei chanapawa shamran pukurla, heitoubi yundarni lhomphopbi, halchaak lhakna theengkungra phneibi khouwurla, ngamri bi heirou yane tlungnanungei cheem khatchatomkhi dingmakura.

LUKE 2:7 Iomraidhean Croise

KANTHOUNA 42:27

Heirouri yaihangrei khatpani yai hungchakna cheemra gadha namh pishainungei marshiknarouri, aiyei chaman tuy heiri aiyei cha-phitungka phonphopna murra loukyao karthangkur.

KANTHOUNA 43:21

Heiya asitoubine thukkura, kani lamrakra yarekyeinang, kaiyei cha'phitungka rapya shutbi thiyeinungri, thilak, ka thimi napung kantangei tuykao heiri ai'aiyei cha'phitungka rilla, tuy mshingkhi khatchatomkhi rilmakni loukyao. Heirou tuyrap heiri kani tekchakhi toubaimakni kaihutni hanui yukthuleime.

LAA LAILIK 22:6

Heiya keiri thimirung nimaknakura, khlungnakura; thimi napung-kantangne keiyari machinwura heirou tamkhi tamlhakurla!

HOYOUNA 4:24

Heirou asinungri asitoubi hungthukkura, touri Egypt'ranung hungna lam bi'khatra yarekyeinung Umpune aya loumurilbi heirou Umpune aya hatnungei raphakur.

ISAIAH 7:14

Ngam heineri Pu Dupu Aimsha'hakni neinungei hutlha khat yukpirou. Louthilak, khying nangaka khatni nao urbi heirou ani chanapawa khat pukrou, heitoubi ani Aiyei min ‘Immanu-el’ toubi thulpirou.

MATTHEW 1:25

Heiyanungkhi ane aiyei nu heine nao pukbongyen rkhum tilkhoumak. Heirou Joseph'ne aiyei min heiri Jesu toubi thulpikur.

MATTHEW 13:55

A heiri heengchur napawaei chanapawa nimako? Heitoubi James, Joseph, Simon heirou Judas yarapri aiyei teinaorap nimako?

MATTHEW 8:20

Heirou Jesu'ne anung loushunkur, “Yekshang rapbeikhi yai chaknanungei thleikhur klei, heitoubi ramrei waacha rapbeikhi yai chaknanungei rabu klei, heiya Thimiyei Chanapawaeiri Aiyei lu khangbi karngananungei bi khatkhi maklei.”

LUKE 10:34

Heirou ane napawa heiyei leinara wachangbi, napawa heiya watlhou toupiwurbine, aiyei sharungrei yemwurbi nawurna bi namyerrei doura shirek teiphangpibi, heirou phitumni lhompikur, heitoubi ane napawa heiya aiyei tungna sapuk doura khangbaangbi heirou ane thimi tlungna cheem khatra urlhakpibi aya kna thiyerpikur.

LUKE 2:6

Heirouri yane Bethlehem'ra wa'tlungeinung Mary'ri nao puknei trum hungtlungura.

LUKE 2:8

Heirouri yulthung heiyei mnak khatra, bi khatrou yaosil thimi rapne ramhangra masanung yaiyei yao rapya chakngakbi louklei.

JOHN 1:14

Heitoubi Tloulhang heiwari tlaipang sharung khoine pukbine, kringknale, chimne bilthimni, kaihangra thrungkhoula. Heitoubi Ane Pawa'rouwei phakur, Aiyei khatchatom khoi Chanapawa khat khoine Aiyei thang'al heiwaya kane muphawurla.

2 CORINTHIA 8:9

Kaiyei Pu Jesu Christaei kringpikhei heiri nanekhi mulei; Ane heinakbil dunya hoiyanungkhi, nanungei'tlim Ari kanring thimi khat hoiyura, Aiyei kanringkur heine naya dun thimirap hoiyernanungei toume.

GALATIA 4:4

Heiya hillouri kheen heini hungtlungurnarou, Dunpune Aiyei Chanapawa'hakya yenmalhetpikur. Ane tlaipang thimirung khoine, napuiya khatpini pukbine, Jehudiyei Tloulam daakra yongpikur.