JOSHUA 6:4 - KHYINGEI PU'TLOU Bible (BSI)

⁴ Heitoubi Suipipu napung enikhi kyaoni, yaopaei chee pengkul khatsol shinbini, Mardingpina Theengkung maibongra louchayerlak; heitoubi enini tlung tlainirouri nani khukarthil heiwaya enibuirek karhilni kuibi charou da; heitoubi Suipipu rapni pengkul rapya shakhungrou da.

JOSHUA 6:4 Iomraidhean Croise

KANTHOUNA 2:3

Heirou Dunpune enini tlung tlaini heiya marthingthutbi khyingei tlaini khoini phor pikur; ngamri Dunpune Aiyei sheemthut-sathutnei lhourap namyerwa luilhakbi heiyei tlainirou mathrilkur.

1 KRUNGRAP 18:43

Heirouri ani aiyei shokya shun, “Asinungri nangne wathukbine, Samadru lhangra heithrilthilak.” Heisi tounarouri ane wathukwurbi Samadru lhangra thrilthikur, heirouri ani kyun, “Keiri koukhi yukmumakme.” Heirouri Elijah'ne, “Hanuikhi wathrilthithulak,” toubi shunnarouri, enibuirek wathukbine thrilthikur.

2 KRUNGRAP 5:10

Heirouri Elisha'ne thimi khat heimalhetbi aya washunkyer, “Nangne chabi, heirou Jordan kungra enbuirek yuira luplaka; heiyanungri neiyei raichi paat heiri damwurbi hak-un heikarbilrou.”

2 KRUNGRAP 5:14

Heisi tounarouri Dunpuei thimine shunpikur tloubom hilthungne ani wawurbine Jordan kungra aitam enbuirek lupkur; heirouri aiyei hak-un heiwari douwachaei hak-un naksine heileikur, heisitoubi aiyei raichi paat heiri raikur.

2 CHAANLAM 13:12

Asinungri thilak, Dunpuri kaiyei ruichingpi Pu khoine kaya kalhonpibi leilei, heirou Aiyei suipipu rapne raalthouna pengkul rapya shakhungbi kaya naidoura karhane raal dananungei shakhungnungei marshikbi leiyurame. O Israellei chanaorap, nai patar tapbei Dunpu, Umpuya karhane raal dananungei toumaklo; kouweiyo toulanungri nani raal manemakrou.”

2 CHAANLAM 20:17

Heirou raalbom awari nane kardourilnungei nimak, heiya nane raalsonei ho'trumyatom kantrumbine raal marshiklak, heitoubi nanungei tlim Umpune raal manerou kyou heiwayatom nani thrilthilak; O Judah'le Jerusalem. Nane ningchiwurbi nailhawai kanwangurmaklo; ningari nane wathukbi yaya karthanglak; kouweiyo toulanungri Umpune naya kalhonpirou.”

2 CHAANLAM 20:19

Heirouri Kohathia cheemkhurrei chanao raple, Korahia cheemkhurrei chanaorap Levia rapnekhi mayungbi, Israellei Dunpu, Umpuya hou choune ungraobi mathangkur.

2 CHAANLAM 20:21

Heirou Jehoshaphat'ne thimi raple murilbi tlou kartongrilkur hillouri, laa shabi Umpuya mathangrou thimi raple, heirou khyingei shambya baangbine Umpuya mathangbangrou thimi rapya ani khalthutbi, heitoubi yane yeekna raallui rapbei maibongra wahangyeinung ane kyun, “Umpuya mathanglaklo, kouweiyo toulanungri Aiyei malungshi-kringpikhei heiwari klui naimak.”

JOB 42:8

Ngam heineri, asinungri nai'mshane halpa enitamle, yaopa enitamkhi loubine Keiyei shok Job'nung wabine, meira pumni hongbine, nanung'tlim makatlaka; heitoubi Job'ne neinung'tlim shunchapirou. Kouweiyo toulanungri Keine aya yapibine loulhakpirou, heitoubi neiyei yuntlungmakei touwurkhou lhounung'tlim Keine neiya tanti pimakarou. Keiyei shok Job'nungei klei Keiyei ngamrou tharmu chim tlouya nangne yunkhoumakura.”

ISAIAH 27:13

Heiyei tlainirouri asitoubikhi hungthukheirou, touri Pengkul hou chouni shakhungrouwa, heirouri Assyria'yei ramra mangurbi leikurrap, heirou Egyptbei ramra rachekkurbi leikurrap nammani Jerusalemei Khyingei Lhungdoura wakartilbine Umpuya khrumheirou.

LEVIYA 14:16

Heirou aiyei thyarei hutmayungni aiyei thyoirei hutmai dourei shungthutkhou shirekra thunlupbini, heitoubi aiyei hutmayungni shirek thacha Umpuei maibongra enibuirek thingphaangrou.

LEVIYA 4:6

Heirou Suipipuni aiyei hutmayung heiri heera thunlupbi, heitoubi Pucheemyei mangkhalla yarkhalna phiyengra Umpuei maibongra hee heiri enibuirek khrephaanglaksu.

ZECHARIAH 4:2

Heitoubi keinungei heikngai, “Nangne kouya muphaleiyo?” Heirouri keine loumallangbi kyun, “Thilak, sinayei meitharl khat, heiyei dourane meishar shirek-kok khat dunkhoubine, heitoubi heiyei doura meishar enitamkhi kyaone, heirou meishar enitam heirouwei meiruikhor khatsol mandokbine, heitoubi heirapya meitharl doura dunbaangbi klei keine muleime.”

ZECHARIAH 4:6

Heirou ane loumallangbi keinungei shun, “Awari Zerubbabel'nungei shunpikur Umpuei tloulhangme, touri, Awari mantrangnikhi nimak, heirou roushingnikhi nimak, heiya Keiyei Lhawaini toukur lhoume,” toubine Thangwan-Shimleiyei Pu Umpune shunlei.

MSHING KANSHER 23:1

Heirouri Balaam'ne Balak'nung shun: “Bi atamrou keinungei khrahpal enitam sabangpilak, heitoubi keinungei halpa enitamle yaopa enitamkhi marshikpilak.”

JOSHUA 6:13

Heirou Suipipu napung eninikhi yaopaei chee pengkul enitam shinbi Umpuei Mardingpina Theengkungei maibongra louchabini, pengkul rapya shakhungkur; heitoubi raal-shamb kansamkur raallui rapni yai maibongra louchakur, heitoubi khangshella rapni Umpuei Mardingpina Theengkungei hilla heichanthungkur; heisitoubi pengkul shakhungbini chakur.

JOSHUA 6:3

Heitoubi nangni, raalluirap nammale kalhonni, khukarthil heiwaya nungkhatnuirou hanuitomtom karhilni kuibi chalak. Heisitoubi nangni thruknibil karhilni chalaka.

JOSHUA 6:5

Heirouri asitoubine hungthukrou touri, yani pengkul hou tlani shakhungeinung, heiyei houya nani mayeklanungri, raalluirap nammanikhi hou chouni lou'ungraorou da; heirouri khukarthillei raalpal heiwari namma deeksundabini khromchirouwa; heirouri raallui rapni maibong lhangra raalsobi heitonlhakrou da.”

KANRETHUTPI 1:20

Neiyei mukur Keiyei thyarei hutra shinbi klei sorwa enitamei, heirou sinayei meishar dunna meitharl enitamei mu'kna heirapri arime; Sorwa enitam heiri Church enitamei Thangring enitam heirime, heirou meishar dunna meitharl enitam heiri Church enitam heirapri.

KANRETHUTPI 1:4

Asia Khokulrei klei Church enitamnung John'rei chethi aya manthunthunglei. Asinungkhi, haallei waiyoubi louklei heirou hungrou kyou Dunpurei, heirou Aiyei Krungbom maibongrei klei Lhawai Enitam'reikhi,

KANRETHUTPI 10:3

Heitoubi yangkongei hounak ungraobi kyun. Heirouri Aiyei ungraobi kyun hillouri, marwanyei hounaksi enitamni ungraobi loumallangkur.

KANRETHUTPI 15:1

Heirouri nungthoura beimakne tang heirou ngakna hutlha khat keine muwurla touri Thangring enitamni Dunpuei luilhakna khoiyei shamthutkur meithukni malungkhanei thraikna enitamle kalhonbi klei.

KANRETHUTPI 15:7

Heirouri lhawaipal chiwi phalitamei hangrouwei khatne Thangring enitamnung klui naimakne ringbi klei Dunpuei meithukni malungkhanei sinayei daarkep enitam heiwaya malanpikur.

KANRETHUTPI 16:1

Heirouri Thangring enitam'nung Pucheemrei hou chou khatne atoubi kyunya keine mayekkurla. “Nane yongbi heirou tlaipangpalra Dunpuei malungkhanei daarkep enitam heiwaya shungsundalak!”

KANRETHUTPI 5:1

Krungbom doura ombi klei Puwayei thya lhangrei hutra lailik-khyo khat shinbi klei keine muwurla; heitoubi lailik heiri mnak khintamra mayebi heirou heiyei doura simanlha enitam nambangbi klei.

KANRETHUTPI 5:6

Heitoubi Yaoshun khat, lhawaipal chiwi enitamle Yama upa rapbei kuikarhilbi klei Krung'bommei tlailamra mayungbi kleiya keine muwurla. Yaoshun heiri hatkurnak kmalni klei. Tlaipangpal karyouni malhetthutkur Dunpuei Lhawai enitam heiri aiyei chee enitamle mitlung enitamkhi klei.

KANRETHUTPI 8:2

Heitoubi Thangring enitamne Dunpuei maibongra mayungbi leinarou yanungei pengkul enitam malanpikur.

KANRETHUTPI 8:6

Heirouri Thangring enitamni pengkul enitam shinbine heitoubi khungnanungei marshikbi leikur.