JOSHUA 8:1 - KHYINGEI PU'TLOU Bible (BSI)

¹ Heirouri Umpune Joshua'nung shun: “Chimak, heirou neilhawai lahmak! Nangle kalhonni raalluirap namma ruibini kanthouwa, heitoubi Aiyei khukarthilla kawalo. Thilak, Aiyei Krungle, aiyei thimi raple, heiyei Khukarthil heirou aiyei ramkhi Keine neihutra pilhakurla.

JOSHUA 8:1 Iomraidhean Croise

LAA LAILIK 27:1

Umpuri keiyei kwaar heirou keiyei ralthutpina bom, keine huya chirou? Umpuri kei rongchanyei thuithina bomrakhi ngaaksilpina Bom, heineri keine huya chirouwo?

LAA LAILIK 44:3

Neiyei thimi rapne raalshon shinbi yane ram heiya lukloukur nimak; heirou yai hutdei mantrangni yane raal manekur nimak; heiya namyerwa heiri Neiyei thyarei hutbangni heirou Nangne yaya malungshibi ruipinei ngamrou yane raal yenmanekur.

LAA LAILIK 46:11

Mane-thang'al Umpuri kaya kalhonpilei; Jacobei Dunpu heiri kaiyei kallena bom hoilei.

ISAIAH 12:2

Thilak, Dunpuri keiya ralthutpi Pume; Keine Aya uklumrou, heitoubi keiri chimakrou; Kouweiyo toulanungri Dunpu Umpuri keiyei mantrang, heirou keiyei laa; heirou Ari keiyei Ralthutpina bom hoiyura.

ISAIAH 43:2

Heirou nani yuitlaira kralni chawanungkhi, Keine naya kalhonpirou; Nane kungra rallanungkhi, nayari tuylhouya martlaobi dumphopburmakrou. Heirou nani meiwaira kralni chawanungkhi, nayari meini kaangurmakrou; meithlannia rampha naya leekloumakrou.

JEREMIAH 46:27

“Heiya Keiyei shikrui Jacob, nangri chimaklo, heirou O Israel, nangri chimathunwurbi lhawai lahwurmaklo! Kouweiyo toulanungri neiyari Keine tlatna ram'rouwei kalpiroume. Heitoubi neiyei yu-cha rapyari yaya raal manphopbi leina ram'rouwei kalthutpiroume; heirouri Jacobni yenkallengbi ayari koukhatnekhi markholmakni hanui kyingni palthuroume.

JEREMIAH 49:3

“Chapbine kanrellaklo O Heshbon; kouweiyo toulanungri Ai khukarthilri mangurame! Ungraochane chapbalo O Rabbah'yei chanapuiya'rap; naitamni phichun upbine chapkanrellaklo, heitoubi chiekpal rilla kyongle-kale karwaichabine kanrellaklo. Kouweiyo toulanungri Milcomri aiyei suipipu raple aiyei krungcha raple kalhonni raalman khoini chawura.

DANIEL 2:21

Ane kheenya heirou kumchaanya martlengkur manilei; Ane Krung rapya louthutdurlei, heitoubi Krungrap deiya khalbaangurlei; shingkhei thimi rapnungei Ane roushing pilei, heirou phabda thimi rapnungei Ane khyal pilei.

DANIEL 4:25

Neiyari thimi rapbei hangrouwei hulthutloubi, heitoubi neiyei paalna ramri ramhangra ramyaa rapbei hangra hoirouwa; heitoubi neiyari halnakni ramna namh pishairou; heitoubi nungthourei rdaini neilura chukphopyerrou; heitoubi enibuirek yenrallouwa; heirouri nangne hungningthuteirou touri Yerrouwei Choudui Pu Dunpuri tlaipang nammaei doura Pu khoini thrungpi, heirou Aiyei malungshipi Krungram rapnungei Ane phor piwurlei.

DANIEL 4:35

Heirou tlaipangra paalbi klei thimi rapri koukhi nimakme. Heiya Ane thangwanra Aiyei kning hilthungne lhou toupilei, heirou tlaipangpallei thimi rapbei hangrakhi Ane lhou toupilei. Heirou thimi hukhatnekhi Aiyei hutrouwei kartleichangmak, nimanung hunekhi, ‘Neiyei toukur awaya kouwo?’ toubikhi Anungei yunchangmak.

MATTHEW 8:26

“Nari koungameiyo heinak plangkurya?” toubi Jesu'ne loukyun. “Nai uklumya koungammei heinak shulkurawo?” Heirouri Ane kanthoubi martheele yuilhouya ‘Neemmalo’ toubine yunnarou, tallengne yuilhou heiwari trimkur.

KHNUITLUNG CHAY 1:21

Thilak, UMPU naiyei Dunpune ram heiwari nai maibongra tlathutbini khouwurla; wachanglaka, heitoubi ram heiwaya naiyei patar rapbei Dunpu UMPUne nanungei shunpikur heinakrimni nani ramkalbi yuldalaka, nani koukhi chimak, heirou ukningkhi kanthritdurmak.’

KHNUITLUNG CHAY 31:8

Heirou UMPU Ane neimaibongra louchapirou, heitoubi Ane neiya kalhonpirou. Ane neiya horkhoupimakrou, nimanung khingurkhoumakrou; chimak, heitoubi lhawaikhi lahwurmak.”

KHNUITLUNG CHAY 7:18

Nane yaya chimakrou da, heiya UMPU naiyei Dunpune Pharaoh'le Egyptbei thimi rapya koutoubi toupikurro touri nani lhangaini ningthutrou da:

KHNUITLUNG CHAY 7:21

Heirou nani yaya chi-mathunmakrou da; kouweiyo toulanungri, naiyei Dunpu, UMPUri naihangra klei.

JOSHUA 1:9

Neinungei Keine chay piwurkhou nimakka? Neiyei ukningra krakni mantranglak; heitoubi chiwurbi neimalung kanchunmak! Kouweiyo toulanungri, neiyei Dunpu, Umpune neiyei chana-hungna bi kantangra kalhonpilei.”

JOSHUA 10:7

Heisi tounarouri Joshua'ne Gilgal'rouwei aiyei thimirap nammale, sireikhei raalluirap nammakhi ale kalhonni kakur.

JOSHUA 10:8

Heirouri Umpune Joshua'nung shun: “Yayari chimak, kouweiyo toulanungri, yayari Keine neihutra pilhakurla; yari hukhatkhi nai maibongra loumayungchangmakrou.”

JOSHUA 2:24

Heirou yakhuntani Joshua'nung yunpikur: “Tanghakpani ram heiwaya Umpune kaihutra piklhakurla; kouweiyo toulanungri, ram heirou klei thimirap nammari kaingamrou pao mayeknarouri chitekbini solungkhi yuinaksini yawurchiya.”

JOSHUA 6:2

Heirouri Umpune Joshua'nung shun: “Thilak, Jericho'ri Keine aiyei Krungle, heirou aiyei hutmantrang shireikhei raallui rapyakhi neihutra pilhakurla.

JOSHUA 7:9

Kouweiyo toulanungri, Caanania rapni heirou ram heirouwei yuldabi klei thimirap nammani pao heiwaya mayeklanungri, heirou yani kaya kuikoollurbini, heitoubi yani tlaipangpal arouwei kaiminya mityerrou kleiyame. Heiyanungri Nangni Neiyei toumani min heinung'tlim kouya touserouwo?”