LUKE 10:2 - KHYINGEI PU'TLOU Bible (BSI)

² Heirou Ane yanung shunmatupikur, “Luknungei trunwairi beimakne chunglei, heiya lukpirou thimiri chungmaklei. Heine nane loupunung shunchalak, heirou Ani trun heiya luknanungei lhouchur thimirap yenyilpirou.

LUKE 10:2 Iomraidhean Croise

1 KRUNGRAP 18:22

Heirouri Elijah'ne thimi rapnung shun, “Umpuei thimkhuiri keitam'tomngeiyalei; heiya Baal thraiyei thimkhui rapri napung macha phali'le somnga tlunglei.

LAA LAILIK 68:11

Umpune chay piwurnarouri thimi rapne lhangaiyei paolaa shunthutpikur.

JEREMIAH 3:15

Heirouri Keine nanungei malungamkna yaosilpi pu rapya yenpirou; heitoubi yani naya phab dapile kalhonni roushing'kheini ruipirou.

ZECHARIAH 11:17

Heirou yaorul rapya horkhouwurbi trukkur karshukmak yaosilpu heinungeiri kounakei lah'kna shakrung hoikurrawo! Heinaksi yaosilpu heiyei doura, heirou aiyei thyarei mitlungra raalshon'ne klah dayerlakasu; heisitoubi aiyei hutbang mringsundalaksu, heirou aiyei mitlungkhi deolakasu.”

ZECHARIAH 11:5

yaorul pu rapne yaya hatlanungkhi koukhi lhawai lapimaklei; yaya kyor thimi rapne atoubi yunlei, ‘Umpuya mathanglei, heirou yaiyei yaosilpu rapne yaidoura koukhi kringpikhei makkuranungkhi keiri laldun hoiyurame.’

MSHING KANSHER 11:17

Heirouri Keine yongchumbi bi heitamrou nangkou tlou kallangrillou; heitoubi Keine neidourei klei Lhawaiyei mantrang tha louthutdurbini yanungei lhakpirou; heiyanungri nangkou kalhonni yani thimi rapbei putkhritya urtrungpirou, neitamtomni urmakarou.

MSHING KANSHER 11:29

Heiya Moses'ne anungei loushunkur: “Keinung'tlim lhou toupikurya horthikurako nangya? UMPUei thimirap nammani Pu'tlou shunthut thimi louhoiyanungri, UMPUne yaidoura Aiyei Lhawaiya yuklhakpimakrouko!”

MATTHEW 20:1

“Thangmunyei Krungramri anaksilei. Bongnung napawa napung khatne aiyei darkha yekulra lhou churyernanung thimi tha shunpharou wathukkur.

MARK 13:34

Thimi khatne aiyei cheem horkhoubi ramdeira chawurbi aiyei watlhou shilla rapnung yaiyai churnung lhou pikhoubi, heitoubi cheem kngaak thimiyakhi kanthrammalo toubi shunkhou heinakrimlei.

MARK 16:15

Heirou Ane yanung shun, “Tlaipangpal bi kantang chabine lhangai paolaa heiya thimi kantangnung shunpilak.

MARK 16:20

Heirou Ruishik rapne bi kantang chawurbi lhangai paolaa shunpikur, heirou Dunpune yakou kalhonne lhou toukur, heirou yai tlou'myer heiri chimleime toubi yaiyei kngak lhou toukur namyerwa heine kandangne muyerkur.

LUKE 9:1

Heitoubi Jesu'ne Aiyei ruishikrap napung chiple-khniya ungmarkumbine, heirou Ane yanung lhangaimak lhawaiya hulthutnanungei heirou kna limlimyakhi raiyernanungei mantrangya pikur.

PAOCHA 11:19

Stephen'ya hatdei kaallei marhotnarei trukchekkur uklum thimirap thane, Jehudia rapnungtom lhangai paolaa shunthutmalom, Phoenisia, Syprus, heirou Antioch'rakhi chakur.

PAOCHA 13:2

Yane chamainung murchak ngeibine heirou Puya watlhou toubine khrumbi leiyeinung, Lhawai Khyingne yanungei loushunpi, “Keine yaya churyerkni lhouya churnanungei Barnabas'le Saul yakhuntaya hilthutpilaklo.”

PAOCHA 13:4

Heisitoubi Lhawai Khyingne malhetpibi, Barnabas'le Saul yakhune Seleucia lhangra chawurbine heitoubi bi heirouweine malikhat tunglouheibi Cyprus'yei ramra wa'tlungkur.

PAOCHA 20:28

Heirou naimsha-naitamni naya thikulpina'nungei Lhawai Khyingne kalhonpibi klei thimi raprei tlatrilmakne leiyalo. Dunpune Aiyei Chanapawaei lhawai makatbi hipiwurnei ngamrou phunbaangurkhou Churchyei Yaosilpu khoine thikulpibi leiniya!

PAOCHA 22:21

Puni keinung loushun, ‘Chalaka, ngamri tlatnarei klei Gentile rapbei bomra chananungei Keine neiya malhetpirou!’ ”

PAOCHA 8:4

Trukchekkur uklum thimi rapne yai yenchaheina bi kantangrou lhangai paolaaya yenshunthutpikur.

1 CORINTHIA 12:28

Church'rakhi Dunpune thimi namyerwaya ai'aiyei bombomra khoupiwurla: lamkriyei bomrane Paocha thimirap khoine khoupiwurla, heirou khintamtlung bomrani Thimkhui rapya khoupiwurla, heitoubi khyumtam tlung bomrani Marnopi thimi rapya khoupiwurla; heiyanungri mideine touchangmak kngakei lhouya touthutpikur thimi rapbei hillani kna raiyernanungei, nimanung yaya marnopina'nungei, nimanung mideine yunchangmak tlouya yunthutna'nungei hoiyerwurla.

1 CORINTHIA 15:10

Heiya angtu keiyei hoibi klei awari Dunpuei kringpinei ngamne hoibi klei, heitoubi keinungei Aiyei kringpikur heiri tekkhi leemni dongmaklei. Khatra yunneise toulanungri, keiri ruishikrap nammaya duine lhou kalni churbi leilei, awari keitam'tomni churbi klei nimak, heiya keinungei klei Dunpuei kringpi kheiyei ngamne lhou churbi klei.

2 CORINTHIA 6:1

Heiyanungri, kane Dunpukou lhou churmalnabi, nanungei buchalei touri nane Dunpuei kringpiya phaloueibi leemni toumaangurmak.

PHILIPPIA 2:21

Heitoubi deideiri Jesu Christaei ngamrou nimakne, ai'aiyei karsuknanungtom ningchabi lhoutou thimithil.

PHILIPPIA 2:25

Keine nanung'tlim lhou touyeinung pao-ur thimi khat khoine keiya trungpikhou, heirou klah-knang doubi lhou toumalnakhou, heitoubi kardoumalkna keipalui-raallui heirou keiteinao Epaphroditus'khi naileinara heiyilleise toubine ningchakhou.

PHILIPPIA 2:30

ngamri ane Christaei lhou tounarou, nane keiya trungpi manemakna lhou rapya ane churtrungnarou, aiyei chaanya hormaangkur kyane keiya trungpikur.

COLOSSIA 1:29

Lhou heiwaya keine luilhakna'nungei toubi, Christa'ne keinungei pikur mantrang heiwaya yrengbine keiyei hut-ho sirei kheikhi kyaoni keine lhou churbi leilei.

COLOSSIA 4:12

Heitoubi naihangrei napawa napung-khat, heirou Christa Jesuei shik, Epaphras'nekhi nanungei karyemthunglei. Anekhi naya Christen'yei lhoura krakni mayungbi Dunpuei kningya hilthungbi rongtlungni klei manenanungei kheenserou Dunpunung buchabine leilei.

1 THESSALONIA 2:9

Kaiyei teinaorap, koutoubi kane lhouchurbi leikhouwo touri tanghakni nane kmu. Kane nanungei Dunpurei Lhangaiyei Pao-laaya shunthutpi'yeinung na huyakhi lahyermaknungei toubine masa-nunghang naimakni lhou churbine leikhou.

1 THESSALONIA 5:12

Kaiyei teinaorap, naihangra lhou churbi klei thimi rapya, heirou Christen'yei lamra naya shunmatubi lam ruipibi klei thimi rapya nane chouni rikrai khrumpinanungei buchalei.

2 THESSALONIA 3:1

Luilhakna khoine bucha'kniri, kaiyei teinaorap, kanung'tlim shunchapilak, heiyanungri kane naihangrei toukurnakni, Puwei Pao-laaya kane karhol-karhol shunthutbi thimi rapne heiwaya rikrai-chile kalhonne loulhakrou.

1 TIMOTHY 4:10

Kouweiyo toulanungri, angtu ramphane kane klah-knang doubi lhou kalni churbi leilei, ngamri kaiyei malungam ari thimi namyerwayei touri lilkhoine uklum thimi rapbei Kalpipu hoibi klei khring Dunpura khoulei.

2 TIMOTHY 4:5

Heiya lhou kantangrou neiyei ukning manphopbi klah-knang kounakya kanthrambi, Lhangai Pao-laa shunthutnei lhouya toubine Dunpuei shik khat hoinei watlhou namma luilhaknanungei toulak.

PHILEMON 1:1

Christa Jesu'nungtlim kul chalphopbi klei Paul keile, heirou kai teinaowa Timothy'rei chethi aya mayebi- Kai palui, heirou lhou churmalnabi klei Philemon'nungle,

HEBREWA 3:6

Heiya Christane Chanapawa khat khoine Dunpuei Cheemra malungamkna khat hoikhou. Heirou kane kaiyei uklum, heirou malungam heiya chetne ningchabi mayunga'nungri, kari Aiyei cheemrap.

KANRETHUTPI 2:1

“Ephesus Churchrei Thangring'nung mayepilei. “Ari aiyei thya lhangrei hutra sorwa enitam shinbine, heirou sinayei meishar dunna meitharl enitamei tlakra karwaichabi klei Pu airouwei lhangaiyei paolaa.