LUKE 2:4 - KHYINGEI PU'TLOU Bible (BSI)

⁴ Heirouri Joseph'khi Galilee ramra klei Nazareth yultlai heirouweine, Judea rammei Krung David'ya pukkhouna bi Bethlehem yulranung shaalkur. Joseph'ne bi heirou shaallurnei ngamri, akhi David'yei yu-cha khoi.

LUKE 2:4 Iomraidhean Croise

KANTHOUNA 35:19

Asitoubine Rachel hiwurbi, heirou aya Ephrath (touri, Bethlehem) wana lhangei lampalla phumkur.

KANTHOUNA 48:7

Heitoubi keiyeiri, keine Padan'rouwei hoyoubi chayeinang, Canaan rammei Ephrath bi wa'tlungbong'chekrou, keiyei lhawai lah'knaei shakrung khoini lamrakra Rachel hilhakurbi, heirou keine aya Ephrathyei lamruira phumwurkhou; (bi heiwari Bethlehemya mu'kna).”

MICAH 5:2

Heiya, O Ephrathah'yei Bethlehem, nangriyo, Judah'yei yultlai'rap lishing kounakei hangra nangri mandicha khat hoiyanungkhi, neirouwei Keinung'tlim Pu khat pukkeirou; heitoubi Ane Israellei Krung hoirou, Aiyei yenwaiyouna shullamri bongei youbine klui naimakna chaanlamrei yenkyou.

MATTHEW 1:20

Heiya ani heisi ningchabi leiyeinang, thilak, Dunpuei Thangring khatne aiyei rmongra loumuyerbine asitoubi loushunkur, “David'yei chanapawa Joseph, Marya neiyei nunungei klouri chimaklo, ngamri, aiyei urbi klei nao heiri Lhawai Khyingei nao;

MATTHEW 2:23

heitoubi ani ram heirou Nazareth yulthungra cheem khat sabaangbi leikur. Asitoubine Thimkhui rapbei, “A heiri Nazarethrei thimime toubine ungrou,” toubi shunthutkhou tlourap heiri hungchimkur.

LUKE 2:3

Heitounei ngamrou thimi napung kantangne ai'aiyei yultlaira kallengbine thimi mshing shernanungei min mayebaangnara yaokur.

LUKE 2:5

Heirouri aiyei ngaimankhou Mary'le kalhonne thimi mshing shernara yaiyei minkhi mayebaangna'nungei shaalkur. Kheen heirouri Mary nao urbi klei.

LUKE 4:16

Heirouri Jesu'ne Aya yuktangna ram Nazareth'ra kallengkur. Heirou Mathrilna tlainirou Aiyei youkna khoine Pukhrumna Cheemra polhakur. Heirou Ane Khyingei Tlou rapya sherthutnanungei mayungnarou,

JOHN 1:46

“Nazareth'rei heinaksi lhangaiya thukrouri leileiko?” toubi Nathanael'ne loukngai. “Wabine thilak,” toubi Philipne loumallang.

JOHN 7:42

Khyingei Lailikra atoubi yunkhoulei, “Messiah heiri Krung Davidyei shullamrei hungthukrou, heitoubi Davidni thrungkhouna Bethlehem khukarthilla pukrou.”

RUTH 1:19

Heisitoubi yakhuntane Bethlehem'ra hungtlungbongyen hungkur. Heirou yane Bethlehem'ra hungtlungkur heirouri, yai ngaimrou khukarthil heiyei thimirap nammanungri kngakni thimkur; heirouri napuiya rapni loukyun, “Heiwiri Naomi nimako?”

RUTH 2:4

Kheen heirouri thilak, Boaz'ne Bethlehem'rei wabine, cha-aat thimi rapnung washunkur, “Umpune naya kalhonpilaksu.” Heirouri yane anungei loushun, “Umpune neiya phor pilaksu.”

RUTH 4:11

Heirouri khulbung kartilna bi yuntlangmai heirou kartilkur thimirap nammale yama uparap nammane kyun, “Kane tloumayung hoiyurame. Neiyei cheemra wachangkur napuiya heiwiya, Umpune Rachel'le Leah'ya Israellei cheemkhur sheembaangyerkur heinaksine, ayakhi phor pilaksu; heitoubi Ephrathah'ra dun thimi khat khoine, heirou Bethlehem'ra mincha thimi khat hoiniyasu.

RUTH 4:17

Heirou cheemlhunyei napuiya rapne aiyei min thulbaangpibi kyun, “Naomi'nungei chanapawa khat pukpiwurla!” Heisitoubi yane aiyei min ‘Obed’ toubine thulbi ungkur. A heiwari David'ya pukkhou Jesse'yei pa.

1 SAMUEL 16:1

Heirouri Umpune Samuel'ya shun, “Saulne Israel rapbei doura Krung hoinarei Keine yapimakni horthutkurya nangni murerikhi, nangni anungei'tlim kounak tlani lhawai klahni kanrilbi leihuirou touneiyo? Neiyei halchee shirek kokra Olive shirek thacha shunglhakloubini chalaka; Keine neiya Bethlehem'ra Jesse'yei leinara yunanungei watyilkurame; ngamri Keine aiyei chanapawa rapbei hangrei napung khatya Keiyei krung hoinanungei khalthutdurla.”

1 SAMUEL 16:4

Heisitoubi Samuel'ne Umpuei shunmatupikur hilthungni lhou toubine, heitoubi ani Bethlehem'ra yukur. Heirouri khukarthil heirou louklei yama upa rapni aiyei kyu heiwaya loumuwurbi, chi-kanchunle kalhonni aiyei leinara aya murillou wachangkur, heitoubi yani anungei wakngai, “Neiyei kyu heiwaya malung damnanungei hoiko?”

1 SAMUEL 17:12

Kheen heirou Judah'yei Bethlehem'ra klei Ephrathia cheemkhurrei Jesse toubi ung napawa khatdei chanapawa napungchot leikhou, yaihangrei David toubi ung cha dongwa khat klei. (Heirou Saul'ne Krung khoini thrungei kheenrouri Jesse'ri beimak tarwura.)

1 SAMUEL 17:58

Heirouri Saul'ne anungei loukngai, “Kartlang douwa, nangya huei chawo?” Heirouri David'ne loumallang, “Keiri, Bethlehem'rei klei neiyei shok Jesse'yei chanapawame.”

1 SAMUEL 20:6

Heirou kounakpi nai pawani keiya beimak kanrilni karngeibi ngaiphalanungri, nangni anungei asitoubi shunpilaka, ‘David'ne keinungei kalthi shunchabi, aiyei khukarthil Bethlehem'ra shaallura; ngamri kheen ahakrou aiyei bommai nammani bi heirou kum khatdei khoini Umpunungei malanput makatnungei lhou kleime toubine shunkhou.’