JOSHUA 7:5 - KHYINGEI PU'TLOU Bible (BSI)

⁵ Heirou Aiyei thimi rapni yaihangrei thimi napung somthumle'thrukya hatthungurbi, heitoubi yani Israel rapya yaiyei khukarthillouwei waiyoubini Shebarim yuphani hulsundawurbi, heitoubi lhungsora yaya hatdurchi; heisi tounarouri Israel thimi rapbei ukningra chiwurbi yuinakni yasundakur.

JOSHUA 7:5 Iomraidhean Croise

LAA LAILIK 22:14

Yuine thleimaira shungthekkurle kungchekurbi tallengni heeplhakur heinakne, keiyei mantrangkhi yenluiwurla, keiyei thru'konglhok namyerwa kartleikurnak hoiyura; heirou keiyei solungkhi khuilu yaasundakurnak hoiyura.

LAA LAILIK 58:7

Heeplhakkur tuysomyui'nakne yari maangurniyasu, heirou lampaallei tatmanuibi taarkur ramtrungnakne yari himaangurniyasu.

ISAIAH 13:7

Kheen heirouri tlaipangei hutbangrap namyerwa heiri msewurbi hisundarouwa; heirou thimi nammaei solung rapkhi namma yasundawurchirou.

EZEKIEL 21:7

Heirou yane neinungei, ‘Kouya tounei neiyei nilsopui hulbine lhawai lahkurawo?’ toubi ngaithiyeinung, heirou nangne yanungei, ‘Pao-laa heiyei ngameime; pao heiwane hungchimyei kheenrouri, solung rapri namma yuinakne yasundarouwa; heitoubi chiwurbi hutbang rapkhi namma msherouwa, heirou solungrap nammakhi lhawai lachirouwa; heirou khukarthilrap nammakhi yuiding naksine mantrang yenshulchirouwa,’ toubi nangne loumallanglak,” toubi Umpune paothutlei.

LEVIYA 26:36

Heirou naihangrei himaleithung thimi rapya yaiyei yeekna thimi rapbei ramra leiyeinung yai ukning mandiyerwurbi, martheeni heengna sha'ngaakyei kalnungkhi yaya hulchakurame toubi chitekbini, raalsona maibongra loutrukcha naksini trukchayerrou; heirou thimi hunikhi heihulmakbikhi yaitam loukanelheirou.

NAHUM 2:10

Nineveh'ri deek'bai thukbine khromchirouwa; dingura, heirou rilla koukhatkhi makni hangwalni leiyura; heirou chiwurnei ngamrou solungkhi yawurchiya; heirou chi'kanchunnarou khuklukhi chingkantummurchiya, heirou malung kandupbi yaiyei mairungkhi mraowurchiya.

KHNUITLUNG CHAY 1:44

Heirouri Lhungdou ramra paalbini louklei Amoria rapni wathukbini, khuiruini hulchekkurnakni nayari Seir'rouwei Hormah yongdani louhulmallengkur.

JOSHUA 2:11

Heirouri kani heiyei paoya mayeknarouri, kaiyei solung rapri chitekkurbi yuinakni yasundakur, heirou naingamrou pao mayeknarou kaihangra thimi hukhatkhi lhawai yaomakurchiya; kouweiyo toulanungri, naiyei Dunpu, Umpu heiri Thangwan-Shimlei khintamrekei Dunpu.

JOSHUA 2:9

heitoubi yasiya kashun: “Ram awari Umpune nanungei piwurlame touri keine muwurla; heitoubi naiyei ngamrou chirilkur heiwari kaidoura dawura, heineri ram arou paalbi klei thimirap nammari nai maibongra chitekkurbi kanchunwurchiya.

JOSHUA 5:1

Heirouri Jordan'yei kulrel lhangra yuldabi klei Amoria'yei krung raple, Samadru ruithung yuldabi klei Caanania rapbei krung rapni, Israel rapni Jordan kung heiralthutdeinung, ralthutchibongyen koutoubi Umpune Jordan kungei yui heepyerkurro tounei paoya mayeknarouri chitekwurbi yai solung rapri khuilunakni yasundakur; heitounei Israel rapbei ngamrou, yari Israel rapnungeiri lhawai yaomakurnaksi hoiwurchiya.