JOSHUA 7:21 - KHYINGEI PU'TLOU Bible (BSI)

²¹ Raal danarei deekhromkur putchei rapbei hangrei Shinar touri Babylon'rei lhangai shamb khatle, heirou kulshan shekel macha khnile heirou shekel somngamal khrit sina khangyal khatkhi mulhakkurnarouri, heirapya keine maduwurbi keine muni louheikur; heitoubi heirapya keiyei cheemwaira thleira touphumbini yulkhoukur.”

JOSHUA 7:21 Iomraidhean Croise

KANTHOUNA 10:10

Heitoubi aiyei Krungram waiyouna heiri Shinar touri Babylon ramrei Babel, heirou Erech, heirou Accad heirou Calneh.

KANTHOUNA 3:6

Heirouri napuiya heiwini heengtrung heiya thinarou hei heiri chanungei lhangai heirou mit'thrilnarakhi pilkna, heitoubi chalanungri roushingkhi leinaroume toubi muwurnarouri maduwura; heisi tounarouri ani hei heiya labini chalouheila; heitoubi ani aiyei shalwanungkhi malanpibi, yasirekpani chaloukur.

KANTHOUNA 34:27

Heirou Jacobei chanapawa rapne khilhung rapya karhoibi wachangurbi, khukarthil heikhi yaiyei charwiya touchopburnei khlanglhak khoini waiknaini kontumwurkhou.

KANTHOUNA 6:2

Heitoubi Dunpuei chanapawa rapne tlaipang thimiyei chanapuiya rapbei shakrung lhangaiya mulhakbi, heirou yani ai'aiyei maduya khalbini nu'nungei lourilkur.

2 SAMUEL 11:2

Heirouri nungkhatnuiyei rawainung David'ne aiyei rkhum dourei kanthoubine Krungei shangkai doura marthee langbine ramthrilyeinung, napuiya khatne hakchoubi kleiya ani yukmulhakkur; heirou napuiya heiwiri shakrung beimakne lhangai, heirou thiyeinungkhi karyuikna.

2 KRUNGRAP 7:8

Heirou raichi paat thimi rapne rungbom ruikhatra wa'tlungbi, heitoubi yane khuiluphiyei cheem khatra wachangnarouri, heiyei rilla chaanung-mainungei chaak-an louklei heiwaya yane chamailoukur; heitoubi bi heirouwei putchei sina-laparap heirou phirul-phishamb rapkhi markumloubine heirapya bi khatra yulkhoukur; heitoubi yane khuiluphiyei cheem deirakhi wachangbine heinakrimni markumloubi yulkhoukur.

JOB 31:1

“Keiyei mitlungle keine kantomrilwurla, heiyanungri koutoubi keine nangaka khatya madune mit'thrillouwo?

LAA LAILIK 119:37

Karsukmak put rapya thiphanara keimitlung kallekthut'yermaklo; Neiyei kantompikur hilthungne keiya kringpilaklo.

HOYOUNA 20:17

“Nangni neiyei cheemlhunyei putcheiya horthibi maduphamak; nangni neiyei cheemlhunyei nuya, nimanung aiyei shok napawa, nimanung aiyei shok-napuiya, nimanung aiyei halpa rapya, nimanung aiyei gadha rapya, nimanung aiyeime toubi klei putchei rapya kouchakhatkhi horthibi nangni madumak.”

PARMAL 1:19

Miyei putcheiya khramphabine mucharou ningcha thimirap nammane yaitamyei rongchanya hormangnungei wairangthil; heinaksi thimi rapbei chaanrou thuithikur klah-knangei bomra daheirouhui.

PARMAL 23:31

Tulne naya kulchalyermak; tul heiri kepra fleithutbi thiyei kaalnung kimkhi mraone murou, lhangaikhi lhangairou; heiya monglhakei kaalnungkhi mnikrou.

PARMAL 28:22

Khramphatang thimine kouninung dalhakurleiyo toukhi ningmumakne tlaipangpallei lalyatom chanchabine leilei.

PARMAL 4:23

Nai ukningrei ningchabi klei namyerwa heiri chim-chimmako toubi tirithilak, heitoubi muheiyalo; ngamri naiyei rongchan heiwari nai ukningrei ningchabi klei heirapne thuithi'kyer nimanung lhangaikyer.

ISAIAH 28:15

Ngamri nani kyun, “Kane khi heile tlou kantombi mardingrilwurla; heirou kani Sheolkou yakantlangrilbi kantomrilwurla. Heirou klah-knangei cheishuni yuk-umyei kheenrouri kayari umphamakrou; kouweiyo toulanungri kani yunmandalbine trukyullou, heitoubi kani klallei lhoura kaitam kartleicharou.”

ISAIAH 29:15

Yaiyei lhou-waikrangya Umpurouwei yulkhoukur thimi rapnungei, heirou mehna daakra muni lhoutoubi klei thimi rapnungeiri kounakei lah'kna! Yane kyun, “Huni kaya murouwo?” Nimanung, “Huni kaya mayekrouwo?”

HABAKKUK 2:9

Khril lhangaimakne khramtangne markumlhakkur lalthumni aicheem thimni marpeilhakbi, mucha thimi rapne muchangmaknungei nungthou katokni markoolphopbi klei thimi rapnungeiri kounak lahkna!

LUKE 12:15

Heirou Jesu'ne yanungei yunpithu, “Nane marsen touri leiwang thimi rapbei lhourouwei kartleinanung mukheine toulak; ngamri thimi napung khatdei chaanri ane beimakne laldun hoiyanungkhi, heirou aiyei dunbi klei lal heiyei doura ane ringbi klei nimak.”

LUKE 12:2

Kouweiyo toulanungri, makhubphopbi mutmakne munne khourouri koukhatkhi makrou, heirou muyermakne munne yulkhourouri koukhatkhi makrouwa.

EPHESIA 5:3

Nari Dunpuei thimirap hoiwurnei ngamrou, naihangra napuiya-napawa tilrilbi borhyernei lhou, heirou yuncharilnei tlou, heitoubi khramtangnei tlou rapyakhi yunrilmakni leiyalo.

EPHESIA 5:5

Nane mulhaklak touri, borh thimi, chorit naimak thimi, nimanung khramphatang thimirap hukhatnikhi Dunpuei heirou Christaei Krungbomyei siruk phamakrou.

KHNUITLUNG CHAY 7:25

Heitoubi nani yaiyei thrailha rapya meira namma hongurou da; thrailha rapbei doura lhobphopbi khoukur kulshanrap heirou sina rapya nani madumakrou da, heitoubi heirapya nani loukhi louheimakrou da; heinimanungri nakhi changra karhanarou; kouweiyo toulanungri, heirapri UMPU naiyei Dunpunungei machinkna.

COLOSSIA 3:5

Naiyei sharungei lhou rapya nane heisi toulanungri, naiyei ukning rillei lhoutoubi klei tlaipangei madurap touri. napui-napawa tilrilnei borhlhou, chorit naimak, khramtang, lhangaimakya toukni, heirou heengtang-rotang rapya thrainakni khrumkniyei lhourap heinakrouwei leimaka.

HEBREWA 13:5

Naiyei rongchan heiri tuy maduphana'rouwei tlatni leiyerlak, heirou naiyei klei heicharou kropil hoilak. Ngamri Dunpune yunpila, “Keine neiya kouniroukhi lakhoumakrou, heirou Keine neiya kouniroukhi kwatsam leiyermakrou.”

JAMES 1:15

Heisitoubi aiyei lhangaimakei kning heine manewurbi heirou aya borhra dayerkur; heirou borh heine kadtangei kaalnung ayari khira dayerkur.

JOSHUA 7:20

Heisi tounarouri Achan'ne Joshua'nung loumallangbi kyun: “Tanghakpani keine Israellei Dunpu, Umpuei bomra klalyei lhouya touwurkhoula. Heirou keiyei touwurkhou lhou rapri:

JOSHUA 7:22

Heisi tounarouri Joshua'ne thimi malhetbi, heirou yani aicheemra channi hungbi thinarouri, thilak, putcheirap heiri kulshanle kalhonni thleira phorphumbini louklei karthangkur.

2 PETER 2:15

Yane lam'yengna lakurkhoubi chanarou lam kanwaiyura; heiya yari Beoryei chanapawa Balaamyei ruina lamra chanthungura, ngamri ari lhangaimak lhouya tounara tuy pha'kni,