JOSHUA 7:12 - KHYINGEI PU'TLOU Bible (BSI)

¹² Heitounei ngammei Israel rapni yaiyei yeekna thimi rapbei maibongra mayungchang'makur, yaiyei yeekna thimi rapbei maibongrouwei yani mai khreibini loutrukkur, ngamri yari manchokur thimirap hoiyura. Heineri klou yamak putchei rapya naihangrouwei toumangurmaka'nungri, Keine neiya kalhonpimakrou.

JOSHUA 7:12 Iomraidhean Croise

LAA LAILIK 44:10

Kaiyei yeekna thimi rapbei maibongra kayari Nangne trukyerwurla; heitounei kaya machin thimi rapne kaiyei deekbaikur putcheirap namma louheichila.

LAA LAILIK 60:10

O Dunpu, tanghakne Nangne kayari yamakurako? Nangri kaiyei raallui rapkou kalhonbi chamakarouko?

PARMAL 28:1

Ukning lhangaimak thimiri mine hulmakbikhi aitamtom ningchibi heishi trukchalei, heiya ukning khying thimiri yangkongei khraang naksini kraklei.

ISAIAH 59:2

Heiya naiyei mral rapne nale heirou nai Dunpuei tlakra toukarkhaiwurla. Heirou naiyei borh rapne Aiyei mairungya nairouwei yulkhouwurla; heitounei ngammei Ane loumayekmak.

JEREMIAH 23:33

“Thimirap hukounak khatne, nimanung, thimkhui khatne, nimanung suipipu khatne neinungei atoubi yunbi, ‘Umpuei putkhrit paolaa heiri kouwo?’ toubi ngailanungri nangni yanungei, ‘Put khritdei paolaa touri kouya hoirou, na heiriya! Keine naya khingthutdurouwa!’ toubi louyunpilak,” toubi Umpune paothutlei.

JEREMIAH 6:8

Tlousherkur awaya louninglaklo O Jerusalem, nimanungri Keiri nairouwei kallekthutdurbi, heitoubi thimi hukhatkhi yuldakur yamaknungei konmangurbi lakkurkhourou.”

HOSEA 9:12

Kounakpi yani chanao puklanungri, heiwani yanungei Keine klah dayerheirou, touri yaiyei napawa khatchatomkhi maleithungmakne hiyerchirou; heirou Keine yaya lakurkhouei kheenrouri yanungei kounak thuithiyei klah hoirouwa.

HABAKKUK 1:13

Neiyei mitri lhangaimakya thinanungeiri hyingachakme, heirou lhangaimakya mulhakbi Nangne douchangmakme; heiyanungri kouya tounei heinak thuithiyei lhangaimak thimi rapya thibine mul'doupikurawo? Koungamei yayakhi duini tharmu chim thimi rapya yani madullou waiyouweinung Nangne koutlou khatkhi yunpimakne mul-leipikurawo?

MSHING KANSHER 14:39

Heirouri Moses'ne pao heiwaya Israellei thimirap nammanungei shunpikur, heirouri thimi rapni khikanrilbini kalthi chapkur.

MSHING KANSHER 14:42

Nari ram heirouwei kachangmaka, nimanungri nari naiyei yeekna thimi rapbei hutra hichirouwa, ngamri UMPUri naihangra kalhonpimakura.

MSHING KANSHER 14:43

Kouweiyo toulanungri, Amalekia raple Canaania rapni nai'maibongra raal kardourilnungei loumayunglei; heineri nari yaihutra hichirouwa; ngamri nari UMPUrouei mai khreithutdurchiya, heineri UMPUri naihangra yaomakura.”

MSHING KANSHER 14:45

Heirouri lhungram heirouwei paalbi louklei Amalekia raple Canaania rapni yuchumbi yaidoura raal loukardoukur, heitoubi yaya raal maniwurbi, Hormah ram waphani yaya louhulmallengkur.

KHNUITLUNG CHAY 7:26

Heitoubi nani naiyei cheemrakhi machinknaei putchei rapya yenlhaknung yamakrou; heinimanungri nakhi ya'nakrimni himangrou. Heirou nani thrailha rapya tekkhi palmakrou da; heitoubi heirapya nani machinrou da; kouweiyo toulanungri, heirapri manchokur putcheirap.”

JOSHUA 6:18

Heiya nani deekmangyerkur putchei rapya khramphabini markummaknanungei mukheini toulak, nimanungri nani heirapya khramphabi cheemra yenkhumheilanungri, nani Israel rapbei rungbomra manchoyerbi klah dayernarou.

PICHAR PURAP 16:20

Heirouri Delila'ne kyun, “Philistia rapne neiya kulchalphoprou youwame, kanthouwalo, Samson!” Heisi tounarouri aiyei ipnarei, “Keitam kanthoubi hanuikhi halleinaksine ruifret engtatdurbi trukthutkur manirouwiya!” toubi yunmalom loukanthoukur. Heiya Umpune airouwei thukkura touri ane ningmukhoumakur.

PICHAR PURAP 2:14

Heisi tounarouri Umpune Israel rapbei doura meithukni malungkhakur. Heingamei yayari Ane lhangaimak yeekna thimi rapbei hutra dayerwurbi konmaangyerkur; heirou Umpune yaya karhilni klei yeekna thimi rapnungei yorlhakkur. Heingamei yaiyei yeekna thimi rapbei maibongra yani mayungchangmakur.

PICHAR PURAP 2:4

Heineri asitoubine thukkura, touri Umpuei Thangring heiwani tloulhangrap heiya Israellei chanaorap nammanung shunpikur heirouri thimi rapni yaiyei hou chouni ungraobini chapkur.

1 SAMUEL 14:38

Heitounei ngamrou Saul'ne kyun, “Raallui uparap, na nammani bi arou heikarnaklhaklak, heirou koutoubi anaksi borhya toukurro toubi munanungei angtu tlainirou kani raphathutdase.