JOSHUA 7:11 - KHYINGEI PU'TLOU Bible (BSI)

¹¹ Israel rapni borhlhou touwurla, heirou Keine yanungei mardingpikur chaytlouya toubaiwurbini marmokyerwurla. Heitoubi yani klou yamak putcheirap thakhi muni louheibini yulkhouwurbi mandalnei lhoukhi touwurla. Heiyakhi duinara, yani putchei rapya yaiyei putchei rapbei hangra touchoklhakurla.

JOSHUA 7:11 Iomraidhean Croise

2 KRUNGRAP 18:12

ngamri yane yaiyei Dunpu, Umpuei shunya ninglhakhoumak; heiya Aiyei chaylam rapya yane toubaibi chakhou; heiyakhi duinara Umpuei shikrui Moses'yei chaytlou rapyakhi yane ninglhakpikhoumak, lhou khoinekhi toupimak.

2 KRUNGRAP 5:24

Heirou ane lhungdoura hungtlungei kheenrouri, ani heirapya yaihutrei loubine, aiyei cheemwaira marpeibi khoukur; heitoubi yaya hilmallengbi shaalyerkur.

ISAIAH 24:5

Tlaipangpal thleikhi heiyei doura paalbi klei tlaipang thimi rapne borhyerwurla; kouweiyo toulanungri yani Dunpuei chaylam rapya toubaiwurla, heitoubi kulyomei youkna lammit rapkhi, heirou mardingkril tloubom rapkhi chanthungmakura.

JEREMIAH 31:32

Tlou mardingkril heiri Keine bongei yai patar raple mardingrilbi, Keine yai hutbangra churbine Egypt ram'rouwei yenruithutbi, heirou Keine yanungei shal hoiknani leikhouwei kheenrou, yani toubaiwurkhou tloumarding heinaksiri nimakrou,” toubi Umpune paothutlei.

HOSEA 6:7

Heiya yari Adamyei chaanrouwei mardingrilkur tlou'kantomya toubaiwurla; heitoubi yane Keiyari thi'msitbi karhane lhou toulei.

LEVIYA 5:15

“Kounakpi thimi hukounak khatni muheimakni Umpuei khyingei lhoubomra toushuiwurbi toukarhakur leiyanungri, heirouri ani aiyei mralnung'tlim Umpuei bomra yaorul hangrei msei naimak yaopacha khat loubine, Pucheemrei youkna hilthungni, kulshanyei shekelkou chaangh malknani urthutbi makatrou da; ngamri heiri borhnung tlimyei makatput khat khoi.

HABAKKUK 2:6

Raalla manmallongkur thimirap nammani aidoura laonabi yailim yunnabi, heirou yani aidoura shei shaknabi yunheirou: “Aiyei lalkhi nimakpaya ani khum'mallongbine marpeibaangkur thimi, heirou minungei nambine lungmallongbine laldun thimi heinungeiri kounakei laknawo! Aiyei thleiyei phura mallonglhakhou lalthum rapya kounak tlani pulchirouwo?”

ZECHARIAH 5:4

Keine lailik khyo heiwaya malhetthutrou,” toubi Thangwan-Shimleiyei Pu Umpune shunlei. “Heiwani mucha thimiyei cheemra trailhakrou, heirou Keiminra klalni tlou kantomkur thimiyei cheemrakhi trailhakrou; heitoubi lailik'khyo heiwane aicheemra leibine, heitoubi aicheemrei heengro heirou thlung lhuimakne kaangtumchirou.”

MATTHEW 22:21

“Rome Krungei minle heirou aiyei runglha yaolei,” toubi yane loumallangkur. Heitounei Jesu'ne yanung kyun, “Heiyanungri lhangaiya, nane Rome Krungnungei naiyei khulrui pibomthuk heiwari anungei pilaka, heirou Dunpunungei pibomthuk heiwari Dunpunung pilaka.”

PAOCHA 5:9

Heirouri Peter'ne anung shunkur, “Kouya tounei nakhu shangramni Dunpuei Lhawaiya malhimnara dayernanungei ningchakurawo? Neishalya khi-krui kartlanga rapri shumtrumra mayungbi leileihui, heirou yane neiyakhi heinakrimne urthutlourou.”

KHNUITLUNG CHAY 17:2

“Kounakpi naihangrei napawa khatni nimanung napuiya khatni, UMPU naiyei Dunpune nanungei piwurkhou khukarthil khatdei rilla, naiyei Dunpu UMPUei mardingkur tlouya toubaiwurbini, Aiyei mit'thrilnara lhangaimak lhouya toulanungri;

HEBREWA 4:13

Heini Dunpuei maibongra koukhatkhi munne yulkhou manemakrou; tlaipang dourei sheemthutkur put namma Aiyei maibongrari yertlengwa muchilei. Heirou ka namyerwakhi Aiyei maibongra kaiyei lhourap namma mutdeirou.

JOSHUA 23:16

Heirou naiyei Dunpu, Umpune nanungei chay pibini mardingpikur tloulam rapya nani toubaiwurbi, heirou thrailha deideiya watlhou toubine khrumlanungri, Umpune nayari meithukni malungkharou, heitoubi Ane nanungei piwurkhou lhangaiyei ram arouwei khrangni maangyerheirou.”

JOSHUA 7:1

Heiya Israellei thimi rapni lounungei yamak putchei rapya munni louheibini malungamkna yaomakni lhou touwurla; kouweiyo toulanungri, Judah cheemkhurei Zerah'yei chanapawa Zabdi'ne pukkhou Carmi'yei chanapawa Achan'ne klou yamak putchei rapya muni tha louheibini yulkhoukur; heitounei ngamrou Umpune Israel thimi rapbei doura meithukni malungkhakur.

JOSHUA 7:10

Heisi tounarouri Umpune Joshua'nung shun: “Kanthouwalo! Kounungei neiyei maiya thleira sikhuplhakbini leikurrawo?

PICHAR PURAP 2:20

Heitounei ngamrou Umpune Israel rapbei doura meithukni malungkhabi, heirou Ane kyun: “Ngamri Lim awane yaiyei nutar-patar rapnungei chay piwurkhou Keiyei Mardingrilnei Tlou rapya toubaiwurla, heirou yani Keiyakhi ninglhakpimakura.”

1 SAMUEL 14:38

Heitounei ngamrou Saul'ne kyun, “Raallui uparap, na nammani bi arou heikarnaklhaklak, heirou koutoubi anaksi borhya toukurro toubi munanungei angtu tlainirou kani raphathutdase.