JOSHUA 6:2 - KHYINGEI PU'TLOU Bible (BSI)

² Heirouri Umpune Joshua'nung shun: “Thilak, Jericho'ri Keine aiyei Krungle, heirou aiyei hutmantrang shireikhei raallui rapyakhi neihutra pilhakurla.

JOSHUA 6:2 Iomraidhean Croise

2 SAMUEL 5:19

Heirouri David'ne Umpunungei tlou loubi ngaithikur, “Philistia rapbei doura keine raal daserouko? Nangne yayari keihutra pilhakrouko?” Heirou Umpune David'nung loushunkur, “Kawalo, heitoubi raal dalaka, kouweiyo toulanungri, Philistia rapyari Keine neihutra pilhakrou.”

NEHEMIAH 9:24

Heisitoubi yaiyei yu-cha rapne ram heiwarou wachangbine ramkalbi yuldakur. Heitoubi Nangne Canaania rapbei ramra yuldabine louklei thimi rapya yaimaibongra namsundawurbi kulchalyerkur. Heitoubi Nangne Canaania rapyari yaihutra pilhakurbine, yaiyei Krung raple, heirou ram heirouwei thimi rapyakhi yaiyei toukni hilthungne lhou touyerkur.

DANIEL 2:21

Ane kheenya heirou kumchaanya martlengkur manilei; Ane Krung rapya louthutdurlei, heitoubi Krungrap deiya khalbaangurlei; shingkhei thimi rapnungei Ane roushing pilei, heirou phabda thimi rapnungei Ane khyal pilei.

DANIEL 2:44

“Heirou heinaksi Krung rapbei chaanrouri Thangmunrei Dunpune tekkhi toumaang manemak Krungram khat phunbaangpirou, heirou Krungram heiwari thimidei hukhatdei dourakhi lakkhoupimakrou; heitoubi Krungram heiwane Krungram deirap nammaya nangbairou, heirou ari aitam klui naimak-trim naimakne paalheirou.

DANIEL 4:17

Chaytlou awari Thangringni shunpikur tloubom, heirou Thangmunrei khying thimi rapbei paothutpikur chaytlou. Heineri khring tlaipang lim nammani mubomthuk touri Yerrouwei Choudui Puni tlaipang Krungbom nammaei doura Pu hoipilei, heirou Aiyei pi'kni thimi rapbei doura Ane phor yukpilei, heirou ukning khnim thimiya Ane phunkanthoupilei.’ ”

DANIEL 4:35

Heirou tlaipangra paalbi klei thimi rapri koukhi nimakme. Heiya Ane thangwanra Aiyei kning hilthungne lhou toupilei, heirou tlaipangpallei thimi rapbei hangrakhi Ane lhou toupilei. Heirou thimi hukhatnekhi Aiyei hutrouwei kartleichangmak, nimanung hunekhi, ‘Neiyei toukur awaya kouwo?’ toubikhi Anungei yunchangmak.

DANIEL 5:18

“O Krung, Yerrouwei Choudui Dunpune nai pawa Nebuchadnezzar'ya lilkhoi Krungbomya lhakpikhou, heitoubi aya thang'alkhi, toumaninei mantrangkhi heirou rikrai khrumknakhi pikhou.

KHNUITLUNG CHAY 7:24

Heirouri Ane yaiyei krung rapya naihutra pilhakrou; heitoubi nani yaiyei min rapya tlaipang dourouwei mangyerrou; heirouri nani yaya tlumni mangyerchi bongyen nai maibongrari hunikhi loumayungchang'makrou.

JOSHUA 12:9

Jerichoei Krungkhi, heirou Bethel pongra klei Ai khukarthilyei krungkhi;

JOSHUA 2:24

Heirou yakhuntani Joshua'nung yunpikur: “Tanghakpani ram heiwaya Umpune kaihutra piklhakurla; kouweiyo toulanungri, ram heirou klei thimirap nammari kaingamrou pao mayeknarouri chitekbini solungkhi yuinaksini yawurchiya.”

JOSHUA 2:9

heitoubi yasiya kashun: “Ram awari Umpune nanungei piwurlame touri keine muwurla; heitoubi naiyei ngamrou chirilkur heiwari kaidoura dawura, heineri ram arou paalbi klei thimirap nammari nai maibongra chitekkurbi kanchunwurchiya.

JOSHUA 20:1

Heirouri Umpune Joshua'nung shunbi atoubi kyun:

JOSHUA 6:1

Asinungri Jerichoei palshung heiwari Israel rapya chiwurnei ngamrou cheemkhar thungkhalbi hang rotphopbidik khouwurla, heingammei thimi hukhatkhi wathuk-hungchangkhi toumakni leirilkur.

JOSHUA 6:3

Heitoubi nangni, raalluirap nammale kalhonni, khukarthil heiwaya nungkhatnuirou hanuitomtom karhilni kuibi chalak. Heisitoubi nangni thruknibil karhilni chalaka.

JOSHUA 8:1

Heirouri Umpune Joshua'nung shun: “Chimak, heirou neilhawai lahmak! Nangle kalhonni raalluirap namma ruibini kanthouwa, heitoubi Aiyei khukarthilla kawalo. Thilak, Aiyei Krungle, aiyei thimi raple, heiyei Khukarthil heirou aiyei ramkhi Keine neihutra pilhakurla.

PICHAR PURAP 11:21

Heirouri Israellei Dunpu, Umpune Sihon'le heirou aiyei thimirap nammaya Israel rapbei hutra pilhakurla, heitoubi Israel rapni yaya raal manikur; heisitoubine Israel rapni Amoria rapbei paalkhouna ram heiwaya lukloubi yuldakur.

PICHAR PURAP 11:24

Neiyei thrai Chemosh'ne neinungei piwurkhou ram heiwaya nangni kalbini paalmakrouko? Heineri keiyei Dunpu, Umpune kai maibongrei hulthutlouna ramri kani kalbi paalrou da.