JOSHUA 7:9 - KHYINGEI PU'TLOU Bible (BSI)

⁹ Kouweiyo toulanungri, Caanania rapni heirou ram heirouwei yuldabi klei thimirap nammani pao heiwaya mayeklanungri, heirou yani kaya kuikoollurbini, heitoubi yani tlaipangpal arouwei kaiminya mityerrou kleiyame. Heiyanungri Nangni Neiyei toumani min heinung'tlim kouya touserouwo?”

JOSHUA 7:9 Iomraidhean Croise

LAA LAILIK 115:1

Neiyame, O Umpu, Neiyame, kayari nimak; Neiyei chut naimakei malungshipikhei heirou kringpikheiyei ngamne Neiyei thang'allei minya kanyerpibom thuk.

LAA LAILIK 48:10

Tlaipangpal karyoune klei thimirap nammane Neiya mathanglei; heirou thleidou karyoune Neiyei minya mayekphalei. Nangne chimmei picharya toupilei.

LAA LAILIK 79:9

O Dunpu, kaya kringpibi trungpilaklo, heitoubi kalpilaklo; kaya lhukthutpibi heirou Neiyei thang'allei minnung'tlim kaya borh kukpilaklo.

LAA LAILIK 83:4

Yane yunrillei, “Wawalo, Israellei limya maangyerlakase; heiyanungri lim heiyei min malummurbi hunekhi ningthutpimarou.”

LAA LAILIK 83:5

Yane munne lhouwai raangbi heirou Dunpuei maibongra karhane khattom khoine yakantlangrilbi leiyura.

HOYOUNA 32:12

Kounungei Egyptrei thimi rapya ‘Khril lhangaimak ukningle kalhonni Umpune yaya ruithutloubini Lhungdoura hatdurbi, heitoubi yaya tlaipangpal arouwei mangyerrou waiyoukurame’ toubi yunbini laonayerrouwo? Neiyei malungkhanarei ukning toutombini, Neiyei thimi rapya klah dayerrou younarei Neiukning holthutlaklo.

EZEKIEL 20:9

Heiya Keiyei minnung'tlim khalthibi Egyptbei ram'rouwei Keine yaya ungthutloubi Keimshani yanungei muyerkur heirouri yale leimalkna limdei rapbei maibongra mai theeyernimakne Keine lhou touwurkhou.

JOEL 2:17

Suipipu rapkhi, Umpuei watlhou tou thimi rapnekhi, Pucheem yuntlangmaile khrahpal tlakra mayungbine mityui dani chapbi atoubine yunlaksu: “O Umpu, Neiyei thimi rapya kalpilaklo; Neiyei chanao rapyari rikrai phayerpimaklo; nimanungri lim deini yaya kul chalphopburbi laonapiroume, heitoubi yani, ‘Naiyei Dunpuri kourangawo?’ toubine yunnaroume.”

MICAH 7:10

Heirouri keiyei yeekna thimi rapne heiwaya mupharouwa; keinungei “Neiyei Dunpu Umpuri kourangawo?” toubine khremnakhou thimi rapkhi rikraibi mai khumrouwa. Heirouri lamtlaira tatmanuikur thleibulnakne keiyei yeekna thimi rapya tatmanuirouwa; heirou keimitne yayari malungkhrane thibi leirouwa.

MSHING KANSHER 14:13

Heirou Moses'ne UMPUnung shunkur: “Heiyanungri Egyptrei thimi rapni mayeklhakroume, kouweiyo toulanungri, Neiyei Mantrangni Nangni thimirap heiwaya yaihang'rouwei urthutloukurme.

JOHN 12:28

Pawa, Neiminra Keinungei thang alyerpilaklo!” Heirouri Thangmun lhangrei hou khatne yukshun, “Keine heinung'tlim thang'alya yenpiwurla, heirou hanuikhi Keine thang alyerpithurou.”

KHNUITLUNG CHAY 9:28

Nimanungri Neiyei ruithutlouna ramrei thimi rapni dechathungbi, ‘UMPUne yanungei piroume toubi kantompikur ramra ruitlungchangmakura, heirou Ane yaya machinnei ngamrou, ramthingra hatdurnungei yaya ruithutloukurame’ toubine yunthungrou.

JOSHUA 7:10

Heisi tounarouri Umpune Joshua'nung shun: “Kanthouwalo! Kounungei neiyei maiya thleira sikhuplhakbini leikurrawo?

JOSHUA 7:8

O Dunpu, Israellei thimi rapni yeekna thimi rapbei maibongra mai khreibi trukkurya keine kouya hanui yunserouwo?

1 SAMUEL 12:22

Kouweiyo toulanungri, Umpune Aiyei thimi rapyari Aiyei thang-lhangai min heinung'tlim hukhatyakhi khingurkhoumakrou; ngamri Umpune nayari Aiyei thimirap hoiyernanungei beimakni malung pilkhou.