JOSHUA 8:2 - KHYINGEI PU'TLOU Bible (BSI)

² Heitoubi nangni Jericho'le, heiyei Krungnungei toupikur heinaksini Ai khukarthilyale heiyei Krungyakhi heisibil toupirou da; nangni raalman khoini heiyei putchei raple, yaiyei uiwaa raptomya nainungei khoini markumrou da. Heitoubi khukarthil heiyari hil lhangrouwei muni mrimbini raal dalaka.”

JOSHUA 8:2 Iomraidhean Croise

2 CHAANLAM 13:13

Heiya Jeroboam'ne hil lhangra aiyei raallui rapya malhetbine muni raal mrimyerwurla, heitoubi Jeroboam'ne aiyei raallui rapne Rehoboam'yei maibong lhangra mayungbine leiyeinung, Rehoboam'yei hil lhangrani muni raal mrimbine heileiyura.

2 CHAANLAM 20:22

Heisitoubi laa shayoubi Umpuya mathangyoukur heirouri, Umpune Judah'yei doura raal darou wathukkur Ammonia, Moab, heirou Seir Lhungdou ramrei Me-unia touri Edomia rapbei raallui rapbei doura muni mrimbine raal dakur, heisitoubi yayari raallam tlathatbine kuikoolkur.

LAA LAILIK 39:6

Heitoubi aiyei toukhou lhou heiri koukhi karsukmak lhimyakhi phamaklei; ani lalthum markumlhakbikhi, lalthum heiri huweiyo toukhi mumaklei.

PARMAL 13:22

Tharmu chim thimine hillei yu-cha rap'nungeikhi lal horkhouchangrou; heiya klal thimi rapbei lalri tharmuchim thimi rapbei hutra hungdongeirou.

PARMAL 28:20

Ukning khyingne malungamkna thimi khat hoiyanungri nungwaini thrungrou; heitoubi khnotni laldun thimi hoiniyanungri lahnara dalhakrou.

JEREMIAH 17:11

Phaimlung(tentret) waani aiyei fyuikhoumak yuiya ophopbi keoyernaksine, khril lhangaimakni taal'lhakbi laldun thimi heiri aiyei chaan khatrekrou duntou naikhoumakrou; heirou aiyei chaan tlailam hungphabongnung, aiyei lalni aya khingurkhourou; heitoubi aiyei rongchan hungdongnarari yuntlungmak naksine hungdongrouwa.

JEREMIAH 51:12

Babylon'yei raalpal rapya karhani fral khangbaanglak; raal ngaknei lhouya mantrangyerlak; raalngak thimirap chungni khoulhaklak. Munne raal mrimbi, wachangbine raal dananungei marshiklaka! Ngamri Umpune Babylon'rei thimi rapbei ngamrou wairangbi shunthutdurkhou tloubom heiwaya lhou khoini shuimakni touthutrouwa.

KHNUITLUNG CHAY 2:35

Kane yaiyei ui-waa raple, khukarthil raprei lukloukur putchei-lalthum rapya nimakni deiri koukhatkhi louheimakur.

KHNUITLUNG CHAY 20:14

Heiya napuiya raple, naoshun-naopar raple, heirou ui-waa raple, heirou khukarthil heiyei rillei khrommangbi louklei putchei-lalthumrap namma heiri nanungei khoini louheilaka; heirou nani naiyei yeekna thimi rapbei deekhromkur putchei-lalthum rapya yrenglaka, ngamri UMPU naiyei Dunpune heirapya nanungei piwurla.

KHNUITLUNG CHAY 3:2

Heitounei ngamrou UMPUne, ‘Ayari chimaklo, kouweiyo toulanungri, Keine ayale, aiyei raalluirap namyale, aiyei ramkhi neihutra pilhakurla; nani Heshbon'ra paalbi louklei Amoria'yei Krung Sihon'nung toupikur heinakrimni nani touwurlak,’ toubi keinungei shunpikur.

JOSHUA 10:1

Asinungri asitoubi hungthukura, touri Joshua'ne Jericho'ya lukloubi, heiyei Krungya manbini thuithini mareknabi maangyerkur heinaksini Ai'yakhi lukloubini, heiyei Krungyakhi manbi thuithini hatdurnei paole, heirou Gibeonia rapkhi Israel raple yakantlangrilbi yaihangra yakou paalmalnawurame tounei pao heiri Jerusalem'yei Krung Adoni-Zedek'ne mayekurla.

JOSHUA 10:28

Tlaini heihakrou Joshua'ne Makkedah'ya raal maniwurbi lukloukur, heitoubi heiyei thimi rapyakhi heirou heiyei Krungyakhi raalshon'ne hattumkur; heisitoubi ani hattumwurbi thimi huchakhatkhi himaleiyermakni maangyerkur. Heisitoubi ani Jericho'ya thuithini toupiwurkhou heinakrimni, Makkedah'yakhi ani thuithini toupikur.

JOSHUA 11:14

Heirouri Israel rapni Krungkulrap nammaya heiyei putchei raple, halrul rapya yaiyei raalmanput khoini markumloukur, heiya thimi rapyari hukhatchakhi karkulyermakni nammaya raalshon'ne shat'hatbi mangyerkur.

JOSHUA 6:21

Heitoubi yani khukarthil heiyei rillei louklei putcheirap namma, napawakhi, napuiyakhi, douwakhi-upa rapyakhi, heirou ui-waarap- halpa rapkhi, yaorul-tlangrul rapkhi, heirou gadha rapkhi koulhuimakni raalshon'ne namma shat'hatbi tumyerkur.

JOSHUA 8:12

Heirouri ani thimi lishing phangayeimal ruilouheibini, muni mrimnanungei Ai'le Bethel'yei tlakra, khukarthillei kulrel lhangra kachangkur.

JOSHUA 8:14

Heirouri Aiyei Krungni mrimbi klei heiwaya mulhakurla; heitounarouri khukarthil heiyei thimirap nammani khnotni manma wathukbini, ale heirou aiyei thimirap nammani Israel rapya raalbomra kardourilnanungei ramthingra Arabah phaikarei maishuk lhangra louleikur. Heiya khukarthil heiyei hil lhangra muni mrimbini louklei heiwaya ani mukhoumakura.

JOSHUA 8:19

Heirouri muni mrimbi klei raallui rapnikhi yaiyai birouwei khrangni traikanthoubini, Joshuane aiyei hut katlamthutdei kheenrou, tallengni khukarthilla chanlhakbini raaldabi lukloukur; heitoubi yani khnotni toubine khukarthil heiwaya mei shulhakkur.

JOSHUA 8:24

Heirouri asitoubine thukkura touri, Israel rapni Ai khukarthillei thimi rapya, heirou yaya hulthungkur thimi rapya ramthingei phaitlaira namma hattumkur hillouri, Israel rapni Ai'ra heikallenglhakbi, heitoubi raalshon'ne bi heirou louklei thimi rapyakhi namma hattumkur.

JOSHUA 8:3

Heisi tounarouri Joshua'ne kanthoubi raalluirap nammale kalhonni Ai'ranungei kakur; heitoubi ani raalluirap sireikhei thimi napung lishing-somthum khalthutbi, heitoubi masanung yaya shunmatubi watyilbi chayerkur.

JOSHUA 8:7

Heirouri nani muni mrimbi leinarouwei wathukbini, heitoubi khukarthil heiwaya wachangbi luklourou da; kouweiyo toulanungri, naiyei Dunpu, Umpune heiwaya naihutra pilhakrouwa.

JOSHUA 8:8

Heirouri nani khukarthil heiwaya lukloukur hillouri meini shulhakrou da. Nane Umpuei tloulhang hilthungni tourou da. Thilak, keine nanungei chay pikur awariya.”

JOSHUA 8:9

Heisitoubi Joshuane yaya malhetthutkur; heirouri yani muni mrimna bira wawurbini, heitoubi Aiyei kulrel lhangra, Bethel'le Ai tlakra mrimbini leikur; heiya Joshuari heiniyei msanungri thimi rapbei hangra yarekkur.

JOSHUA 9:3

Heiya Gibeon'ra yuldabi klei thimi rapni Joshua'ne Jericho'le Ai khukarthillei doura thuithini toupikur heiwaya mayekurla.