JOSHUA 9:9 - KHYINGEI PU'TLOU Bible (BSI)

⁹ Heirou yani anungei loumallangkur: “Neiyei shokrap kari ram tlatnara leibi, naiyei Dunpu, Umpuei minya mayekbi kwame; kouweiyo toulanungri, Ane Egyptra touwurkhou lhourap nammaei paoya kani mayekurla.

JOSHUA 9:9 Iomraidhean Croise

1 KRUNGRAP 8:41

“Heirou Neiyei thimi Israel rapthil nimakne lim deirei thimi khatnekhi Neiyei min'nung'tlim wabine;

NEHEMIAH 9:5

Heitoubi Levia raprei Jeshua, Kadmi-el, Bani, Hashabneiah, Sherebiah, Hodiah, Shebaniah, heirou Pethahiah ya rapne kyun, “Kanthouwalo, heitoubi Umpu naiyei Dunpuya klui naimakei klui naimakne phor pilaksu! O Neiyei thang'allei minya phor pilaksu; heirou namyerrei doura phorle kalhonne mathanglaksu!”

LAA LAILIK 148:13

Ya namma pulni Umpuei minya mathanglaksu. Ngamri Aiyei minri Yerrouwei Tangduilei; heirou Aiyei thang'alri tlaipangeikhi heirou Thangwan rammeikhi namyerei doura klei.

LAA LAILIK 72:19

Aiyei thang'allei minya klui naimakne mathanglakase! Heirou Aiyei toumaneyei thang'alne tlaipangpal karyoune alkur hoilakasu. Amen! Amen!

LAA LAILIK 78:12

Yaiyei nutar-patar rapne Egyptra leiyei kaalnung, Zoan phaikarrou yai maibongra kngakei toumane lhourap kounakya mutpi- wurkhou.

LAA LAILIK 83:18

Nangtomne Umpu toubi yanungei muyerpilaklo; Tlaipangpallei Yerrouwei Choudui Puhakme toubine yaya muyer- pilaklo.

HOYOUNA 15:14

Limdei rapni heiwaya mayekbi chiwura; heiwani Philistiarei thimi rapya beimakni lhawai lahyerwurla.

HOYOUNA 9:16

Heisiya hoiyanungkhi, nai maibongra Keiyei toumaniya mutnanungei toubine, heirou naingamrou Keiyei minya tlaipangpal karyouni chainanungei tounei ngammei Keine neiyari asilumpha ringyerbini khoupilei.

ISAIAH 55:5

Thilak, naiyei Dunpu, Umpuei ngamni, nani shak mumak lim khatya nani unglhakeirou, heitoubi naya shak mumak lim khatni naileinara heitrukbi wachangeirou. Ngamri naiyei Dunpu, Israellei Khying Umpune naya thang'al hoiyerwurla.”

ISAIAH 66:19

Heitoubi Keine yaihangra mu'kna hutlha khat mutpirou; heitoubi yaihangrei himalei thimirap thaya lim rapnungei malhetlhakrou. Heitoubi yarap heini Tarshish'ra, Put, Lud, Tubal, Greece heirou samadrurui tlatna ramrakhi heimalhetrou; heitoubi yani Keiyei touthutkur lhou rapya tekkhi mayekthimak thimirapnung, heirou Keiyei thang'alya tekkhi muthimak thimi rapnungei warou. Heisitoubi kalpikur thimi rapne lim rapnungei Keiyei thang'allei ngamrou shunthutbi paothutpirou.

MSHING KANSHER 14:15

Kounakpi Nangni asinungri heinak thimi rapya thimi napung'khatya hatkurnaksini hatdurlanungri, Neiyei toumani minya mayekkur lim rapni asitoubi yuncharillouwa.

MSHING KANSHER 20:14

Moses'ne Kadesh'rouwei thimi heimalhetbini Edomei Krungnungei pao shunyerkur; “Neiyei teinao Israelni atoubi shunthunglei, ‘Kaidoura dakur klah'knang nammaei ngamrou nangnikhi kmu heiwariya;

PAOCHA 8:7

Heitoubi lhangaimak lhawaikhi chungwane thimi raprouwei ungraobi trukthutkur, heitoubi mnaak paangkhat khi'thimi rapkhi heirou hodeek thimi rapkhi chungwane kna raikur.

KHNUITLUNG CHAY 20:11

Heirouri kounakpi yani naiyei kyunya yapibi, heitoubi nakou kyingni yakantlangbi leimalnanungei toulanungri, yaya loulhakbini naiyei kulchalna daakra khoubini, heitoubi nanungei watlhou churnayerrou da.

KHNUITLUNG CHAY 20:15

Heisitoubi nani naknarei khukarthilya raal dabini loulhakur heinakrimni, tlatnarei maibongra louklei khukarthil dei raprakhi raal dabini lukloulak, heitoubi heiyei lammit hilthungni lhou toulak.

JOSHUA 9:10

Heitoubi Ane Jordan kung ralbi klei Amoria rapbei Krung rapnungei, touri Heshbonyei Krung Sihon'nungei, heirou Ashtaroth'ra klei Bashan'yei Krung Og'nungei toupiwurkhou lhourap nammakhi kani mayekurla.

JOSHUA 9:16

Heirouri yani Gibeonia raple yarilbini tlou kantomrilkur hillei tlaini khyumni tlungkur heirouri, thimirap heiri yaipongra knakni paalbi klei cheemlhun rapme touri Israel rapni mayekkurla.

JOSHUA 9:17

Heirouri Israellei thimi rapni lamtla chawurbi khyumni tlung tlainirou Gibeonia rapbei khukarthil rapra, touri Gibeon, Chephirah, Be-eroth, heirou Kiriath-Jearim'ra wa'tlungkur.

JOSHUA 9:24

Heisi tounarouri yani loumallangbi Joshua'nung shun: “Kane nai maibongra mandalwurla, ngamri naiyei Dunpu, Umpune Aiyei shikrui Moses'nung chay piwurkhoubi, ram awaya namma nanungei pilhakurbi, heiyei rilla paalbi klei thimirap nammaya naimaibongra hatlakalo toubi kyun heiwaya kani mayekurla. Heitounei ngamrou kani nayari beimakni chitekkurbi, hinimaknei ngamrou, kani heinaksi yunbi mandalkurme.