JOSHUA 7:1 - KHYINGEI PU'TLOU Bible (BSI)

¹ Heiya Israellei thimi rapni lounungei yamak putchei rapya munni louheibini malungamkna yaomakni lhou touwurla; kouweiyo toulanungri, Judah cheemkhurei Zerah'yei chanapawa Zabdi'ne pukkhou Carmi'yei chanapawa Achan'ne klou yamak putchei rapya muni tha louheibini yulkhoukur; heitounei ngamrou Umpune Israel thimi rapbei doura meithukni malungkhakur.

JOSHUA 7:1 Iomraidhean Croise

KANTHOUNA 34:27

Heirou Jacobei chanapawa rapne khilhung rapya karhoibi wachangurbi, khukarthil heikhi yaiyei charwiya touchopburnei khlanglhak khoini waiknaini kontumwurkhou.

2 SAMUEL 24:1

Heirouri hanuikhi Umpune Israel rapbei doura meithukni malungkhawurthu; heitounei ngamrou ani David'ya toufyoubine, “Chabine, Israel raple, Judah'yei thimi mshing kansherlaka,” toubine shunpikur.

2 KRUNGRAP 5:24

Heirou ane lhungdoura hungtlungei kheenrouri, ani heirapya yaihutrei loubine, aiyei cheemwaira marpeibi khoukur; heitoubi yaya hilmallengbi shaalyerkur.

1 CHAANLAM 21:7

Heirou aiyei heinaksi chaytlou heiwari Umpuei mit'thrilnarari machinknayei tlou, heitounei ngamrou Umpune Israel rapya norwurbi klah dayerkur.

2 CHAANLAM 24:18

Heisitoubi yane yaipawa rapbei Dunpu, Umpuei Pucheemya lakkurkhoubi, heitoubi Asherimei thrailha rapya watlhou toubine khrumkur; heisitoubi, yaiyei mralnung'tlim Judah'le, Jerusalemei doura Dunpuei meithukei malungkha yongdakur.

EZRA 9:6

keine shunchakur, “O keiyei Dunpu, keiri rikraiwurbi, Neinungei keiyei mairungya rampha mangalthut'ngam'makura, keiyei Dunpu, kouweiyo toulanungri, kaiyei borh awari kaiyei lip dummura, heirou kaiyei mralri nungthou katokkura.

JOB 35:8

Neiyei khril lhangai heiwari tlaipang thimi nangnaksi'nungei khoi, heirou neiyei tharmu chimmei lhoutou heiwakhi tlaipang thimiyei chanao rapnungei tomngei.”

PAOCHIL 9:18

Roushingni raallei hutshuya duine lhangai; heiya borh thimi napung-khatne lhangai thimi rulkhatya toumangurlei.

DANIEL 9:7

Tharmu chimri Neinungei klei, O Umpu, heiya angturi kanungeiri rikraiknani bil thimmura, Judah'yei thimi rapnung, Jerusalem'ra paalbi klei thimirap, heirou Israelrap heirou Nangne hulchekurbi ram nammara, naknara heirou tlatnara paalbi klei thimirap namanungeiri beimakne rikraikna hoiyura; ngamri yani Neiya karhani malungamnamakei lhouya touwurla.

LEVIYA 10:6

Heirouri Moses'ne Aaron heirou aiyei chanaorap Eleazar'le Ithamarya shun, “Naiyei lurei sam toutaburnungei yamakrou, heirou naiyei phirul-phishamb rapkhi threlchaalbi upnungeikhi yamakrou, nimanungri nakhi hirou, heirou Umpuei meithukkei malungkhakur heiri kulyomyei doura yongdarou. Heiya naiyei teinaorap, Israellei thimirap nammani Umpuei meini kaanghatyerkur thimi rapnung'tlim khi-kanrilni chaplaksu.

JONAH 1:7

Heirouri yani khatle khat yunrilkur, “Soh, hungalo, kani meirui deekbi thiyase, heitoubi huwei ngamrou kaidoura anaksi thuithikur klah dayerkurro touri kane murou.” Heisitoubi yane meirui thinarouri Jonah'nung hungdakur.

JOSHUA 22:16

“Umpuei kulyom nammani atoubi yunrillura: ‘Angtu nani Umpuya manthamakni, naitamni khrahpal khat sabaangbini, Aiyei hil chanthungnarei mai khreithutdurbi, angtu nani Israellei Dunpuya karhani malungamkna yaomakni lhou toukurya koutouneiyo?

JOSHUA 22:18

Heineri angtu nani Umpuei hil chanthungnarei mai khreithutrouwako? Heirou angtu nani Airouwei mai khreithutdurbi, Umpuya karhani lhou tourou dawanungri, ninga hillei hungrou kyou Israellei kulyom rapbei chaanserrou Ane meithukni malungkharou.

JOSHUA 22:20

Zerahyei chanapawa Achan'ne malungamkna makni touheimak lhouya touwurnarou, Israel rapbei kulyomrap namyerrei doura Umpuei malungkha yongdakur nimaka? Heirou thimi heini aitamei mralni aitamthil himangkur nimakni thimi deikhi kyaoni himaangkur.’ ”