JOSHUA 7:6 - KHYINGEI PU'TLOU Bible (BSI)

⁶ Heirouri Joshuane aiyei phi'upya threlwurbi, thleira mai sikhuplhakbini, Umpuei Mardingpina Theengkung maibongra rawai'phani kanel'lhakbi leikur; heirou Israellei yama upa rapkhi heisi kanel'lhakbi, heirou yaiyei lura rahui chaiphangbi leikur.

JOSHUA 7:6 Iomraidhean Croise

KANTHOUNA 37:29

Heirouri Reubenni thleipurra heikallengbini wathinarouri, Josephri khur heirouwei louleimakura; heingammei ani lhawai lahwurbi aiyei punshel threlkur.

KANTHOUNA 37:34

Heirouri Jacobne aiyei phirulya threlwurbi, heirou aiyei shintlakra phi'mtum yeetphopbi, aiyei chanapawa heinung'tlim tlaini kounakbil khi kanrilbini leiwurkhou.

2 SAMUEL 1:11

Heirouri David'ne aiyei phirulya shinbine heirapya namma threlchaalkur, heirou akou louklei thimirap nammanekhi heisitoubi yaiyei shamb rapya threlkur.

2 SAMUEL 1:12

Heisitoubi yani Saul'le aiyei chanapawa Jonathan yakhu pachanung'tlim lhawai klahne chamak-maimakne chara yilbi rawai phane chapni khi kanrelkur, heirou Umpuei thimi rapnung tlimkhi heirou Israel rapnung tlimkhi lhawai lahpikur; kouweiyo toulanungri yarap heiri raalshonra hiwurchiya.

2 SAMUEL 1:2

Heirou khyumni tlung tlaini heirouri asitoubine hungthukkura touri thilak, napawa khatne Saul'yei rungbom'rouwei aiyei raal-shamb rapkhi cheetchatni, heirou aiyei lura rahuikhi kyaoni yentrukthutkur. Heirou ani David'yei pongra hungtlungei kheenrouri ani David'yei maibongra kanel'lhakbi thleira khuplhopni kanel'lhakbine khrumkur.

2 SAMUEL 12:16

Heitounei ngamrou David'ne naochaei ngamrou Dunpu'nung shunchabine tlou ngaithikur, heitoubi David'ne cheemwaira hungchangurbi masantan chara yilbine thleira neilhakbi kalletchani leikur.

2 SAMUEL 13:19

Heirouri Tamar'ne aiyei lura rahui khrephangbine, heitoubi aiyei nabi klei hutbangshang linglikchul heiwaya threlchaalwurbi, heitoubi aiyei hut rapne aiyei lura hutbur suichabine wathukbi ungraochane chapbi shaalkur.

2 SAMUEL 13:31

Heirouri Krungne kanthouwurbi, aiyei phi'up-phishamb rapya threlwurbine thleira kanellhakur, heirou aiyei shokrap nammanekhi yaiyei phirul-phishamb rapya threlwurbi aiyei pongra karhilne mayungbine leikur.

2 KRUNGRAP 22:11

Heirouri Krungne chaylam Lailik heiyei tloulhang rapya mayeknarouri, ane ukningra nungwaimakurbi aiyei linglikchulya threlkur.

2 CHAANLAM 34:19

Heirouri asitoubi thukkura, touri Krungne lailik heirouwei kyao tloulhang rapya mayeknarouri, ani aiyei phi'upya threlkur.

EZRA 10:1

Heirou Ezra'ne ukning hungle kalhonne Dunpuei Pucheem maibongra thleira kalletchani chapbine shunchabi louleiyei kaalnung, thimirap beimak chungni, napawa rapkhi, napuiya rapkhi heirou naoshun-naopar rapkhi kyaone aiyei leinara wakartilkur, heitoubi yane malungdouni beimak chapkur.

NEHEMIAH 9:1

A'tanglayei somnile-phali tlung tlainirou Israellei chanaorap nammane kartilbine, chara yilbi, phi'mtum upbine, heirou lura rahui khrebaangbine lhawai klahne chap'kanrelkur.

ESTHER 4:1

Thukkur lhou thukrap namyerwa heiya Mordecai'ne mulhakkur heirouri, Mordecai'ne aiyei phi'upya threlwurbi, heitoubi phichunya upbine, heitoubi lura rahui chaibaangbi, Khulilyei khullam tlunthungni karwaichabi, kalthi malung douni ungraochabi chapkur.

ESTHER 4:3

Heirou Krungei chaytlouya khulpao chaitlungurna ram bi kantangrou Jehudia'rap nammane lhawai klahne thimwurbi, phichun upbi, heirou chara yilbine chaple-ungraochale kalhonne rahui hangra kalletchane klah-kanrelbi leiwurchiya.

JOB 1:20

Heirouri Job'ne kanthoubi aiyei linglikchul threlkur, heitoubi aiyei lukhi ngoumthaiwurbi, thleira kanelhakbi khrumkur.

JOB 2:12

Heirou yane wayei kalnang, yaimitlungne tlatnarei heithrilbi thiyeinangri, aiyei shakrung heiwaya mumanrechangmakura, heitounei ngamrou yane hou chouni ungraobi chapkur. Heirou yane ai'aiyei phi'up-linglikya threlkur, heitoubi nungthou lhangra rahui katkhrebi yai lura chaiphangkur.

JOB 42:6

Heinung'tlim keine keitam rikraiyura; heitoubi rahui hangra kalletchani ukning hunglei.”

KANREL LAA 2:10

Zion'yei chanapuiya rapbei upa rapkhi thleira omlhakbi koukhi tounaram makni mulleiwurchiya. Yane phichun upbine, lura rahui chaibangbi leiyura. Jerusalemei nangaka rul rapnekhi thleira lu sikhuplhakbine leiwurchiya.

MSHING KANSHER 14:6

Heiya yaihangra raalmucha khoini ram heiwaya thikulnara yaokhou Nunyei chanapawa Joshua'le Jephunnehyei chanapawa Caleb yarukhnine malungkhawurbi yaiyei linglik threlkur.

MSHING KANSHER 16:22

Heitounarouri yani thleira mai shikhublhakbini shunchakur: “O Dunpu, Tlaipang thimi kantangei lhawaiyei Pu, Dunpu; thimi napung'khatni borh touwurnarou Nangni kulyom nammaei doura malungkhapirouko?”

MSHING KANSHER 16:45

“Nangni thimi rapbei hangrouwei kantlatdurlak, nimanungri yayari Keine mitrup khatdei rilla tlumni mangyerrouwa.” Heitounei yani thleira mai shikhublhakbini leikur.

PAOCHA 14:14

Heiya Barnabas'le Paul'ne yai toukur lhou heiya mayeknarouri, yane yai phirulya threlwurbi heitoubi thimi rapbei tlakra ungraochane chanlhakbi shunkur,

JOSHUA 7:7

Heirou Joshua'ne kyun: “Ulleiyo, kounak lhawai lanakurrawo! O Pu DUNPU! Kounungei Nangni thimirap awaya Jordan kung ruiralthutdurbi Amoria rapbei hutra namma himangyerkurawo? Kounakpi kani Jordan kung heiralthutmakni leiyanungri lhangairoume!

KANRETHUTPI 18:19

Heirou yane yai lura rahui khrebangbine, kanrilni chapbi yane kyun, “Kounakni chi'kna! Tangdui khulil heinung'tlim kounak lhawai lah'knaei bom hoikurrawo! Khulil heirouweini thimi kounakni samadrura mali hulbine lal taalbi dun thimirap hoikur. Heiya arouri kheen leprou aiyei laldun namyerwa heiri maangurchiya!”

PICHAR PURAP 11:35

Heirouri asitoubine hungthukkura, touri, Jephthah'ne aicha napuiyaei wathukya mulhakur heirouri, ane aiyei shamb'ya(linglik-phi'up) threlwurbi kyun, “Ulleiyo, kouningthinawo, keichawiyo! Neiyei toukur heiri keiyei lhawai lahyerkurane; kouweiyo toulanungri, keine Umpunung tlou kantomwur'khoulame, heiwari hanui kallengni thikmalleng yamakrou.”

PICHAR PURAP 20:23

Heitoubi Israellei douwa rapni Umpuei bira Pucheemra kachangbini rawai'phani leiphopbi Umpunung chapni shunchakur, heitoubi yani, “Kane hanui kallengni kaiyei teinao Benjamin'yei doura raal dathoriaseko?” toubine Pu'tlou ngaithikur. Heirouri Umpune yanungei, “Nane kabini aidoura raal dathulaklo.” toubine loushun.

PICHAR PURAP 20:26

Heirouri Israellei chanaorap nammani, touri bi heirou kakur thimirap nammani Bethel'ra wabine Umpuei maibongra Pucheemra kartilbi chapne omkur, heitoubi heiyei tlainirouri yani rawai'phane chara yilbi koukhatkhi chamaimakni leikur. Heitoubi yani Umpuei maibongra khrumna putya meira hongbi, heirou malungdamna khrumna putkhi makatkur.

PICHAR PURAP 21:2

Heisitoubi thimi rapne Bethel'ra wabini heitoubi bi'heirou yani Dunpuei maibongra rawai'phane ombini, heirou yai ukning khatsi khoine ungraobi malung doune chapkur.

1 SAMUEL 4:12

Heirouri Benjamin cheemkhurei napawa raallui napung-khatni raalbom'rouwei trukthutdurbi, heitoubi aiyei phirulkhi taangcheetdurbi, heirou aiyei lura rahui chaiphangbini heiyei tlaini heihakrou Shiloh'ra yentrukbi hungtlungkur.