JOSHUA 9:10 - KHYINGEI PU'TLOU Bible (BSI)

¹⁰ Heitoubi Ane Jordan kung ralbi klei Amoria rapbei Krung rapnungei, touri Heshbonyei Krung Sihon'nungei, heirou Ashtaroth'ra klei Bashan'yei Krung Og'nungei toupiwurkhou lhourap nammakhi kani mayekurla.

JOSHUA 9:10 Iomraidhean Croise

KANTHOUNA 14:5

Heirou kum chiple phali tlungkur heirouri Ched-or-laomer'ne akou yakantlangbi hut dangrilbi klei Krung raple malnabi raal dakur; heitoubi yani Rephaimya Ashteroth-Karnaimra, heirou Zuzim rapya Hamra, heirou Emimya Shaveh-kiriathaimra;

1 CHAANLAM 6:71

Gershomei chanao rapnungei Manasseh cheemkhur lhang'khatrei khaithutbi piwurkhou khukarthil rapri: Bashan ramrei Golan'le, heiyei halsilna ramhang'le, heirou Ashtaroth'le, heiyei halsilna ramhangkhi kyaone piwurkhou.

MSHING KANSHER 20:14

Moses'ne Kadesh'rouwei thimi heimalhetbini Edomei Krungnungei pao shunyerkur; “Neiyei teinao Israelni atoubi shunthunglei, ‘Kaidoura dakur klah'knang nammaei ngamrou nangnikhi kmu heiwariya;

KHNUITLUNG CHAY 1:4

Awari ani Heshbon'ra paalkhou Amoria'yei Krung Sihon'ya, heirou Adre-i'ra paalbi louklei Bashanyei Krung Og'ya raal manikur hillei thukwurkhou lhourap.

KHNUITLUNG CHAY 2:30

Heiya Heshbonyei Krung Sihon'neri kaya aiyei ramra heiralyermakkur; kouweiyo toulanungri, UMPU naiyei Dunpune Sihon'yei ukning kalyerkur, heitoubi aiyei solungra tangchayerkur; heitounei ngamrou ayari angtu UMPUne naihutra dayerkur heiriya.

JOSHUA 12:4

Heitoubi Ephraim cheemkhurrei himaleina hangrei thimi napung'khat, Bashan'yei Krung Og'neri Ashtaroth'le heirou Edrei'ra Krungkul sheembini paalkhou. Aiyei Krungram ri karchunnari,

JOSHUA 13:31

heirou Gilead ram lhang'khatkhi, heirou Bashan'yei krung Og'ne paalkhouna khukarthilrap Ashtaroth'le Edrei'khi kyaoni koolphopkur. Ram namma heiwari Manasseh'yei chanapawa Makir'nungei aiyei cheemkhur bommai mshing hilthungni yerkhaipikur.

JOSHUA 2:10

Ngamri nani Egyptrei heishalthutyei kheenrou koutoubi Umpune nai maibongra Mrao Samadruya yui heepyerkurro toukhi kani mayekkurla; heirou Jordan kung heiralbi klei Amoria'yei Krung napung'khni, Sihon'le, Og yarukhniyakhi koutoubi nani hatdurbi toumangkurro tounei paokhi kani mayekkurla.

JOSHUA 2:9

heitoubi yasiya kashun: “Ram awari Umpune nanungei piwurlame touri keine muwurla; heitoubi naiyei ngamrou chirilkur heiwari kaidoura dawura, heineri ram arou paalbi klei thimirap nammari nai maibongra chitekkurbi kanchunwurchiya.

JOSHUA 9:11

Heitounei ngamrou kaiyei tara-tartrui rapni heirou kaiyei ramra paalbi klei thimirap nammanikhi kanungei shunbi: Nane lamrakra chamainungei chak-an heirou putchei marshikloubini, heitoubi naya wamurilbi, ‘Kari naiyei shok rapme, heineri kanungei tlou kantom khat khoupilaklo’ toubine washunchalaklo toubi kaya watyilkur.

JOSHUA 9:9

Heirou yani anungei loumallangkur: “Neiyei shokrap kari ram tlatnara leibi, naiyei Dunpu, Umpuei minya mayekbi kwame; kouweiyo toulanungri, Ane Egyptra touwurkhou lhourap nammaei paoya kani mayekurla.